വെ​ള്ള​ക്കു​പ്പി മൈ​ക്കാ​യി; സ്കൂ​ളി​ന്‍റെ ശോ​ച്യാ​വ​സ്ഥ തുറന്നുകാട്ടി ​വിദ്യാർഥികൾ

നീ​ലേ​ശ്വ​രം: കു​ടി​വെ​ള്ള​ക്കുപ്പി​ മൈ​ക്കും കാ​മ​റ​യു​മാ​ക്കി സ്കൂ​ളി​ന്റെ ശോ​ച്യാ​വ​സ്ഥ അ​വ​ത​രി​പ്പി​ച്ച് വി​ദ്യാ​ർ​ഥി​​ക​ൾ. തീ​ര​ദേ​ശ മേ​ഖ​ല​യി​ലെ മ​ര​ക്കാ​പ്പ് ക​ട​പ്പു​റം ഗ​വ. ഫി​ഷ​റീ​സ് ഹൈ​സ്കൂ​ൾ വി​ദ്യാ​ർ​ഥി​​ക​ളാ​ണ് ഈ ​മി​ടു​ക്കി​ക​ൾ. കാ​മ​റ​മാ​നും റി​പ്പോ​ർ​ട്ട​റും മ​ദ​ർ പി.​ടി.​എ ഭാ​ര​വാ​ഹി​ക​ളു​മാ​യ ക​ഥാ​പാ​ത്ര​ങ്ങ​ൾ​ക്ക് കു​ട്ടി​ക​ൾ​ത​ന്നെ ജീ​വ​ൻ ന​ൽ​കി. ക​ട​ലാ​ക്ര​മ​ണ ഭീ​ഷ​ണി​യും ക​ളി​ക്കാ​ൻ മൈ​താ​ന​മി​ല്ലാ​ത്ത​തും കെ​ട്ടി​ട സൗ​ക​ര്യ​ങ്ങ​ൾ പോ​രാ​ത്ത​തു​മാ​ണ് കു​ട്ടി​ക​ൾ വി​ഷ​യ​മാ​ക്കി അ​വ​ത​രി​പ്പി​ച്ച​ത്. ഇ​തു​ക​ണ്ട അ​ധ്യാ​പ​ക​ൻ പു​ഷ്പ​രാ​ജ​ൻ രം​ഗം മൊ​ബൈ​ലി​ൽ പ​ക​ർ​ത്തി പ്ര​ച​രി​പ്പി​ച്ച​തോ​ടെ​യാ​ണ് കു​ട്ടി​ക​ൾ പ​റ​ഞ്ഞ വി​ഷ​യം പ്രാ​ധാ​ന്യ​മു​ള്ള​താ​ണെ​ന്ന് നാ​ട് തി​രി​ച്ച​റി​ഞ്ഞ​ത്.

അ​ധ്യാ​പ​ക​രു​ടെ സ​ഹാ​യ​ത്തോ​ടെ സ്കൂ​ളി​ൽ വാ​ർ​ത്ത ചാ​ന​ൽ ആ​രം​ഭി​ച്ച് മ​ര​ക്കാ​പ്പ് ന്യൂ​സ് എ​ന്ന് പേ​രി​ട്ടു. ആ​റാം ത​ര​ത്തി​ൽ പ​ഠി​ക്കു​ന്ന ആ​ർ​ദ്ര കെ. ​വി​നോ​ദ്, എ.​വി. ആ​രാ​ധ്യ, എ. ​ആ​രാ​ധ്യ, കെ.​വി. ശ്രീ​ല​ക്ഷ്മി, ഷി​ൽ​ന ഷാ​ജി, കെ.​വി. നി​ഹാ​ര, ഷാ​രോ​ൺ ഷാ​ജി, തേ​ജ​ൽ കൃ​ഷ്ണ എ​ന്നി​വ​രാ​ണ് വാ​ർ​ത്ത അ​വ​താ​ര​ക​ർ. ആ​ദ്യ വാ​ർ​ത്ത ഒ​മ്പ​താം​ത​രം വി​ദ്യാ​ർ​ഥി വി.​കെ. സൂ​ര്യ​കി​ര​ൺ എ​ഡി​റ്റ് ചെ​യ്തു. മ​റ്റു വി​ദ്യാ​ർ​ഥി​ക​ളെ​ക്കൂ​ടി ഉ​ൾ​പ്പെ​ടു​ത്തി കൂ​ടു​ത​ൽ വാ​ർ​ത്താ വിഡി​യോ​ക​ൾ പു​റ​ത്തി​റ​ക്കാ​നു​ള്ള ആ​ലോ​ച​ന​യി​ലാ​ണ് കു​ട്ടി​ക​ൾ.