തേറിനെ തേടി പെൻഷനെത്തി; 90ാം വയസ്സിൽ

നീലേശ്വരം: ഒടുവിൽ തേറിന് ആദ്യ പെൻഷൻ കിട്ടി, പ്രായം 90ൽ എത്തിയപ്പോൾ. വാർധക്യത്തിൽ സർക്കാൻ പെൻഷൻ നൽകുന്നതിനെ​ കുറിച്ചൊന്നും പരപ്പ പന്നിയെറിഞ്ഞ കൊല്ലിയിലെ ഈ വയോധികന് ധാരണയുണ്ടായിരുന്നില്ല.

പഞ്ചായത്ത് പ്ര​മോട്ടർമാരായ മുനീഷ് തുമ്പ, രത്നാകരൻ പ്ലാത്തടം എന്നിവർ വിവരമറിഞ്ഞതോടെ, തേറിനെ പെൻഷനെക്കുറിച്ച കാര്യങ്ങൾ ബോധ്യപ്പെടുത്തി നിർദേശങ്ങൾ നൽകുകയായിരുന്നു. തേറിന്റെ അപേക്ഷയിൽ കിനാനൂർ കരിന്തളം പഞ്ചായത്ത് അധികൃതർ ഉടൻ നടപടി സ്വീകരിക്കുകയും ചെയ്തു. കഴിഞ്ഞ ദിവസം തേറിനെ തേടി ആദ്യ പെൻഷൻ തുകയെത്തി. വീട്ടിലെത്തിയാണ് ആദ്യതുക കൈമാറിയത്.