തു​രു​മ്പെ​ടു​ത്ത് കോ​ടി​ക​ൾ; ന​ശി​ക്കു​ന്ന​ത് നൂ​റു​ക​ണ​ക്കി​ന് വാ​ഹ​ന​ങ്ങ​ൾ

കാ​ഞ്ഞ​ങ്ങാ​ട്: മാ​വു​ങ്കാ​ൽ ആ​ന​ന്ദാ​ശ്ര​മം നി​ർ​മി​തി​കേ​ന്ദ്രം വ​ള​പ്പി​ൽ കാ​ട്ടി​ന​ക​ത്ത് വാ​ഹ​ന​ക്കൂ​മ്പാ​ര​ം. ഹോ​സ്ദു​ർ​ഗ് പൊ​ലീ​സ് വി​വി​ധ കേ​സു​ക​ളി​ലാ​യി പി​ടി​കൂ​ടി സ്റ്റേ​ഷ​ൻ വ​ള​പ്പി​ൽ സ്ഥ​ല​മി​ല്ലാ​താ​യ​തോ​ടെ 10 വ​ർ​ഷം മു​മ്പ് നി​ർ​മി​തി​കേ​ന്ദ്രം വ​ള​പ്പി​ലേ​ക്ക് മാ​റ്റി​യ​താ​ണ് വാ​ഹ​ന​ങ്ങ​ൾ. പി​ന്നീ​ട് ഈ ​പ്ര​ദേ​ശം കാ​ടു വ​ള​ർ​ന്ന് നൂ​റു​ക​ണ​ക്കി​ന് വാ​ഹ​ന​ങ്ങ​ൾ ഇ​തി​ന​ക​ത്താ​യി.

ലോ​റി, കാ​ർ, ടെ​മ്പോ, ഓ​ട്ടോ, ബൈ​ക്കു​ക​ൾ, ജീ​പ്പ് ഉ​ൾ​പ്പെ​ടെ വി​വി​ധ​ത​രം വാ​ഹ​ന​ങ്ങ​ളു​ണ്ട്. ഏ​റ​ക്കു​റെ മി​ക്ക വാ​ഹ​ന​ങ്ങ​ളും തു​രു​മ്പ് വി​ഴു​ങ്ങി ന​ശി​ച്ച​നി​ല​യി​ലാ​ണ്. സം​ര​ക്ഷ​ണ​മി​ല്ലാ​തെ കി​ട​ക്കു​ന്ന വാ​ഹ​ന​ങ്ങ​ളി​ൽ​നി​ന്ന് എ​ൻ​ജി​ൻ ഉ​ൾ​പ്പെ​ടെ വി​ല​പി​ടി​പ്പു​ള്ള സാ​ധ​ന​ങ്ങ​ൾ മോ​ഷ​ണം പോ​കാ​നു​ള്ള സാ​ധ്യ​ത​യു​മു​ണ്ട്. അ​ന​ധി​കൃ​ത​മാ​യി മണൽ ക​ട​ത്തു​ന്ന​തി​നി​ടെ പി​ടി​കൂ​ടി​യ നി​ര​വ​ധി ടി​പ്പ​ർ ലോ​റി​ക​ളു​മു​ണ്ട്. ഹോ​സ്ദു​ർ​ഗ് പൊ​ലീ​സ് സ്റ്റേ​ഷ​ൻ വ​ള​പ്പ് നി​റ​ഞ്ഞ​തോ​ടെ പി​ടി​കൂ​ടു​ന്ന വാ​ഹ​ന​ങ്ങ​ൾ പി​ന്നീ​ട് സ്റ്റേ​ഷ​ന് മു​ന്നി​ൽ റോ​ഡ​രി​കി​ലും ഗ​വ. റെ​സ്റ്റ് ഹൗ​സി​ന് മു​ന്നി​ലെ റോ​ഡ​രി​കി​ലു​മാ​യി നി​ർ​ത്തി​യി​ട്ടു. തീ​ര​ദേ​ശ റോ​ഡി​ലേ​ക്കു​ള്ള ഗ​താ​ഗ​ത​ത്തി​ന് ഭീ​ഷ​ണി​യാ​വു​ക​യും പ​രാ​തി വ്യാ​പ​ക​മാ​യ​തോ​ടെ​യാ​ണ് നി​ർ​മി​തി​കേ​ന്ദ്രം വ​ള​പ്പി​ലേ​ക്ക് മാ​റ്റി​യ​ത്.

ഇ​തി​നു​ശേ​ഷ​മു​ണ്ടാ​യ കേ​സു​ക​ളി​ൽ ഉ​ൾ​പ്പെ​ട്ട വാ​ഹ​ന​ങ്ങ​ൾ ഹോ​സ്ദു​ർ​ഗ് പൊ​ലീ​സ് സ്റ്റേ​ഷ​ൻ വ​ള​പ്പി​ലും റോ​ഡ​രി​കി​ലു​മാ​യി ഇ​പ്പോ​ഴു​മു​ണ്ട്. ഇ​രു​ച​ക്ര​വാ​ഹ​ന​ങ്ങ​ളാ​ണ് സ്റ്റേ​ഷ​ൻ വ​ള​പ്പി​ൽ ഏ​റെ​യു​മു​ള്ള​ത്. കോ​ടി​ക്ക​ണ​ക്കി​ന് രൂ​പ ന​ഷ്ട​മു​ണ്ടാ​കു​ന്ന സാ​ഹ​ച​ര്യ​ത്തി​ൽ ഇ​ത്ത​രം വാ​ഹ​ന​ങ്ങ​ൾ ലേ​ലം​ ചെ​യ്ത് വി​ൽ​ക്കാ​ൻ ഇ​ട​ക്കാ​ല​ത്ത് ന​ട​പ​ടി​യു​ണ്ടാ​വു​ക​യും ചി​ല വാ​ഹ​ന​ങ്ങ​ൾ ലേ​ല​ത്തി​ൽ വി​റ്റു പോ​വു​ക​യും ചെ​യ്തി​രു​ന്നു. എ​ന്നാ​ൽ, പി​ന്നീ​ട് ലേ​ല​ന​ട​പ​ടി മു​ട​ങ്ങി. കോ​ട​തി​ന​ട​പ​ടി​ക​ൾ കേ​സി​ൽ വ​ർ​ഷ​ങ്ങ​ളാ​യി നീ​ളു​ന്ന​തും വാ​ഹ​ന​ങ്ങ​ൾ തു​രു​മ്പെ​ടു​ക്കു​ന്ന​തി​ന് കാ​ര​ണ​മാ​കു​ന്നു. ബേ​ക്ക​ൽ, അ​മ്പ​ല​ത്ത​റ, രാ​ജ​പു​രം, നീ​ലേ​ശ്വ​രം, ചി​റ്റാ​രി​ക്കാ​ൽ, ചീ​മേ​നി, ച​ന്തേ​ര, വെ​ള്ള​രി​ക്കു​ണ്ട്, മേ​ൽ​പ​റ​മ്പ പൊ​ലീ​സ് സ്റ്റേ​ഷ​ൻ പ​രി​സ​ര​ങ്ങ​ളി​ലും നൂ​റു​ക​ണ​ക്കി​ന് വാ​ഹ​ന​ങ്ങ​ൾ തു​രു​മ്പെ​ടു​ത്ത അ​വ​സ്ഥ​യി​ലാ​ണ്.