ഗഫൂർ ഹാജിയുടെ മരണം; അന്വേഷണത്തിന് പുതുജീവൻ

ഉ​ദു​മ: പൂ​ച്ച​ക്കാ​ട് ഫാ​റൂ​ഖി​യ മ​സ്ജി​ദി​ന​ടു​ത്തെ പ്ര​വാ​സി വ്യ​വ​സാ​യി എം.​സി. അ​ബ്ദു​ൽ ഗ​ഫൂ​ർ ഹാ​ജി​യു​ടെ ദു​രൂ​ഹ മ​ര​ണം സം​ബ​ന്ധി​ച്ച കേ​സ​ന്വേ​ഷ​ണം ഊർജിതം. ഒ​ന്ന​ര​വ​ർ​ഷം മു​മ്പ് ന​ട​ന്ന മ​ര​ണ​ത്തി​ലെ ദു​രൂ​ഹ​ത നീ​ക്കാ​ൻ ഇ​തു​വ​രെ ക​ഴി​ഞ്ഞി​ട്ടി​ല്ല.

ഒ​രു ഘ​ട്ട​ത്തി​ൽ കേ​സ് അ​വ​സാ​നി​പ്പി​ക്കാ​നു​ള്ള ഇ​ട​പെ​ട​ൽ പൊ​ലീ​സ് ഉ​ന്ന​ത​ങ്ങ​ളി​ൽ ത​ന്നെ ഉ​ണ്ടാ​യ​താ​ണ് കാ​ര​ണ​മാ​യി പ​റ​യു​ന്ന​ത്. ക​ർ​മ​സ​മി​തി​യു​ടെ ഇ​ട​പെ​ട​ലി​നെ തു​ട​ർ​ന്ന് ​ഡി.​സി.​ആ​ർ.​ബി. ഡി.​വൈ.​എ​സ്.​പി കെ.​ജെ.​ ജോ​ൺ​സ​ന്റെ നേ​തൃ​ത്വ​ത്തി​ൽ വീ​ണ്ടും അ​ന്വേ​ഷ​ണം ആ​രം​ഭി​ച്ചി​രി​ക്കെ​യാ​ണ് കേ​സി​ന് പു​തി​യ ദി​ശ കൈ​വ​ന്നി​രി​ക്കു​ന്ന​ത്.

ഗ​ഫൂ​ർ ഹാ​ജി​യു​ടെ മ​ര​ണ​വു​മാ​യി ബ​ന്ധ​പ്പെ​ട്ട് ഉ​യ​ർ​ന്ന ചി​ല സം​ശ​യ​ങ്ങ​ൾ നീ​ക്കാ​ൻ ര​ണ്ടു സ്ത്രീ​ക​ളെ ക​ഴി​ഞ്ഞ ശ​നി​യാ​ഴ്ച ചോ​ദ്യം ചെ​യ്തി​രു​ന്നു. സാ​ധാ​ര​ണ​ക്കാ​രാ​യ ഈ ​സ്ത്രീ​ക​ളു​ടെ സാ​മ്പ​ത്തി​ക വ​ള​ർ​ച്ച​യി​ൽ സം​ശ​യം തോ​ന്നി​യ​തി​നെ തു​ട​ർ​ന്നാ​ണി​ത്. ഇ​ന്നോ​വ ഉ​ൾ​പ്പെ​ടെ​യു​ള്ള വാ​ഹ​ന​ങ്ങ​ളി​ൽ യാ​ത്ര ചെ​യ്യു​ന്ന ഇ​വ​രു​ടെ സാ​മ്പ​ത്തി​ക ഉ​റ​വി​ട​ത്തെ കു​റി​ച്ചു​ള്ള ചോ​ദ്യ​ങ്ങ​ൾ​ക്ക് വ്യ​ക്ത​മാ​യ മ​റു​പ​ടി ന​ൽ​കി​യി​ട്ടി​ല്ല. ചോ​ദ്യം ചെ​യ്യ​ൽ അ​വ​സാ​നി​ച്ച​പ്പോ​ൾ അ​ന്വേ​ഷ​ണ ഉ​ദ്യോ​ഗ​സ്ഥ​നെ​തി​രെ ജി​ല്ല പൊ​ലീ​സ് മേ​ധാ​വി​ക്ക് പ​രാ​തി ന​ൽ​കു​ക​യാ​യി​രു​ന്നു.

