വധശ്രമക്കേസിലെപ്രതി അറസ്​റ്റിൽ

മഞ്ചേശ്വരം: വധശ്രമക്കേസിൽ ഒളിവിലായിരുന്ന പ്രതി പിടിയിൽ. 2020 ഫെബ്രുവരിയിൽ നീർച്ചാൽ ഭജനമന്ദിരത്തിനു സമീപത്തുള്ള റോഡിൽ പിക്കപ്പ് വാൻ തടഞ്ഞുനിർത്തി ഡ്രൈവറെ വലിച്ചിറക്കി മാരകായുധം ഉപയോഗിച്ച് ആക്രമിച്ച കേസിൽ പ്രതിയായ ബദിയടുക്ക കല്ലക്കട്ടെ സ്വദേശി സുൽത്താൻ ഹുസൈനെയാണ്​ (28) കാസർകോട്​ ഡിവൈ.എസ്.പി പി. ബാലകൃഷ്ണൻ നായരുടെ നേതൃത്വത്തിലുള്ള സ്‌ക്വാഡ് അറസ്​റ്റ്​ചെയ്തത്. ഇയാൾ വിദ്യാനഗർ പൊലീസ് സ്​റ്റേഷനിൽ നേരത്തേ അഞ്ചു കേസുകളിൽ പ്രതിയാണ്. ഡിവൈ.എസ്​.പിയുടെ സ്‌ക്വാഡിൽ ഗോകുല, അജേഷ്, സുഭാഷ് ചന്ദ്രൻ, വിജയൻ, നിതിൻ സാരങ്, രഞ്ജിഷ്, ജയേഷ് എന്നിവർ ഉണ്ടായിരുന്നു.