റെയിൽവേ സ്‌റ്റേഷനിൽ വെള്ളമില്ല; ശൗചാലയം വൃത്തിഹീനം

നീ​ലേ​ശ്വ​രം : നീ​ലേ​ശ്വ​രം റെ​യി​ൽ​വേ സ്റ്റേ​ഷ​നി​ൽ ശൗചാലയം വ്യ​ത്തിഹീ​ന​മാ​യ നിലയിൽ. തി​ങ്ക​ളാ​ഴ്ച മംഗളുരു ഭാ​ഗ​ത്തേ​ക്ക് പോ​കാ​ൻ എ​ത്തി​യ യാ​ത്ര​ക്കാ​ർ ദു​ർ​ഗ​ന്ധം സ​ഹി​ച്ച് നി​ൽ​ക്കേ​ണ്ട ഗ​തി​കേ​ടി​ലാ​യി.

ശൗചാലയത്തിലെ പൈ​പ്പി​ൽ വെ​ള്ള​മി​ല്ലാ​ത്ത​തി​നാ​ൽ എ​ല്ലാ​യി​ട​വും വ്യ​ത്തിഹീ​ന​മാ​യി കി​ട​ക്കു​ക​യാ​ണ്. ഈ ദു​ർ​ഗ​ന്ധം കാരണംയാ​ത്ര​ക്കാ​ർക്ക് ശൗചാലയം ഉപയോഗിക്കാതെ തി​രി​ച്ചു പോ​കേ​ണ്ട അ​വ​സ്ഥ​യു​മു​ണ്ടാ​യി.

വെ​ള​ള​മി​ല്ലാ​ത്ത സാ​ഹ​ച​ര്യ​ത്തി​ൽ ടോ​യ്ല​റ്റ് ഉ​പ​യോ​ഗി​ച്ച​താ​ണ് ദു​ർ​ഗ​ന്ധ​ത്തി​ന് കാ​ര​ണം. റെ​യി​ൽ​വേ സ്റ്റേ​ഷ​ന്റെ പ​ടി​ഞ്ഞാ​റ് ഭാ​ഗ​ത്തെ പ്ലാ​റ്റ്ഫോ​മി​ലെ ടോ​യ്​ല​റ്റാ​ണ് ഇ​ങ്ങ​നെ വൃ​ത്തി​കേ​ടാ​യി കി​ട​ക്കു​ന്ന​ത്. ശൗചാലയം നി​യ​ന്ത്രി​ക്കാ​ൻ ആ​ളി​ല്ലാ​ത്ത​താണ് ഇത്തരത്തിൽ വൃ​ത്തി​കേ​ടാകാൻ കാരണം.

റെ​യി​ൽ​വേ സ്റ്റേ​ഷ​നി​ൽ ശു​ചീ​ക​ര​ണ തൊ​ഴി​ലാ​ളി​ക​ൾ ഉ​ണ്ടെ​ങ്കി​ലും ടോ​യ്ല​റ്റി​ലെ പൈ​പ്പി​ൽ വെ​ള്ള​മി​ല്ലാ​ത്ത​തി​നാ​ൽ ശു​ചീ​ക​ര​ണ പ്ര​വൃ​ത്തി ന​ട​ക്കു​ന്നി​ല്ല. തി​ങ്ക​ളാ​ഴ്ച രാ​വി​ലെ എ​ത്തി​യ ചി​ല യാ​ത്ര​ക്കാ​ർ ടോ​യ്ല​റ്റി​ൽ പോ​കാ​ൻ ക​ഴി​യു​ന്നി​ല്ലെ​ന്ന പ​രാ​തി പ​റ​ഞ്ഞ​പ്പോ​ൾ വെ​ള്ള​മി​ല്ലാ​ത്ത പ​രാ​തി ന​മ്മ​ൾ​ക്കും ഉ​ണ്ടെ​ന്നാ​ണ് സ്റ്റേ​ഷ​ൻ മാ​സ്റ്റ​ർ മ​റു​പ​ടി പ​റ​ഞ്ഞ​ത്.

വെ​ള്ള​മി​ല്ലാ​ത്ത​തു​കൊ​ണ്ട് വൃ​ത്തി​യാ​ക്കാ​ൻ പ​റ്റാ​തെ ശു​ചീ​ക​ര​ണ തൊ​ഴി​ലാ​ളി​ക​ൾ നി​സ്സഹാ​യ​വ​സ്ഥ​യി​ലാ​ണ്. ട്രെ​യിൻ ക​യ​റാ​ൻ ഇ​തി​ന്റെ മു​ന്നിൽ നി​ൽ​ക്കു​ന്ന യാ​ത്ര​ക്കാ​രും മൂ​ക്കു​പൊ​ത്തി നി​ൽ​ക്കേ​ണ്ട ഗ​തി​കേ​ടി​ലാ​ണ്. പ്ലാ​റ്റ്ഫോ​മി​ലെ ചി​ല കു​ടി​വെ​ള്ള പൈ​പ്പി​ലും വെ​ള്ള​മി​ല്ലാ​ത്ത സ്ഥി​തി​യാ​ണ്.

ജി​ല്ല​യി​ൽ റെ​യി​ൽ​വേ​ക്ക് ഏ​റ്റ​വും കൂ​ടു​ത​ൽ ഭൂ​മി​യു​ള്ള​ത് നീ​ലേ​ശ്വ​ര​ത്താ​ണ്. യാ​ത്ര​ക്കാ​രി​ലും വ​രു​മാ​ന​ത്തി​ന്റെ കാ​ര്യ​ത്തി​ലും വ​ർ​ധ​ന ഉ​ണ്ടാ​യി​ട്ടും മ​തി​യാ​യ അ​ടി​സ്ഥാ​ന സൗ​ക​ര്യ​ങ്ങ​ൾ ഒ​രു​ക്കാ​ൻ റെ​യി​ൽ​വേ ത​യാ​റാ​കു​ന്നി​ല്ല. യാ​ത്ര​ക്കാ​രെ ദു​രി​ത​ത്തി​ലാ​ക്കി വ്യ​ത്തി​കേ​ടാ​യി കി​ട​ക്കു​ന്ന ടോ​യ്ല​റ്റ് അ​ട​ച്ചു​പൂ​ട്ടാ​നും റെ​യി​ൽ​വേ ത​യാ​റാ​കു​ന്നി​ല്ല.