പി​ന്നാ​ലെ ആ​ശു​പ​ത്രി​യി​ൽ പ്ര​വേ​ശി​ക്കു​ക​യും ചെ​യ്തു. വ​നി​ത എ​സ്‌.​ഐ​യു​ടെ​യും വ​നി​ത സി​വി​ൽ പോ​ലീ​സ് ഓ​ഫി​സ​ർ​മാ​രു​ടെ​യും സാ​ന്നി​ധ്യ​ത്തി​ലാ​ണ് ചോ​ദ്യം ചെ​യ്ത​ത്.

ദേ​ഹ​പ​രി​ശോ​ധ​ന ന​ട​ത്തി എ​ന്ന​തു​ൾ​പ്പെ​ടെ​യാ​ണ് ​അ​ന്വേ​ഷ​ണ ഉ​ദ്യോ​ഗ​സ്ഥ​നെ​തി​രെ ഉ​ന്ന​യി​ച്ചി​രി​ക്കു​ന്ന​ത്. ഇ​വ​ർ​ക്ക് സ​ഹാ​യി​ക​ളാ​യി വ​ർ​ത്തി​ക്കു​ന്ന​ത് ആ​രാ​ണെ​ന്ന അ​ന്വേ​ഷ​ണ​വും പൊ​ലീ​സ് ന​ട​ത്തു​ന്നു​ണ്ട്. സ്വ​ർ​ണ​ക്ക​ട​ത്തു​കാ​രും രാ​ഷ്ട്രീ​യ നേ​താ​ക്ക​ളും സ്ത്രീ​ക​ളു​ടെ പി​ന്നി​ലു​ണ്ടെ​ന്ന് ക​ർ​മ​സ​മി​തി സം​ശ​യി​ക്കു​ന്നു. കേ​സ് അ​ന്വേ​ഷ​ണ​ത്തി​ൽ ബാ​ഹ്യ ഇ​ട​പെ​ട​ൽ ഉ​ണ്ടെ​ന്ന് കാ​ണി​ച്ച് ക​ർ​മ​സ​മി​തി ക​ഴി​ഞ്ഞ ദി​വ​സം ജി​ല്ല പൊ​ലീ​സ് മേ​ധാ​വി​യെ സ​മീ​പി​ച്ചി​രു​ന്നു. അ​ന്വേ​ഷ​ണം ശ​ക്ത​മാ​യി മു​ന്നോ​ട്ടു​പോ​കു​മെ​ന്ന ഉ​റ​പ്പ് ല​ഭി​ച്ച​താ​യാ​ണ് അ​റി​വ്.

കാ​ണാ​താ​യ​ത് 596 പ​വ​ൻ ആ​ഭ​ര​ണ​ങ്ങ​ൾ

12ബ​ന്ധു​ക്ക​ളി​ൽ​നി​ന്ന് സ്വ​രൂ​പി​ച്ച 596 പ​വ​ൻ സ്വ​ർ​ണാ​ഭ​ര​ണ​മാ​ണ് ഗ​ഫൂ​ർ ഹാ​ജി​യു​ടെ മ​ര​ണ​ത്തോ​ടൊ​പ്പം കാ​ണാ​താ​യ​ത്. പ്ര​വാ​സി വ്യ​വ​സാ​യി​യാ​യ ഗ​ഫൂ​ർ ബ​ന്ധു​ക്ക​ളി​ൽ​നി​ന്ന് ഇ​ത്ര​യും സ്വ​ർ​ണം എ​ന്തി​ന് സ്വ​രൂ​പി​ച്ചു എ​ന്നു​ള്ള​ത് ആ​ശ​ങ്ക​യു​ണ്ടാ​ക്കു​ന്നു.

