ഗ​താ​ഗ​ത സൗ​ക​ര്യ​മി​ല്ല; രോ​ഗി​യെ ആ​ശു​പ​ത്രി​യി​ലെ​ത്തി​ച്ച​ത് ചു​മ​ന്ന്

കാ​ഞ്ഞ​ങ്ങാ​ട്: റോ​ഡ് സൗ​ക​ര്യ​മി​ല്ലാ​ത്ത​തി​നെ തു​ട​ർ​ന്ന് രോ​ഗി​യെ ആ​ശു​പ​ത്രി​യി​ലെ​ത്തി​ച്ച​ത് ഏ​റെ​ദൂ​രം ചു​മ​ന്ന്. കാ​ഞ്ഞ​ങ്ങാ​ട് ടൗ​ണി​ൽ​നി​ന്ന് ഏ​റെ അ​ക​ലെ​യ​ല്ലാ​ത്ത ഇ​രി​യ മു​ട്ടി​ച്ചി​റ സ്വ​ദേ​ശി ഹം​സ​ക്കോ​യെ​യാ​ണ് സന്നദ്ധ പ്ര​വ​ർ​ത്ത​ക​രും നാ​ട്ടു​കാ​രും ചേ​ർ​ന്ന് ചു​മ​ന്ന് ആ​ശു​പ​ത്രി​യി​ൽ എ​ത്തി​ച്ച​ത്. വീ​ട്ടി​ൽ​നി​ന്ന് പ്ര​ധാ​ന റോ​ഡി​ലേ​ക്ക് ചു​മ​ന്ന് എ​ത്തി​ക്കു​ക​യും ഇ​വി​ടെ​നി​ന്ന് ആം​ബു​ല​ൻ​സ് വ​ഴി ജി​ല്ല ആ​ശു​പ​ത്രി​യി​ൽ എ​ത്തി​ക്കു​ക​യു​മാ​യി​രു​ന്നു.

രോ​ഗി​യാ​യ ഭാ​ര്യ​യും ഹം​സ​ക്കോ​യ​യും താ​മ​സി​ക്കു​ന്ന വീ​ട്ടി​ലേ​ക്ക് ഒ​രു ഗ​താ​ഗ​ത സൗ​ക​ര്യ​വു​മി​ല്ല. ഇ​ങ്ങ​നെ​യൊ​രു പ്ര​ദേ​ശം ന​മ്മു​ടെ നാ​ട്ടി​ലു​ണ്ടോ എ​ന്ന് അ​ത്ഭു​ത​പ്പെ​ട്ടു​പോ​കു​മെ​ന്നാ​ണ് സ്ഥ​ല​ത്തെ​ത്തി​യ സന്നദ്ധ പ്ര​വ​ർ​ത്ത​ക​ർ പ​റ​ഞ്ഞ​ത്. ഹം​സ​ക്കോയക്ക് ഹൃ​ദ​യ​സം​ബ​ന്ധ​മാ​യ രോ​ഗ​വും ഭാ​ര്യ അ​ർ​ബു​ദ രോ​ഗി​യു​മാ​ണ്. മ​ക്ക​ളി​ല്ലാ​ത്ത ഇ​വ​ർ സു​മ​ന​സ്സു​ക​ളു​ടെ സ​ഹാ​യം​കൊ​ണ്ടാ​ണ് ഓ​രോ ദി​ന​വും ത​ള്ളി​നീ​ക്കു​ന്ന​ത്. ഇ​ദ്ദേ​ഹ​മി​പ്പോ​ൾ ജി​ല്ല ആ​ശു​പ​ത്രി​യി​ൽ കി​ട​ത്തി ചി​കി​ത്സ​യി​ലാ​ണ്. കൂ​ട്ടി​രി​ക്കാ​ൻ പോ​ലും ആ​ളി​ല്ലാ​ത്ത അ​വ​സ്ഥ​യി​ലാ​ണ്.

ഈ ​പ്ര​ദേ​ശം ഗ​താ​ഗ​ത​യോ​ഗ്യ​മാ​ക്ക​ണ​മെ​ന്ന് പ​ല​ത​വ​ണ വാ​ർ​ഡ് മെം​ബ​റോ​ടും പു​ല്ലൂ​ർ-​പെ​രി​യ പ​ഞ്ചാ​യ​ത്തി​നോ​ടും ആ​വ​ശ്യ​പ്പെ​ട്ടി​രു​ന്നെ​ങ്കി​ലും പ​രി​ഹാ​ര​മാ​യി​ല്ല. അ​ധി​കാ​രി​ക​ളു​ടെ ക​ണ്ണ് എ​ന്ന് തു​റ​ക്കു​മെ​ന്നാ​ണ് നാ​ട്ടു​കാ​ർ ചോ​ദി​ക്കു​ന്ന​ത്. ആ​രോ​രു​മി​ല്ലാ​ത്ത ഇ​വ​ർ​ക്ക് അ​ധി​കാ​രി​ക​ൾ വേ​ണ്ട​ത്ര പ​രി​ഗ​ണ​ന ന​ൽ​കു​ന്നി​ല്ലെ​ന്നാ​ണ് പ​രാ​തി.