ആലുവ കല്ലുകടവിൽ അനധികൃതമായി സൂക്ഷിച്ച മണൽ പിടികൂടി

ആലുവ: വെളിയത്തുനാട് മില്ലുപടി കല്ലുകടവിൽ മണൽ വേട്ട. ഈ പ്രദേശങ്ങളിൽ രാത്രി കാലങ്ങളിൽ സ്ഥിരമായി മണൽ വാരൽ നടക്കുന്നുണ്ട്. ആലുവ ഡിവൈ.എസ്‌.പിക്ക് കിട്ടിയ രഹസ്യ വിവരത്തെ തുടർന്ന് എസ്‌.ഐ വിനോദിൻറെ നേതൃത്വത്തിലാണ് മണൽ പിടികൂടിയത്.

എസ്‌.ഐ അബ്ദുൽ അസീസ്‌, പൊലീസുകാരായ നിയാസ്, ജോർജ് , സുധീർ എന്നി പോലീസുകാരും സംഘത്തിലുണ്ടായിരുന്നു. ഓഫിസറുടെ നിർദേശത്തെ തുടർന്ന്, കടവിൽ കൂട്ടിയിട്ടിരുന്ന മണൽ ആലുവ ഈസ്റ്റ്‌ പൊലീസ് സ്റ്റേഷനിലേക്ക് മാറ്റി.