സം​ഭ​വ​വു​മാ​യി ബ​ന്ധ​പ്പെ​ട്ട് വീ​ടു​മാ​യി ബ​ന്ധം പു​ല​ർ​ത്തു​ന്ന സ്ത്രീ​യെ​യും സു​ഹൃ​ത്തി​നെ​യും സം​ശ​യി​ച്ചു. അ​ബ്ദു​ൽ ഗ​ഫൂ​റി​ന്റെ മ​ക​ൻ അ​ഹ​മ്മ​ദ്‌ മു​സ​മ്മി​ൽ ബേ​ക്ക​ൽ പൊ​ലീ​സി​ൽ പ​രാ​തി ന​ൽ​കി​യി​രു​ന്നു. ഇ​തേ​ത്തു​ട​ർ​ന്ന് പൂ​ച്ച​ക്കാ​ട് ജു​മാ​മ​സ്ജി​ദി​ൽ ഖ​ബ​റ​ട​ക്കി​യ മൃ​ത​ദേ​ഹം പു​റ​ത്തെ​ടു​ത്ത് കാ​ഞ്ഞ​ങ്ങാ​ട് ആ​ർ.​ഡി.​ഒ​യു​ടെ നേ​തൃ​ത്വ​ത്തി​ൽ പോ​സ്റ്റ്‌​മോ​ർ​ട്ടം ചെ​യ്തു. ഇ​തി​ൽ മ​ര​ണ​കാ​ര​ണം ത​ല​ക്കേ​റ്റ ക്ഷ​ത​മാ​ണെ​ന്നും ആ​ന്ത​രി​കാ​വ​യ​വം രാ​സ​പ​രി​ശോ​ധ​ന​ക്ക് വി​ടു​ക​യു​മാ​യി​രു​ന്നു​വ​ന്നും ഇ​വ​ർ പ​റ​യു​ക​യു​ണ്ടാ​യി. സം​ശ​യി​ക്കു​ന്ന​വ​രെ പ​ല​ത​വ​ണ ചോ​ദ്യം ചെ​യ്തു​വെ​ന്ന​ല്ലാ​തെ പ്ര​തി​ക​ളാ​ക്കാ​ൻ സാ​ഹ​ച​ര്യ​ത്തെ​ളി​വു​ക​ൾ ല​ഭി​ച്ചി​ല്ലെ​ന്നാ​ണ് പൊ​ലീ​സ് ആ​ദ്യ​ഘ​ട്ട​ത്തി​ൽ പ​റ​യു​ന്ന​ത്.

