കോട്ടപ്പുറം ഹൗസ് ബോട്ട് ടെർമിനൽ സഞ്ചാരികൾക്കായി നാളെ തുറക്കും

നീ​ലേ​ശ്വ​രം: കാ​യ​ൽ ടൂ​റി​സ​ത്തി​ന് നീ​ലേ​ശ്വ​ര​ത്തി​ന്‍റെ തി​ല​ക​ക്കു​റി​യാ​യ കോ​ട്ട​പ്പു​റം ഹൗ​സ് ബോ​ട്ട് ടെ​ർ​മി​ന​ൽ മു​ഖ്യ​ന്ത്രി പി​ണ​റാ​യി വി​ജ​യ​ൻ തി​ങ്ക​ളാ​ഴ്ച രാ​വി​ലെ 11.30ന് ​ഉ​ദ്ഘാ​ട​നം ചെ​യ്യു​ന്ന​തി​ന്‍റെ ഒ​രു​ക്ക​ങ്ങ​ൾ പൂ​ർ​ത്തി​യാ​യ​താ​യി സം​ഘാ​ട​ക സ​മി​തി ഭാ​ര​വാ​ഹി​ക​ൾ വാ​ർ​ത്തസ​മ്മേ​ള​ന​ത്തി​ൽ അ​റി​യി​ച്ചു.ഉ​ത്ത​ര​ മ​ല​ബാ​റി​ലെ ഉ​ൾ​നാ​ട​ൻ ജ​ലാ​ശ​യ​ങ്ങ​ളി​ലൂ​ടെ​യു​ള്ള യാ​ത്ര​യി​ൽ അ​നി​ത​ര​സാ​ധാ​ര​ണ​മാ​യ അ​നു​ഭൂ​തി പ്ര​ദാ​നം ചെ​യ്യു​ന്ന​തി​നാ​യി സം​സ്ഥാ​ന ടൂ​റി​സം വ​കു​പ്പ് ന​ട​പ്പാക്കി​യ മ​ല​നാ​ട് നോ​ർ​ത്ത് മ​ല​ബാ​ർ റി​വ​ർ ക്രൂ​സ് പ​ദ്ധ​തി​യു​ടെ ഭാ​ഗ​മാ​യി എ​ട്ടു കോ​ടി ചെല​വി​ലാ​ണ് നി​ർ​മാ​ണം പൂ​ർ​ത്തി​യാ​ക്കി​യ​ത്. പൊ​തു​മ​രാ​മ​ത്ത് മ​ന്ത്രി പി.​എ. മു​ഹ​മ്മ​ദ്​ റി​യാ​സ് മു​ഖ്യാ​തി​ഥി​യാ​വും. രാ​ജ്‌​മോ​ഹ​ൻ ഉ​ണ്ണി​ത്താ​ൻ എം.​പി, ജി​ല്ല പ​ഞ്ചാ​യ​ത്ത് പ്ര​സി​ഡ​ന്‍റ് പി. ​ബേ​ബി ബാ​ല​കൃ​ഷ്ണ​ൻ, ഇ​ന്ത്യ​ൻ നേ​വ​ൽ അ​ക്കാ​ദ​മി എ​ഴി​മ​ല ക​മാ​ണ്ട​ൻ​റ് വൈ​സ് അ​ഡ്​​മി​റ​ൽ പി.​കെ. ബാ​ൽ എ​ന്നി​വ​ർ സം​ബ​ന്ധി​ക്കും. ഞാ​യ​റാ​ഴ്ച പു​ഴ​യി​ൽ ഹൗ​സ് ബോ​ട്ട് പ​രേ​ഡ് ന​ട​ക്കും.

കോ​ട്ട​പ്പു​റം ബോ​ട്ട് ടെ​ർ​മി​ന​ൽ ഉ​ദ്ഘാ​ട​ന​ത്തി​നു​ശേ​ഷം ക​യ്യൂ​രേ​ക്കും കാ​ഞ്ഞ​ങ്ങാ​ട്ടേ​ക്കും ബോ​ട്ട് സ​ർ​വിസ് ന​ട​ത്തു​ന്ന ബോ​ട്ട് ജ​ങ്ഷ​നാ​യും കോ​ട്ട​പ്പു​റ​ത്തെ മാ​റ്റു​മെ​ന്നും ഭാ​ര​വാ​ഹി​ക​ൾ അ​റി​യി​ച്ചു. എം. ​രാ​ജ​ഗോ​പാ​ല​ൻ എം.​എ​ൽ.​എ, ന​ഗ​ര​സ​ഭ ചെ​യ​ർ​പേ​ഴ്‌​സ​ൻ ടി.​വി. ശാ​ന്ത, ന​ഗ​ര​സ​ഭ വൈ​സ് ചെ​യ​ർ​മാ​ൻ പി.​പി. മു​ഹ​മ്മ​ദ് റാ​ഫി, കൗ​ൺ​സി​ല​ർ​മാ​രാ​യ റ​ഫീ​ഖ് കോ​ട്ട​പ്പു​റം, ഷം​സു​ദ്ദീ​ൻ അ​റി​ഞ്ചി​റ, എ. ​അ​നൂ​പ്, ടൂ​റി​സം ഡെ​പ്യൂ​ട്ടി ഡ​യ​റ​ക്ട​ർ എം. ​ഹു​സൈ​ൻ എ​ന്നി​വ​ർ വാ​ർ​ത്ത​സ​മ്മേ​ള​ന​ത്തി​ൽ പ​ങ്കെ​ടു​ത്തു.