വിജ്ഞാപനം ഇറങ്ങി; തൃക്കരിപ്പൂർ പഞ്ചായത്തിന് തീരദേശ നിയമത്തിൽ ഇളവ്

തൃ​ക്ക​രി​പ്പൂ​ർ: തൃ​ക്ക​രി​പ്പൂ​ർ ഗ്രാ​മ​പ​ഞ്ചാ​യ​ത്തി​ന്റെ തീ​ര​ദേ​ശം സി.​ആ​ർ.​സെ​ഡ് ര​ണ്ട് എ ​വി​ഭാ​ഗ​ത്തി​ൽ ഉ​ൾ​പ്പെ​ടു​ത്തി വി​ജ്ഞാ​പ​നം ഇ​റ​ങ്ങി. വ​ർ​ഷ​ങ്ങ​ളു​ടെ കാ​ത്തി​രി​പ്പി​നു​ശേ​ഷ​മാ​ണ് തീ​ര​ദേ​ശ​വാ​സി​ക​ളു​ടെ ചി​ര​കാ​ല അ​ഭി​ലാ​ഷം സാ​ധ്യ​മാ​യ​ത്.

തൃ​ക്ക​രി​പ്പൂ​രി​ലെ തീ​രപ്ര​ദേ​ശ​ങ്ങ​ളി​ലാ​കെ ജ​ലാ​ശ​യ​ത്തി​ലെ വീ​തി​ക്ക് തു​ല്യ​മാ​യ​തോ, 50 മീ​റ്റ​റോ മാ​റി നി​ർ​മാ​ണ പ്ര​വ​ർ​ത്ത​ന​ങ്ങ​ൾ ന​ട​ത്താ​വു​ന്ന സാ​ഹ​ച​ര്യം ഉ​ണ്ടാ​കും.

300 സ്ക്വ​യ​ർ മീ​റ്റ​ർവ​രെ​യു​ള്ള വാ​സ​ഗൃ​ഹ​ങ്ങ​ൾ​ക്ക് പ​ഞ്ചാ​യ​ത്തി​ൽ നി​ന്ന് ത​ന്നെ അ​നു​മ​തി ല​ഭി​ക്കും. അ​തി​ൽ കൂ​ടു​ത​ൽ അ​ള​വു​ക​ളു​ള്ള വീ​ടു​ക​ൾ തീ​ര​ദേ​ശ പ​രി​പാ​ല​ന അ​തോ​റി​റ്റി​യു​ടെ അ​നു​മ​തി വാ​ങ്ങ​ണം. കേ​ര​ള​ത്തി​ലെ 66 പ​ഞ്ചാ​യ​ത്തു​ക​ളെ ര​ണ്ട് എ ​കാ​റ്റ​ഗ​റി​യി​ൽ പ​രി​ഗ​ണി​ച്ച​പ്പോ​ൾ തൃ​ക്ക​രി​പ്പൂ​രി​ന് അ​തി​ൽ ഇ​ടം നേ​ടാ​ൻ ക​ഴി​ഞ്ഞ​ത് അ​ഭി​മാ​ന​ക​ര​മാ​ണെ​ന്ന് തൃ​ക്ക​രി​പ്പൂ​ർ പ​ഞ്ചാ​യ​ത്ത് പ്ര​സി​ഡ​ന്റ് വി.​കെ. ബാ​വ പ​റ​ഞ്ഞു. തൃ​ക്ക​രി​പ്പൂ​ർ ഗ്രാ​മ​പ​ഞ്ചാ​യ​ത്ത് ഭ​ര​ണ സ​മി​തി കാ​സ​ർ​കോ​ട്ട് ന​ട​ന്ന ഹി​യ​റി​ങ്ങി​ൽ പ്ര​ത്യേ​ക വാ​ഹ​ന​ങ്ങ​ൾ ഏ​ർ​പ്പാ​ടാ​ക്കി​യാ​ണ് ജ​ന​ങ്ങ​ളെ പ​ങ്കെ​ടു​പ്പി​ച്ച​ത്. 2019 ജ​നു​വ​രി 18ന് ​മു​മ്പു​ള്ള അം​ഗീ​കൃ​ത റോ​ഡു​ക​ളു​ടെ​യോ കെ​ട്ടി​ട​ങ്ങ​ളു​ടെ​യോ ക​ര​യോ​ട് ചേ​ർ​ന്നു​ള്ള ഭാ​ഗ​ത്ത് നി​ല​വി​ലെ കെ​ട്ടി​ട നി​ർ​മാ​ണ ച​ട്ട​പ്ര​കാ​രം അ​നു​മ​തി ല​ഭി​ക്കും. ഇ​ത് തൃ​ക്ക​രി​പ്പൂ​രി​ലെ തീ​ര​ദേ​ശ വാ​സി​ക​ൾ​ക്ക് ഏ​റെ പ്ര​യോ​ജ​ന​ക​ര​മാ​ണ്.