തലപ്പാടിയിലെ പ്രതിഷേധം; കർണാടക മുഖ്യമന്ത്രിയുടെ സന്ദർശനം റദ്ദാക്കി

മഞ്ചേശ്വരം: കേരളത്തിൽനിന്നു കർണാടകയിലേക്ക് പോകുന്നവർക്ക് ആർ.ടി.പി.സി.ആർ നെഗറ്റിവ്​ റിപ്പോർട്ട്​ നിർബന്ധമാക്കിയ കർണാടക സർക്കാറി​െൻറ തീരുമാനത്തിനെതിരെ തലപ്പാടിയിൽ സമരം തുടരുന്നു. വെള്ളിയാഴ്ച യു.ഡി.വൈ.എഫ് മഞ്ചേശ്വരം ഘടകത്തി​െൻറ നേതൃത്വത്തിൽ കറുത്ത മാസ്ക് ധരിച്ച് പ്രതിഷേധം നടന്നു. കർണാടക മുഖ്യമന്ത്രി ബസവരാജ് ബൊമ്മൈ വെള്ളിയാഴ്ച തലപ്പാടി അതിർത്തി സന്ദർശിക്കുന്നുവെന്ന വിവരത്തെ തുടർന്നാണ് സമരം പ്രഖ്യാപിച്ചത്.

ഇതോടെ, മുഖ്യമന്ത്രിയുടെ തലപ്പാടി സന്ദർശനം റദ്ദാക്കി. രണ്ട് ഡോസ് വാക്സിനെടുത്തവർക്ക്​ കേന്ദ്ര സർക്കാറി​െൻറ നിർദേശപ്രകാരം കർണാടകയിലേക്ക് പ്രവേശനാനുമതി നൽകണമെന്ന് പ്രതിഷേധക്കാർ ആവശ്യപ്പെട്ടു. സൈഫുള്ള തങ്ങൾ, ഹർഷദ് വൊർക്കാടി, സിദ്ദീഖ് മഞ്ചേശ്വരം, അബ്​ദുല്ലത്തീഫ് ബാബ, പുത്തുച്ച തൂമിനാട്, മുസ്തഫ ഉദ്യാവർ, റിയാസ് മൗലാന റോഡ്, ഇല്യാസ് കുഞ്ചത്തൂർ തുടങ്ങിയവർ നേതൃത്വം നൽകി.Protest in Thalappadi; Karnataka CM's visit canceled

Protest in Thalappadi