വെ​ളി​ച്ചം​തോ​ട്-പ​റ​മ്പ റോ​ഡ്: ദു​രി​ത​യാ​ത്ര​ക്ക് മൂ​ന്നു​പ​തി​റ്റാ​ണ്ട്

നീ​ലേ​ശ്വ​രം: വെ​സ്റ്റ്എ​ളേ​രി പ​ഞ്ചാ​യ​ത്തി​ലെ പ​ത്താം വാ​ർ​ഡി​ലെ ച​ട്ട​മ​ല - വെ​ളി​ച്ചം​തോ​ട് - പ​റ​മ്പ​റോ​ഡി​ലൂ​ടെ​യു​ള്ള യാ​ത്ര ദു​രി​ത​മാ​കു​ന്നു. ന​ല്ലൊ​രു റോ​ഡി​നു​വേ​ണ്ടി​യു​ള്ള പ്ര​ദേ​ശ​വാ​സി​ക​ളു​ടെ കാ​ത്തി​രി​പ്പി​ന് മൂ​ന്നു​പ​തി​റ്റാ​ണ്ടു​ക​ളു​ടെ പ​ഴ​ക്ക​മു​ണ്ട്. 1990ക​ളി​ൽ കു​ടി​യേ​റ്റ​ക​ർ​ഷ​ക​രു​ടെ ശ്ര​മ​ഫ​ല​മാ​യി നി​ർ​മി​ച്ച റോ​ഡ്‌ പ​ഞ്ചാ​യ​ത്തി​ന് കൈ​മാ​റു​ക​യാ​യി​രു​ന്നു.

പ്രാ​യ​മാ​യ​വ​രും കു​ട്ടി​ക​ളു​മ​ട​ക്ക​മു​ള്ള നൂ​റു​ക​ണ​ക്കി​ന് ആ​ളു​ക​ൾ ആ​ശ്ര​യി​ക്കു​ന്ന റോ​ഡാ​ണ് ത​ക​ർ​ന്നു​നാ​ശ​മാ​യി കി​ട​ക്കു​ന്ന​ത്‌. കൂ​ടാ​തെ ര​ണ്ടു​പ​ട്ടി​ക​വ​ർ​ഗ കോ​ള​നി​യി​ലെ കു​ടും​ബ​ങ്ങ​ളും ഈ ​റോ​ഡി​നെ​യാ​ണ് ആ​ശ്ര​യി​ക്കു​ന്ന​ത്. വ​ർ​ഷ​ങ്ങ​ൾ ക​ട​ന്നു​പോ​യി​ട്ടും മാ​റി​മാ​റി വ​രു​ന്ന പ​ഞ്ചാ​യ​ത്ത് ഭ​ര​ണ​സ​മി​തി ഈ ​പ്ര​ദേ​ശ​ത്തെ അ​വ​ഗ​ണി​ക്കു​ന്ന​താ​യി നാ​ട്ടു​കാ​ർ പ​റ​യു​ന്നു. റോ​ഡ് ത​ക​ർ​ന്ന് മ​ഴ വ​ന്ന​തോ​ടെ റോ​ഡു​ത​ന്നെ കാ​ടു​ക​യ​റി​യ നി​ല​യി​ലാ​ണ്. ന​ല്ലൊ​രു റോ​ഡി​ന് പ​ഞ്ചാ​യ​ത്ത് അ​ധി​കൃ​ത​രു​ടെ ക​നി​വി​നാ​യി കാ​ത്തി​രി​ക്കേ​ണ്ട അ​വ​സ്ഥ​യാ​ണ്.