അ​ന​ധി​കൃ​ത കേ​ബി​ൾ മു​റി​ച്ച് കെ.​എ​സ്.​ഇ.​ബി; ഫോ​ൺ​ബ​ന്ധം വി​ച്ഛേ​ദി​ച്ച് ബി.​എ​സ്.​എ​ൻ.​എ​ൽ

നീ​ലേ​ശ്വ​രം: വൈ​ദ്യു​തി​ത്തൂ​ണു​ക​ളി​ൽ സ്ഥാ​പി​ച്ച കേ​ബി​ളു​ക​ൾ കെ.​എ​സ്.​ഇ.​ബി മു​റി​ച്ചു​ക​ള​ഞ്ഞ​പ്പോ​ൾ ഇ​തി​ന് പ​ക​ര​മാ​യി ഓ​ഫി​സി​ലെ ഫോ​ൺ​ബ​ന്ധം വി​ച്ഛേ​ദി​ച്ച് ബി.​എ​സ്.​എ​ൻ.​എ​ൽ പ്ര​തി​കാ​രം ചെ​യ്തു. നീ​ലേ​ശ്വ​രം വൈ​ദ്യു​തി സെ​ക്ഷ​ൻ ഓ​ഫി​സ് അ​ധി​കൃ​ത​രും നീ​ലേ​ശ്വ​രം ബി.​എ​സ്.​എ​ൻ.​എ​ൽ അ​ധി​കൃ​ത​രും ത​മ്മി​ലാ​ണ് അ​ധി​കാ​ര വ​ടം​വ​ലി ന​ട​ന്ന​ത്.

വൈ​ദ്യു​തി​ത്തൂ​ണു​ക​ളി​ൽ ബി.​എ​സ്.​എ​ൻ.​എ​ൽ ഇ​ന്റ​ർ​നെ​റ്റ് കേ​ബി​ൾ വ​ലി​ച്ചാ​ണ് ഓ​രോ വീ​ട്ടി​ലേ​ക്കും ക​ണ​ക്ഷ​ൻ കൊ​ടു​ത്ത​ത്. ഇ​ത് അ​നു​വാ​ദം വാ​ങ്ങാ​തെ വൈ​ദ്യു​തി​ത്തൂ​ണി​ൽ സ്ഥാ​പി​ച്ച​താ​ണ് കെ.​എ​സ്.​ഇ.​ബി​യെ ചൊ​ടി​പ്പി​ച്ച​ത്. ഇ​ക്കാ​ര​ണം പ​റ​ഞ്ഞാ​ണ് അ​വ​ർ മു​റി​ച്ചു​മാ​റ്റി​യ​തും.

നീ​ലേ​ശ്വ​ര​ത്തും സ​മീ​പ​ത്തും വൈ​ദ്യു​തി ജീ​വ​ന​ക്കാ​ർ ഇ​ങ്ങ​നെ തൂ​ണി​ന് കെ​ട്ടി​യ കേ​ബി​ൾ മു​റി​ച്ചു​മാ​റ്റു​ക​യാ​യി​രു​ന്നു. സം​ഭ​വ​മ​റി​ഞ്ഞ നീ​ലേ​ശ്വ​രം ബി.​എ​സ്.​എ​ൻ.​എ​ൽ അ​ധി​കൃ​ത​ർ കെ.​എ​സ്.​ഇ.​ബി സെ​ക്ഷ​ൻ ഓ​ഫി​സി​ലെ ഫോ​ൺ വി​ച്ഛേ​ദി​ച്ചു. ഇ​തോ​ടെ ഓ​ഫി​സ് പ്ര​വ​ർ​ത്ത​നം താ​ളം​തെ​റ്റി. ഇ​ന്റ​ർ​നെ​റ്റ് ക​ണ​ക്ഷ​നും ഇ​ല്ലാ​താ​യി.

വൈ​ദ്യു​തി ബി​ല്ല​ട​ക്കാ​ൻ വ​ന്ന ആ​ളു​ക​ൾ​ക്കും ബു​ദ്ധി​മു​ട്ട​നു​ഭ​വ​പ്പെ​ട്ടു. കേ​ബി​ൾ സ്ഥാ​പി​ച്ച വ​ക​യി​ൽ ബി.​എ​സ്.​എ​ൻ.​എ​ൽ എ​ട്ടു ല​ക്ഷം രൂ​പ കെ.​എ​സ്.​ഇ.​ബി​ക്ക് കൊ​ടു​ക്കാ​നു​ണ്ട്. നി​ര​വ​ധി ത​വ​ണ നോ​ട്ടീ​സ് അ​യ​ച്ചി​ട്ടും തൂ​ൺ വാ​ട​ക ഓ​ഫി​സി​ൽ അ​ട​ച്ചി​ല്ല. ഇ​തോ​ടെ​യാ​ണ് തൂ​ണി​ലെ കേ​ബി​ൾ മു​റി​ച്ചു​മാ​റ്റി​യ​ത്.

ഇ​തി​നു പ്ര​തി​കാ​ര​മാ​യാ​ണ് ബി.​എ​സ്.​എ​ൻ.​എ​ൽ വൈ​ദ്യു​തി ഓ​ഫി​സി​ലെ ഫോ​ൺ ബ​ന്ധ​വും വി​ച്ഛേ​ദി​ച്ച​ത്. ഇ​വ​രു​ടെ അ​ധി​കാ​ര വ​ടം​വ​ലി​യി​ൽ ബ​ലി​യാ​ടാ​യ​ത് ജ​ന​ങ്ങ​ളും. നൂ​റു​ക​ണ​ക്കി​ന് വൈ​ദ്യു​തി ഉ​പ​ഭോ​ക്താ​ക്ക​ൾ​ക്ക് പ​രാ​തി വി​ളി​ച്ചു​പ​റ​യാ​ൻ സാ​ധി​ച്ചി​ല്ല. പി​ന്നീ​ട് കേ​ബി​ൾ വാ​ട​ക അ​ട​ച്ച് മ​ണി​ക്കൂ​റു​ക​ൾ ക​ഴി​ഞ്ഞാ​ണ് ഫോ​ൺ ബ​ന്ധ​വും ശ​രി​യാ​യ​ത്.