റോഡ് തകർന്നു; നാട്ടുകാർ നിർമാണ കമ്പനിയുടെ പ്ലാന്റ് ഉപരോധിച്ചു

കാ​ഞ്ഞ​ങ്ങാ​ട്: പൊ​തു​മാ​രാ​മ​ത്ത്​ റോ​ഡു​ത​ക​ർ​ന്ന് ത​രി​പ്പ​ണ​മാ​യ​തി​നെത്തുട​ർ​ന്ന് പൊ​റു​തിമു​ട്ടി​യ നാ​ട്ടു​കാ​ർ നി​ർ​മാ​ണ ക​മ്പ​നി​യു​ടെ പ്ലാ​ന്റ് ഉ​പ​രോ​ധി​ക്കു​ക​യും ലോ​റി​ക​ൾ ത​ട​ഞ്ഞി​ടു​ക​യും ചെ​യ്തു. അ​മ്പ​ല​ത്ത​റ, ചാ​ലി​ങ്കാ​ൽ റോ​ഡി​ന്റെ ശോ​ച്യാ​വ​സ്ഥ പ​രി​ഹ​രി​ക്ക​ണ​മെ​ന്ന് ആ​വ​ശ്യ​പ്പെ​ട്ട് മീ​ങ്ങോ​ത്ത്‌ ഇ.​എം.​എ​സ് ക​ലാ കാ​യി​ക വേ​ദി​യു​ടെ നേ​തൃ​ത്വ​ത്തി​ൽ നാ​ട്ടു​കാ​ർ ഇ​ന്ന​ലെ രാ​വി​ലെ​യാ​ണ് ഇ​വി​ട​ത്തെ മേഘ ക​ൺ​സ്ട്ര​ക്ഷ​ൻ ക​മ്പ​നി​യു​ടെ പ്ലാ​ന്റ് ഉ​പ​രോ​ധി​ച്ച​ത്.

മൂ​ന്ന് മ​ണി​ക്കൂ​ർ സ​മ​യം ക​മ്പ​നി​യു​ടെ ലോ​റി​ക​ൾ സ​ർ​വി​സ് ന​ട​ത്താ​ൻ വി​ടാ​തെ ത​ട​ഞ്ഞു. പ്ലാ​ന്റി​ലേ​ക്ക് വാ​ഹ​ന​ങ്ങ​ളെ​ത്തു​ന്ന​ത് മൂ​ല​മാ​ണ് ചാ​ലി​ങ്കാ​ൽ മു​ത​ൽ മീ​ങ്ങോ​ത്തു​വ​രെ റോ​ഡു​ക​ൾ പൂ​ർ​ണ​മാ​യും ത​ക​ർ​ന്ന​തെ​ന്ന് നാ​ട്ടു​കാ​ർ പ​റ​ഞ്ഞു. ടി​പ്പ​ർ, ടോ​റ​സ് ഉ​ൾ​പ്പെ​ടെ വ​ലി​യ വാ​ഹ​ന​ങ്ങ​ൾ ഭാ​രം ക​യ​റ്റി ഏ​ത് സ​മ​യ​ത്തും സ​ർ​വി​സ് ന​ട​ത്തു​ന്നു​ണ്ട്. ദേ​ശീ​യപാ​ത നി​ർ​മാ​ണ​ത്തി​ന് പ്ലാ​ന്റി​ൽനി​ന്നു​മാ​ണ് നി​ർ​മാ​ണ സാ​മ​ഗ്രി​ക​ൾ കൊ​ണ്ടു​പോ​കു​ന്ന​ത്. ദേ​ശീ​യ​പാ​ത പോ​ലെ തി​ള​ങ്ങി നി​ന്ന റോ​ഡി​ന്റെ അ​വ​സ്ഥ ഇ​ന്ന് അ​തി​ദ​യ​നീ​യ​മാ​ണ്. നാ​ട്ടു​കാ​രും വി​വി​ധ സം​ഘ​ട​ന​ക​ളും നി​ര​വ​ധി സ​മ​രം ന​ട​ത്തി.

റോ​ഡ് ന​ന്നാ​ക്കാ​മെ​ന്ന് ക​മ്പ​നി ഉ​ട​മ​ക​ൾ പ​റ​യു​ന്ന​ത​ല്ലാ​തെ പ​രി​ഹാ​ര​മു​ണ്ടാ​കു​ന്നി​ല്ല. ഇ​തേത്തുട​ർ​ന്നാ​ണ് വീ​ണ്ടും സ​മ​ര​ത്തി​നി​റ​ങ്ങി​യ​ത്. പ​രി​ഹാ​ര​മു​ണ്ടാ​കു​ന്നി​ല്ലെ​ങ്കി​ൽ സ​മ​രം തു​ട​രാ​നാ​ണ് തീ​രു​മാ​നം. പ​ഞ്ചാ​യ​ത്ത് പ്ര​സി​ഡ​ന്റി​ന്റെ നേ​തൃ​ത്വ​ത്തി​ൽ ച​ർ​ച്ച ചെ​യ്ത് പ്ര​ശ്നം പ​രി​ഹ​രി​ക്കാ​മെ​ന്ന ഉ​റ​പ്പി​ലാ​ണ് ഇ​ന്ന​ലെ വൈ​കീ​ട്ടോ​ടെ സ​മ​രം അ​വ​സാ​നി​പ്പി​ച്ച​ത്.