സ്വ​ര്‍ണാ​ഭ​ര​ണ​ങ്ങ​ള്‍ ക​വ​ര്‍ന്ന കേ​സി​ല്‍ യുവതി അറസ്റ്റില്‍

കു​മ്പ​ള: ജോ​ലി​ക്ക് നി​ന്ന വീ​ട്ടി​ല്‍ നി​ന്ന് 21 പ​വ​ന്‍ സ്വ​ര്‍ണാ​ഭ​ര​ണ​ങ്ങ​ള്‍ ക​വ​ര്‍ന്ന കേ​സി​ല്‍ യു​വ​തി​യെ കു​മ്പ​ള പൊ​ലീ​സ് മ​ടി​ക്കേ​രി​യി​ല്‍ നി​ന്ന് അ​റ​സ്റ്റ് ചെ​യ്തു. കാ​സ​ര്‍കോ​ട് പാ​ടി ചൂ​രി​മൂ​ല​യി​ലെ അ​ലി​മ​മ്മ (48) ആ​ണ് അ​റ​സ്റ്റി​ലാ​യ​ത്. ഒ​ന്ന​ര വ​ര്‍ഷം മു​മ്പ് മു​ഗു ബി.​എം. ഹൗ​സി​ലെ ഇ​ബ്രാ​ഹി​മി​ന്‍റെ വീ​ട്ടി​ല്‍ നി​ന്നാ​ണ് സ്വ​ര്‍ണം ക​വ​ര്‍ന്ന​ത്.

ഏ​ഴ് വ​ര്‍ഷം മു​മ്പ് ഇ​വി​ടെ ജോ​ലി​ക്കാ​രി​യാ​യി​രു​ന്നു അ​ലി​മ​മ്മ. ഒ​ന്ന​ര വ​ര്‍ഷം മു​മ്പ് ഇ​ബ്രാ​ഹി​മി​ന്‍റെ വീ​ട്ടി​ല്‍ സ​ന്ധ്യ​ക്കെത്തി ഒ​രു ദി​വ​സം രാ​ത്രി ത​നി​ക്ക് ക​ഴി​യാ​ന്‍ ഇ​ടം ത​ര​ണ​മെ​ന്ന് അ​ഭ്യ​ര്‍ഥി​ക്കു​ക​യും വീ​ട്ടി​ൽ ത​ങ്ങു​ക​യും ചെ​യ്തി​രു​ന്നു.

വീ​ട്ടു​കാ​രി വ​സ്ത്ര​ങ്ങ​ള്‍ മ​ട​ക്കി അ​ല​മാ​ര​യി​ല്‍ സൂ​ക്ഷി​ക്കു​മ്പോ​ള്‍ അ​ല​മാ​ര​യി​ലു​ണ്ടാ​യി​രു​ന്ന സ്വ​ര്‍ണാ​ഭ​ര​ണ​ങ്ങ​ള്‍ അ​ലി​മ​മ്മ​യു​ടെ ശ്ര​ദ്ധ​യി​ല്‍പ്പെ​ടു​ക​യും രാ​വി​ലെ ഇ​ബ്രാ​ഹിം ജോ​ലി​ക്ക് പോ​വു​ക​യും ന​സീ​മ അ​ല​ക്കാ​നാ​യി പു​റ​ത്തി​റ​ങ്ങു​ക​യും ചെ​യ്ത സ​മ​യ​ത്ത് ആ​ഭ​ര​ണ​ങ്ങ​ളെടു​ത്ത് യാ​ത്ര പ​റ​ഞ്ഞ് സ്ഥ​ലം വി​ടു​ക​യു​മാ​യി​രു​ന്നു.

പി​ന്നീ​ട് ന​സീ​മ അ​ക​ത്ത് ചെ​ന്ന് നോ​ക്കി​യ​പ്പോ​ഴാ​ണ് സ്വ​ര്‍ണാ​ഭ​ര​ണ​ങ്ങ​ള്‍ ക​വ​ര്‍ന്ന​ത് മ​ന​സ്സിലാ​യ​ത്. മ​ടി​ക്കേ​രി​യി​ല്‍ അ​ക​ന്ന ബ​ന്ധു​വി​ന്‍റെ വീ​ട്ടി​ല്‍ ക​ഴി​യു​ന്ന​തി​നി​ടെ​യാ​ണ് പ്ര​തി​യെ പി​ടി​കു​ടി​യ​ത്. എ​സ്.​ഐ​മാ​രാ​യ വി.​കെ. അ​നീ​ഷ്, ഗ​ണേ​ശ​ന്‍, സി​വി​ല്‍ പൊ​ലീ​സ് ഓ​ഫി​സ​ര്‍മാ​രാ​യ തൃ​ഷ്ണ, ഗോ​കു​ല്‍, സ​ജീ​ഷ്, സു​ധീ​ര്‍ എ​ന്നി​വ​ര്‍ പൊ​ലീ​സ് സം​ഘ​ത്തി​ലു​ണ്ടാ​യി​രു​ന്നു.