നാടിന് തണലേകിയ മുത്തശ്ശിമരം ഓർമയാകുന്നു

കാ​ഞ്ഞ​ങ്ങാ​ട്: മ​ടി​ക്കൈ​യി​ലെ ക​മ്യൂ​ണി​സ്റ്റ് തീ​രു​മാ​ന​ങ്ങ​ൾ​ക്ക് ത​ണ​ലേ​കി​യ മു​ത്ത​ശ്ശി​മ​രം നാ​ശ​ത്തി​ന്റെ വ​ക്കി​ൽ. ആ​യി​ര​ങ്ങ​ൾ​ക്ക് ത​ണ​ലൊ​രു​ക്കി​യ മു​ത്ത​ശ്ശി​മ​രം ന​ശി​ക്കു​ന്ന​ത് സ​ങ്ക​ട​ത്തോ​ടെ നോ​ക്കി​നി​ല്‍ക്കു​ക​യാ​ണ് മ​ടി​ക്കൈ അ​മ്പ​ല​ത്തു​ക​ര​യി​ലെ നാ​ട്ടു​കാ​ര്‍. അ​മ്പ​ല​ത്തു​ക​ര​ക്ക് തൊ​ടു​കു​റി​യാ​യി​രു​ന്നു ഈ ​പാ​ല​മ​രം. ഇ​തു​വ​ഴി ക​ട​ന്നു​പോ​കു​ന്ന യാ​ത്ര​ക്കാ​ര്‍ ആ​ദ്യം ശ്ര​ദ്ധി​ച്ചി​രു​ന്ന​തും മു​ത്ത​ശ്ശി​മ​ര​ത്തെ​യാ​ണ്.

മ​ര​ത്തി​നെ​ത്ര പ്രാ​യ​മു​ണ്ടെ​ന്ന് പ​റ​യാ​ന്‍ ജീ​വി​ച്ചി​രി​ക്കു​ന്ന​വ​ർ ആ​രു​മി​ല്ല. ഈ ​മ​ര​ച്ചു​വ​ട്ടി​ല്‍നി​ന്നാ​യി​രു​ന്നു പ​ണ്ടു​കാ​ല​ത്ത് ക​മ്മ്യൂ​ണി​സ്റ്റ് പാ​ർ​ട്ടി​യു​ടെ ഈ​റ്റി​ല്ല​മാ​യ അ​മ്പ​ല​ത്തു​ക​ര​യി​ലെ സു​പ്ര​ധാ​ന തീ​രു​മാ​ന​ങ്ങ​ളും പ്ര​ഖ്യാ​പ​ന​ങ്ങ​ളും എ​ടു​ത്തി​രു​ന്ന​ത്. ഈ ​മ​ര​ച്ചു​വ​ട്ടി​ൽ വി​ശ്ര​മി​ച്ച​വ​രും നാ​ട്ടു​വ​ർ​ത്ത​മാ​നം പ​റ​ഞ്ഞി​രു​ന്ന​വ​രും നി​ര​വ​ധി. ഇ​ല​ക​ൾ പൊ​ഴി​ഞ്ഞ് വാ​ർ​ധ​ക്യ​ത്തി​ന്റെ എ​ല്ലാ അ​ട​യാ​ള​ങ്ങ​ളും മു​ത്ത​ശ്ശി​മ​രം പ്ര​ക​ടി​പ്പി​ക്കു​ന്നു​ണ്ട്.

മു​ത്ത​ശ്ശി​മ​രം അ​പ​ക​ട​ഭീ​ഷ​ണി ഉ​യ​ര്‍ത്തു​ന്ന​ത് നാ​ട്ടു​കാ​രി​ൽ ആ​ശ​ങ്ക​യു​ള​വാ​ക്കു​ന്നു​മു​ണ്ട്. വി​ദ്യാ​ര്‍ഥി​ക​ള​ട​ക്കം ഇ​തു​വ​ഴി സ​ഞ്ച​രി​ക്കു​ന്ന ആ​ളു​ക​ൾ​ക്ക് മ​ര​ത്തി​ന്റെ ഇ​പ്പോ​ഴ​ത്തെ അ​വ​സ്ഥ ഭീ​ഷ​ണി​യാ​വു​ന്നു. മ​ര​ച്ചി​ല്ല​ക​ള്‍ പൊ​ട്ടി​വീ​ഴു​ന്ന​തും പ​തി​വാ​ണ്. കാ​ഞ്ഞ​ങ്ങാ​ട് ന​ഗ​ര​സ​ഭ പ​രി​ധി​യി​ല്‍ വ​രു​ന്ന ഈ ​മു​ത്ത​ശ്ശി​മ​ര​ത്തെ സം​ര​ക്ഷി​ക്കാ​ൻ സാ​ധ്യ​മാ​കു​മോ​യെ​ന്നും അ​റി​യി​ല്ല.