ആരും കാണുന്നില്ലേ ഇൗ സ്​കൂൾ പരിസരം?; സ്കൂൾ മതിലിനോട് ചേർന്ന് കസ്​റ്റഡി വാഹനങ്ങളും പിടിച്ചെടുത്ത തോണികളും

കുമ്പള: സ്കൂൾ തുറക്കാൻ ഒരാഴ്ച മാത്രം ബാക്കിയിരിക്കെ കുമ്പള ഗവ. ഹയർ സെക്കൻഡറി സ്കൂൾ പരിസരം കാടുപിടിച്ചുതന്നെ. ഒന്നര വർഷങ്ങൾക്കു മുമ്പ് സ്കൂൾ അടച്ചിടുമ്പോൾ ഉണ്ടായിരുന്ന അവസ്ഥയിലല്ല സ്കൂൾ പരിസരം. മറ്റുള്ളവർക്ക് മാതൃകയാകേണ്ട പൊലീസാണ് സ്കൂൾ പരിസരം കാടുപിടിപ്പിച്ച അവസ്ഥക്ക്​ കാരണക്കാർ. മൈതാനത്ത് സ്കൂൾ മതിലിനോട് ചേർന്ന് കസ്​റ്റഡി വാഹനങ്ങളും പിടിച്ചെടുത്ത തോണികളും കൊണ്ടിട്ടതാണ്​ വിനയായത്​.

സ്കൂൾ മൈതാനത്ത് കൊണ്ടിട്ട വാഹനങ്ങളിലൊന്നിൽ കടന്നൽകൂടുള്ളതായും സൂചനയുണ്ട്​. രണ്ടാഴ്ച മുമ്പ് ഇതുവഴി നടന്നുപോയ ഒരാൾക്ക് കടന്നലി​െൻറ കുത്തേറ്റിട്ടുണ്ടത്രേ. സ്കൂൾ വളപ്പ്​ ഒരാഴ്ച മുമ്പ് പ്രദേശത്തെ എസ്.കെ.എസ്.എസ്.എഫ് പ്രവർത്തകരുടെ നേതൃത്വത്തിൽ ശുചീകരിച്ചിട്ടുണ്ട്. ക്ലാസ്മുറികൾ ശുചീകരിക്കാൻ പി.ടി.എയും മറ്റും മുന്നോട്ടു വന്നിട്ടുണ്ട്. എന്നാൽ, പൊലീസ് കസ്​റ്റഡിയിലെടുത്ത വാഹനങ്ങളെ തൊടാൻ പൊലീസിനല്ലാതെ അധികാരമില്ലാത്ത സ്ഥിതിയാണ്​. പതിറ്റാണ്ടുകൾ പഴക്കമുള്ള, സർക്കാറി​െൻറ ടൂറിസ്​റ്റ്​ ബംഗ്ലാവ് സ്കൂൾ പരിസരത്ത് ഭാഗികമായി പൊളിഞ്ഞുകിടക്കുന്നു.

ഓടുമേഞ്ഞുണ്ടാക്കിയ കെട്ടിടത്തി​െൻറ ഓടുകളും മേൽക്കൂരയും തകർന്ന് പട്ടികകളും മരങ്ങളും ശേഷിച്ച ഓടുകളും ഏതു സമയത്തും വീഴാൻ പാകത്തിലാണ്​. ഈ കെട്ടിടം പൊളിക്കണമെന്ന് പലവതണ രക്ഷിതാക്കൾ ആവശ്യപ്പെട്ടതാണ്​. സ്കൂൾ മതിലിനോട് ചേർന്ന് പാർക്ക് ചെയ്തിരിക്കുന്ന പതിനഞ്ചോളം വരുന്ന വാഹനങ്ങളും തോണിയും അവിടെനിന്ന്​ മാറ്റി വൃത്തിയാക്കുന്നതിനും അപകടാവസ്ഥയിലായ ടി.ബി കെട്ടിടം പൊളിച്ചുമാറ്റുന്നതിനും വേണ്ട നടപടികൾ സ്വീകരിക്കാൻ എം.എൽ.എയും ജില്ല കലക്ടറും ഇടപെട്ട് നിർദേശം നൽകണമെന്ന് രക്ഷിതാക്കളും നാട്ടുകാരും ആവശ്യപ്പെട്ടു.