സൗരോർജ പ്ലാ​ന്റ് നി​ർ​മാ​ണം ത​ട​ഞ്ഞു

നീ​ലേ​ശ്വ​രം: വെ​ള്ളൂ​ട​യി​ൽ സോ​ളാ​ർ പ്ലാ​ന്റ് സ്ഥാ​പി​ക്കാ​ൻ എ​ത്തി​യ​വ​രെ സ​മ​ര​സ​മി​തി പ്ര​വ​ർ​ത്ത​ക​ർ ത​ട​ഞ്ഞു. സ്ഥ​ല​ത്ത് പൊ​ലീ​സു​മാ​യി സം​ഘ​ർ​ഷ​മാ​യ​തി​നെ തു​ട​ർ​ന്ന് 30ഓ​ളം പേ​രെ അ​റ​സ്റ്റ് ചെ​യ്തു​നീ​ക്കി. മ​ടി​ക്കൈ പ​ഞ്ചാ​യ​ത്തി​ലെ ഒ​ന്നാം വാ​ർ​ഡും കോ​ടോം ബേ​ളൂ​ർ പ​ഞ്ചാ​യ​ത്ത് 18ാം വാ​ർ​ഡി​ലും​പെ​ട്ട സ്ഥ​ല​മാ​യ കോ​ട്ട​പ്പാ​റ വെ​ള്ളൂ​ട​യി​ലാ​ണ് സം​ഭ​വം.

ജ​ന​കീ​യ സ​മ​ര​സ​മി​തി പ്ര​വ​ർ​ത്ത​ക​രു​ടെ എ​തി​ർ​പ്പി​നെ മ​റി​ക​ട​ന്ന് സോ​ളാ​ർ പ്ലാ​ന്റ് സ്ഥാ​പി​ക്കാ​നു​ള്ള ശ്ര​മ​മാ​ണ് സ​മ​ര​സ​മി​തി പ്ര​വ​ർ​ത്ത​ക​ർ ത​ട​ഞ്ഞ​ത്. കാ​ഞ്ഞ​ങ്ങാ​ട് ഡി​വൈ.​എ​സ്.​പി ബാ​ബു പെ​രി​ങ്ങേ​ത്തി​ന്റെ നേ​തൃ​ത്വ​ത്തി​ലു​ള്ള പൊ​ലീ​സ് സം​ഘം നി​ല​യു​റ​പ്പി​ച്ചി​രു​ന്നു. ഹൈ​കോ​ട​തി വി​ധി ന​ട​പ്പി​ലാ​ക്കാ​ൻ സ​ഹ​ക​രി​ക്ക​ണ​മെ​ന്ന് പൊ​ലീ​സ് ആ​വ​ശ്യ​പ്പെ​ട്ടു. മ​ടി​ക്കൈ പ​ഞ്ചാ​യ​ത്ത് കോ​ട്ട​പ്പാ​റ വാ​ർ​ഡ് മെം​ബ​ർ എ. ​വേ​ലാ​യു​ധ​ൻ, ബാ​ബു അ​ഞ്ചാം വ​യ​ൽ, പ്രോം​രാ​ജ് കാ​ലി​ക്ക​ട​വ്, എം. ​പ്ര​ശാ​ന്ത്, ഭാ​സ്ക​ര​ൻ ചെ​മ്പി​ലോ​ട്ട് തു​ട​ങ്ങി മു​പ്പ​തോ​ളം പേ​രെ അ​റ​സ്റ്റ് ചെ​യ്തു.

ഹൈ​കോ​ട​തി​യെ തെ​റ്റി​ദ്ധ​രി​പ്പി​ച്ച് അ​നു​മ​തി​പ​ത്രം വാ​ങ്ങി​യെ​ന്നാ​ണ് സ​മ​ര​സ​മി​തി ആ​രോ​പ​ണം. നെ​ല്ലി​യ​ടു​ക്കം, കാ​നം, ഏ​ച്ചി​ക്കാ​നം, പ​ട്ട​ത്തു​മൂ​ല തു​ട​ങ്ങി​യ കോ​ള​നി​ക​ളി​ലെ നൂ​റു​ക​ണ​ക്കി​ന് ജ​ന​ങ്ങ​ൾ തി​ങ്ങി​പ്പാ​ർ​ക്കു​ന്ന സ്ഥ​ല​ത്താ​ണ് സോ​ളാ​ർ പ്ലാ​ന്റ് സ്ഥാ​പി​ക്കു​ന്ന​ത്. ഇ​തി​ന​കം ത​ന്നെ 500ല​ധി​കം ഏ​ക്ക​ർ സ്ഥ​ല​ത്ത് സോ​ളാ​ർ പാ​ന​ൽ സ്ഥാ​പി​ച്ചു ക​ഴി​ഞ്ഞു.