കുമ്പളയിൽ വൻ വെടിമരുന്ന് ശേഖരം പിടികൂടി

കുമ്പള: വൻ വെടിമരുന്ന് ശേഖരം പിടികൂടി. കിദൂരിൽ നിന്നാണ് അഞ്ച് ക്വിൻറലിലധികം വരുന്ന വെടിമരുന്നുകൾ പൊലീസ് പിടികൂടിയത്. ഇതുമായി ബന്ധപ്പെട്ട് ആരിക്കാടിയിലെ അബൂബക്കര്‍ സിദ്ദിഖ്​ (41) നെ പൊലീസ് അറസ്റ്റ് ചെയ്തു.

ജില്ലാ പൊലീസ് മേധാവി വൈഭവ് സക്‌സേനക്ക് ലഭിച്ച രഹസ്യ വിവരത്തി​െൻറ അടിസ്ഥാനത്തില്‍ നടത്തിയ പരിശോധനയിലാണ് വെടിമരുന്ന് ശേഖരം പിടികൂടിയത്.

കാസര്‍കോട് ഡി.വൈ.എസ്.പി പി. ബാലകൃഷ്ണന്‍ നായര്‍, കുമ്പള ഇന്‍സ്പെക്ടര്‍ പ്രമോദ്, എസ്.ഐ മനോജ്, ഹിതേഷ്, ഗോകുല, എസ്, സുഭാഷ് ചന്ദ്രന്‍ എന്നിവരും റെയ്ഡിൽ പങ്കെടുത്തു.