പമ്പ് ഹൗസ് മോട്ടോറിന്റെ വൈദ്യുതി ബന്ധം വിച്ഛേദിച്ചു; അ​ങ്ക​ക്ക​ള​രി പാ​ട​ശേ​ഖ​ര​ത്തി​ൽ വെള്ളം കിട്ടാതെ നെൽകൃഷി നശിക്കുന്നു

നീ​ലേ​ശ്വ​രം: ന​ഗ​ര​സ​ഭ​യി​ലെ അ​ങ്ക​ക്ക​ള​രി പാ​ട​ശേ​ഖ​ര​ത്തി​ലെ പ​മ്പ് ഹൗ​സ് മോ​ട്ടോ​റി​ന്റെ വൈ​ദ്യു​തി ബ​ന്ധം മു​ന്ന​റി​യി​പ്പി​ല്ലാ​തെ വിച്ഛേദി​ച്ചു. നീ​ലേ​ശ്വ​രം വൈ​ദ്യു​തി ഓ​ഫീസ് ജീ​വ​ന​ക്കാ​രെ​ത്തി​യാ​ണ് ബ​ന്ധം വിച്ഛേ​ദി​ച്ച​ത്. ബി​ൽ കു​ടി​ശ്ശി​ക അ​ട​ക്കാ​നു​ണ്ടെ​ന്ന് പ​റ​ഞ്ഞാ​ണ് കൃ​ഷി​ക്ക് മാ​ത്രം ഉ​പ​യോ​ഗി​ക്കു​ന്ന മോ​ട്ടോ​ർ ബ​ന്ധം വിച്ഛേദി​ച്ചത്. സ​മീ​പ​ത്തെ കു​ള​ത്തി​ലെ വെ​ള്ള​മാ​ണ് നെ​ൽ​കൃ​ഷി​ക്കും പ​ച്ച​ക്ക​റി കൃ​ഷി​ക്കും ഉ​പ​യോ​ഗി​ച്ചി​രു​ന്ന​ത്.

എ​ന്നാ​ൽ ന​ഗ​ര​സ​ഭ ഫ​ണ്ട് ഉ​പ​യോ​ഗി​ച്ചു കു​ളം ന​ന്നാ​ക്കു​ന്ന​തി​നി​ട​യി​ൽ വെ​ള്ളം പോ​കാ​ൻ കു​ഴി​ച്ചി​ട്ടി​രു​ന്ന പൈ​പ്പെ​ല്ലാം പൊ​ട്ടി ഉ​പ​യോ​ഗ​ശൂ​ന്യ​മാ​യി. അ​തു​കൊ​ണ്ടു​ത​ന്നെ പാ​ട​ശേ​ഖ​ര സ​മി​തി​യു​ടെ ഏ​ക്ക​ർ ക​ണ​ക്കി​ന് നെ​ൽ​കൃ​ഷി വെ​ള്ളം കി​ട്ടാ​ത്ത​തി​നാ​ൽ ഉ​ണ​ങ്ങി ന​ശി​ക്കാ​ൻ തു​ട​ങ്ങി. പാ​ട​ശേ​ഖ​ര​ത്തി​ലെ കൃ​ഷി​ക്കാ​ർ നെ​ൽ​കൃ​ഷി​ക്കും അ​തു​ക​ഴി​ഞ്ഞാ​ൽ പ​ച്ച​ക്ക​റി കൃ​ഷി​ക്കും വെ​ള്ളം ന​ന​ക്കു​ന്ന​ത് കു​ള​ത്തി​ൽ സ്ഥാ​പി​ച്ച വൈ​ദ്യു​തി മോ​ട്ടോ​ർ ഉ​പ​യോ​ഗി​ച്ചാ​ണ്.

മുന്നറിയിപ്പില്ലാ​തെ​യാ​ണ് വൈ​ദ്യു​തി ബ​ന്ധം വിച്ഛേ​ദി​ച്ച​തെ​ന്ന് പാ​ട​ശേഖ​ര സ​മി​തി സെ​ക്ര​ട്ട​റി നാ​രാ​യ​ണ​ൻ അ​ങ്ക​ക്ക​ള​രി പ​റ​ഞ്ഞു. മ​ഴ കു​റ​ഞ്ഞ​തി​നാ​ൽ വ​യ​ലി​ൽ ഞാ​റ് ന​ടു​മ്പോ​ൾ വെ​ള്ള​മി​ല്ലാ​താ​യി. സ​മീ​പ​ത്തെ വീ​ടു​ക​ളി​ലെ പ​മ്പു​ക​ളി​ൽ നി​ന്നും വെ​ള്ളം കോ​രി​യൊ​ഴി​ച്ചാണ് ഞാ​റ് ന​ട്ട​ത്. എ​ന്നാ​ൽ ഞാ​റ് ന​ട്ടി​ട്ടും മ​ഴ​യി​ല്ലാ​ത്ത​തു​കൊ​ണ്ട് പാ​ടം വ​റ്റി വ​ര​ണ്ടു കൃ​ഷി ഉ​ണ​ങ്ങാ​റാ​യ സ്ഥി​തി​യി​ലാ​ണ്. എ​ത്ര​യും പെ​ട്ടെ​ന്ന് വൈ​ദ്യു​തി പു​ന:​സ്ഥാ​പി​ച്ചുകി​ട്ടാ​ൻ വേ​ണ്ട ന​ട​പ​ടി​ക​ൾ ഉ​ണ്ടാ​ക​ണ​മെ​ന്നാ​ണ് ക​ർ​ഷ​ക​ർ പ​റ​യു​ന്ന​ത്.