അ​ന്വേ​ഷ​ണം വ​ഴി​തെ​റ്റി​ച്ചാ​ൽ സ​മ​രം -ക​ർ​മ​സ​മി​തി

ബേ​ക്ക​ൽ: ഗ​ഫൂ​ർ ഹാ​ജി​യു​ടെ മ​ര​ണം സം​ബ​ന്ധി​ച്ച അ​ന്വേ​ഷ​ണം ശ​രി​യാ​യ വ​ഴി​യി​ലാ​ണെ​ന്നും അ​ന്വേ​ഷ​ണം വ​ഴി​തെ​റ്റി​ച്ചാ​ൽ സ​മ​ര​മെ​ന്നും ക​ർ​മ​സ​മി​തി. മാ​ന​സി​ക പീ​ഡ​നം എ​ന്ന് പ​റ​ഞ്ഞ് ആ​ശു​പ​ത്രി​യി​ൽ പോ​യി അ​ഡ്മി​റ്റാ​കു​ന്ന​ത് എ​ന്തു​ദ്ദേ​ശ്യ​ത്തോ​ടെ​യാ​ണെ​ന്നു മ​ന​സ്സി​ലാ​കു​ന്നി​ല്ല. ഇ​ത്ത​ര​ക്കാ​ർ​ക്ക് ചി​ല ഉ​ന്ന​ത​രു​ടെ പി​ന്തു​ണ​യു​ണ്ട്. പ്ര​തി​ക​ളെ​ന്നു സം​ശ​യി​ക്കു​ന്ന​വ​രു​ടെ സാ​മ്പ​ത്തി​ക ഇ​ട​പാ​ടു​ക​ളും ഉ​റ​വി​ട​വും ക​ണ്ടെ​ത്ത​ണം. 2023 ഏ​പ്രി​ൽ 14ന് ​പു​ല​ർ​ച്ച​യാ​ണ് അ​ബ്ദു​ൾ ഗ​ഫൂ​റി​നെ വീ​ട്ടി​ൽ മ​രി​ച്ച നി​ല​യി​ൽ ക​ണ്ടെ​ത്തി​യ​ത്. പ്രാ​ഥ​മി​ക അ​ന്വേ​ഷ​ണം ബേ​ക്ക​ൽ ഡി​വൈ.​എ​സ്‌.​പി​യു​ടെ നേ​തൃ​ത്വ​ത്തി​ലാ​ണ് ന​ട​ന്ന​ത്. വ​ർ​ഷം ഒ​ന്ന് ക​ഴി​ഞ്ഞി​ട്ടും ഒ​രു പു​രോ​ഗ​തി​യും ഉ​ണ്ടാ​യി​ല്ല. തു​ട​ർ​ന്നാ​ണ് ക്രൈം​ബ്രാ​ഞ്ചി​നു വി​ട്ട​ത്.

ഭാ​ര്യ​യും മ​ക്ക​ളും ബ​ന്ധു​വീ​ട്ടി​ലാ​യി​രു​ന്ന ദി​വ​സ​മാ​ണ് ഗ​ഫൂ​ർ ഹാ​ജി മ​രി​ച്ച​ത്. മ​ര​ണ​ത്തി​ൽ ദു​രൂ​ഹ​ത​യു​ണ്ടെ​ന്നും സ​മ​ഗ്രാ​ന്വേ​ഷ​ണം ന​ട​ത്ത​ണ​മെ​ന്നും ആ​വ​ശ്യ​പ്പെ​ട്ടാ​ണ്‌ നാ​ട്ടു​കാ​രു​ടെ നേ​തൃ​ത്വ​ത്തി​ൽ ആ​ക്ഷ​ൻ ക​മ്മി​റ്റി രൂ​പ​വ​ത്ക​രി​ച്ച​ത്.

ക​ർ​മ​സ​മി​തി ചെ​യ​ർ​മാ​ൻ ഹ​സൈ​നാ​ർ ആ​മു ഹാ​ജി അ​ധ്യ​ക്ഷ​ത വ​ഹി​ച്ചു. ക​ൺ​വീ​ന​ർ സു​കു​മാ​ര​ൻ പൂ​ച്ച​ക്കാ​ട്, സി​ദ്ദി​ഖ് പ​ള്ളി​പ്പു​ഴ, പി.​കെ. അ​ബ്ദു​ൽ റ​ഹ്മാ​ൻ മാ​സ്റ്റ​ർ, ചോ​ണാ​യി മു​ഹ​മ്മ​ദ്‌ കു​ഞ്ഞി, ബി.​എം. മൂ​സ, ക​പ്പ​ണ അ​ബൂ​ബ​ക്ക​ർ, മാ​ഹി​ൻ പൂ​ച്ച​ക്കാ​ട്, കു​ഞ്ഞാ​മ​ദ് മ​ദ​ർ ഇ​ന്ത്യ, മു​ഹ​മ്മ​ദ്‌ അ​ലി പൂ​ച്ച​ക്കാ​ട്, കെ.​എ​സ്‌. മു​ഹാ​ജി​ർ, ബ​ഷീ​ർ പൂ​ച്ച​ക്കാ​ട് എ​ന്നി​വ​ർ സം​സാ​രി​ച്ചു.