ക്ലീ​ൻ ആ​ൻ​ഡ്​ ബ്യൂ​ട്ടി ഉ​ദു​മ; അനധികൃത ത​ട്ടു​ക​ട​ക​ൾ നീ​ക്കി

ഉ​ദു​മ: പാ​ല​ക്കു​ന്ന് ടൗ​ണി​ലെ അ​ന​ധി​കൃ​ത​ ത​ട്ടു​ക​ട​ക​ൾ അധികൃതർ നീ​ക്കി. ടൗൺ സൗ​ന്ദ​ര്യ​വത്കരണത്തിന്റെ ഉ​ദു​മ പ​ഞ്ചാ​യ​ത്ത്, ജ​ന​കീ​യ ക​മ്മി​റ്റിയുടെ നേതൃത്വത്തിൽ ന​ട​പ്പാക്കുന്ന ‘ക്ലീ​ൻ ആ​ൻ​ഡ് ബ്യൂ​ട്ടി ഉ​ദു​മ​’യു​ടെ ഭാ​ഗ​മാ​യാണ് ത​ട്ടു​ക​ട​ക​ൾ നീക്കിയത്. പ​ല ത​ട്ടു​ക​ട​ക​ളും ഉ​ട​മ​സ്ഥ​ർ ഇ​ല്ലാ​ത്ത​തോ ഭീ​മ​മാ​യ തു​ക​ക്ക് മേ​ൽവാ​ട​ക​ക്ക് ന​ൽ​കു​ന്ന​തോ ആ​ണ്. പ​ലതും പ്ര​വ​ർ​ത്തി​ക്കു​ന്ന​ത് വൃ​ത്തി​ഹീ​ന​മാ​യ അ​ന്ത​രീ​ക്ഷ​ത്തി​ലും ഒ​ര​ു അനു​മ​തി​യും ഇ​ല്ലാ​തെ​യു​മാ​ണ്.

ഉ​ദു​മ ഗ്രാ​മ​പ​ഞ്ചാ​യ​ത്തി​ന്റെ വി​ക​സ​ന​ത്തി​ൽ നാ​ഴി​ക​ക്ക​ല്ലാ​യി മാ​റു​ന്ന ഉ​ദു​മ ബീ​ച്ച് ടൂ​റി​സം പ​ദ്ധ​തി​യും ക്ലീ​ൻ ആ​ൻ​ഡ് ബ്യൂ​ട്ടി ഉ​ദു​മ പ​ദ്ധ​തി​യും ന​ട​പ്പി​ലാ​ക്കു​ന്ന​ത് പ​ഞ്ചാ​യ​ത്ത് ഭ​ര​ണ സ​മി​തി പു​തു​താ​യി രൂ​പ​വ​ത്ക​രി​ച്ച ഹോ​സ്പി​റ്റാ​ലി​റ്റി മാ​നേ​ജ്മെ​ന്റ് വ​ർ​ക്കി​ങ് ഗ്രൂ​പ്പി​ന് കീ​ഴി​ലാ​ണ്. ധ​ന​കാ​ര്യ സ്റ്റാ​ൻ​ഡി​ങ് ക​മ്മി​റ്റി​യു​ടെ കീ​ഴി​ൽ പ്ര​വ​ർ​ത്തി​ക്കു​ന്ന ഈ ​വ​ർ​ക്കി​ങ് ഗ്രൂ​പ്പി​ന്റെ ചെ​യ​ർ​മാ​ൻ കൊ​പ്പ​ൽ വാ​ർ​ഡ് അം​ഗം ജ​ലീ​ൽ കാ​പ്പി​ലും വൈ​സ് ചെ​യ​ർ​മാ​ൻ കോ​ട്ടി​ക്കു​ളം വാ​ർ​ഡ് അം​ഗം വി​ന​യ​കു​മാ​റു​മാ​ണ്.

ക്ലീ​ൻ ആ​ൻ​ഡ് ബ്യൂ​ട്ടി ഉ​ദു​മ​ക്ക് നേ​തൃ​ത്വം ന​ൽ​കു​ന്ന ജ​ന​കീ​യ ക​മ്മി​റ്റി ചെ​യ​ർ​മാ​ൻ കു​ട്ടി പാ​ല​ക്കു​ന്നും വ​ർ​ക്കി​ങ് ചെ​യ​ർ​മാ​ൻ ജം​ഷീ​ദ് പാ​ല​ക്കു​ന്നും ക​ൺ​വീ​ന​ർ ദി​വാ​ക​ര​ൻ ആ​റാ​ട്ടു​ക​ട​വും ട്ര​ഷ​റ​ർ പ്ര​മോ​ദ് മൂ​കാം​ബി​ക​യു​മാ​ണ്. പാ​ല​ക്കു​ന്ന് ടൗണിന്റെ മു​ഖ​ച്ഛാ​യ മാ​റ്റു​ന്ന പ്ര​വ​ർ​ത്ത​ന​ങ്ങ​ൾ​ക്ക് വ്യാ​പാ​രി​ക​ളു​ടെ​യും തൊ​ഴി​ലാ​ളി​ക​ളു​ടെ​യും പൂ​ർ​ണ പി​ന്തു​ണ​യു​മു​ണ്ട്.