ദേശീയപാതയിലെ സിഗ്നൽ സംവിധാനം പരിഷ്കരിച്ചു

അ​ത്താ​ണി: ദേ​ശീ​യ​പാ​ത അ​ത്താ​ണി​യി​ലെ​യും അ​സീ​സി ക​വ​ല​യി​ലെ​യും സി​ഗ്ന​ൽ സം​വി​ധാ​നം പ​രി​ഷ്ക​രി​ച്ചു. വാ​ഹ​ന​ങ്ങ​ൾ​ക്ക് ര​ണ്ട് സി​ഗ്ന​ലു​ക​ളി​ൽ സ​മ​യം ന​ഷ്ട​പ്പെ​ടു​ന്ന​ത് ഇ​തോ​ടെ ഒ​ഴി​വാ​യി. അ​ങ്ക​മാ​ലി-​അ​ത്താ​ണി മേ​ഖ​ല പ്രൈ​വ​റ്റ് ബ​സ് ഓ​പ്പ​റേ​റ്റേ​ഴ്സ് അ​സോ​സി​യേ​ഷ​ൻ ഭാ​ര​വാ​ഹി​ക​ളു​ടെ ഇ​ട​പെ​ട​ലാ​ണ് പ​രി​ഷ്കാ​ര​ത്തി​ന് തു​ണ​യാ​യ​ത്. ദേ​ശീ​യ​പാ​ത അ​ത്താ​ണി​യി​ലും എ​യ​ർ​പോ​ർ​ട്ട് ക​വാ​ട​മാ​യ അ​സീ​സ് ക​വ​ല​യി​ലും ര​ണ്ടു​മാ​സം മു​മ്പ് കാ​ല​പ്പ​ഴ​ക്കം ചെ​ന്ന സി​ഗ്ന​ലു​ക​ൾ മാ​റ്റി സ്ഥാ​പി​ച്ച​തോ​ടെ​യാ​ണ് രൂ​ക്ഷ​മാ​യ ഗ​താ​ഗ​ത​ക്കു​രു​ക്ക് അ​നു​ഭ​വ​പ്പെ​ട്ട​ത്. ദീ​ർ​ഘ​ദൂ​ര കെ.​എ​സ്.​ആ​ർ.​ടി.​സി ബ​സു​ക​ൾ, സ്വ​കാ​ര്യ ബ​സു​ക​ൾ, ച​ര​ക്കു വാ​ഹ​ന​ങ്ങ​ൾ തു​ട​ങ്ങി എ​യ​ർ​പോ​ർ​ട്ടി​ൽ വ​ന്ന് പോ​കു​ന്ന വാ​ഹ​ന​ങ്ങ​ൾ വ​രെ രൂ​ക്ഷ​മാ​യ ഗ​താ​ഗ​ത​ക്കു​രു​ക്കി​ൽ വ​ല​യു​ക​യാ​യി​രു​ന്നു. വ്യാ​പ​ക പ്ര​തി​ഷേ​ധം ഉ​യ​ർ​ന്നെ​ങ്കി​ലും ന​ട​പ​ടി​യു​ണ്ടാ​യി​ല്ല. ശ​നി​യാ​ഴ്ച​യാ​ണ് സി​ഗ്ന​ൽ പ​രി​ഷ്ക​രി​ച്ച​ത്. നേ​ര​ത്തെ അ​ങ്ക​മാ​ലി ഭാ​ഗ​ത്തു​നി​ന്ന് വ​രു​ന്ന വാ​ഹ​ന​ങ്ങ​ൾ​ക്ക് അ​ത്താ​ണി സി​ഗ്ന​ലി​ൽ നേ​രെ​യും വ​ല​ത്തോ​ട്ടും ഒ​രു​മി​ച്ച് പോ​കു​ന്ന രീ​തി​യി​ലാ​യി​രു​ന്നു പ്ര​വ​ർ​ത്തി​ച്ചി​രു​ന്ന​ത്. എ​ന്നാ​ൽ സി​ഗ്ന​ൽ മാ​റ്റി സ്ഥാ​പി​ച്ച​തോ​ടെ ര​ണ്ട് വ​ശ​ത്തേ​ക്കും ഒ​രേ സ​മ​യം സ​ഞ്ച​രി​ക്കാ​നു​ള്ള സൗ​ക​ര്യം ന​ഷ്ട​മാ​യി. പ​ല ഡ്രൈ​വ​ർ​മാ​രി​ലും ഇ​ത് ആ​ശ​യ​ക്കു​ഴ​പ്പ​മു​ണ്ടാ​ക്കു​ക​യും അ​പ​ക​ട​ങ്ങ​ൾ​ക്കി​ട​യാ​ക്കു​ക​യും ചെ​യ്തി​രു​ന്നു. വാ​ഹ​ന​ങ്ങ​ളു​ടെ നി​ര എം.​എ.​എ​ച്ച്.​എ​സ് സ്കൂ​ൾ വ​രെ നീ​ളു​ക​യും ചെ​യ്തു. ഇ​ത് മേ​യ്ക്കാ​ട് റോ​ഡി​ൽ​നി​ന്ന് ദേ​ശീ​യ​പാ​ത​യി​ലേ​ക്കും യു.​ടേ​ൺ തി​രി​യു​ന്ന​തി​നും സാ​ധി​ക്കാ​തെ വ​ന്നു.

പ​രി​ഹാ​ര ന​ട​പ​ടി സ്വീ​ക​രി​ച്ച​തോ​ടെ ഇ​പ്പോ​ൾ പ​ഴ​യ പോ​ലെ അ​ത്താ​ണി​യി​ലെ​യും എ​യ​ർ​പോ​ർ​ട്ട് ക​വ​ല​യി​ലെ​യും നാ​ല് സി​ഗ്ന​ലു​ക​ളും ഇ​നി മു​ത​ൽ ഏ​കോ​പി​ച്ചാ​യി​രി​ക്കും പ്ര​വ​ർ​ത്തി​ക്കു​ക. അ​തി​നാ​ൽ വാ​ഹ​ന​ങ്ങ​ൾ​ക്ക് കൂ​ടു​ത​ൽ സ​മ​യം കാ​ത്തു​കി​ട​ക്കു​ന്ന​ത് ഒ​ഴി​വാ​ക്കാ​നാ​കും.

മേ​ഖ​ല പ്രൈ​വ​റ്റ് ബ​സ് ഓ​പ്പ​റേ​റ്റേ​ഴ്സ് അ​സോ​സി​യേ​ഷ​ൻ ഭാ​ര​വാ​ഹി​ക​ളാ​യ എ.​പി. ജി​ബി, ബി.​ഒ.​ഡേ​വി​സ്, ടി.​എ​സ്. സി​ജു​കു​മാ​ർ എ​ന്നി​വ​രു​ടെ നേ​തൃ​ത്വ​ത്തി​ൽ ദേ​ശീ​യ​പാ​ത അ​ധി​കൃ​ത​ർ, സ​ർ​ക്കി​ൾ ഇ​ൻ​സ്പെ​ക്ട​ർ സോ​ണി മ​ത്താ​യി, നെ​ടു​മ്പാ​ശ്ശേ​രി പ​ഞ്ചാ​യ​ത്ത് പ്ര​സി​ഡ​ന്‍റ് പി.​വി. കു​ഞ്ഞ് തു​ട​ങ്ങി​യ​വ​രെ നേ​രി​ട്ടും ക​ത്ത് ന​ൽ​കി​യും യാ​ത്ര​ക്കു​രു​ക്കും ദു​രി​തം ബോ​ധ്യ​പ്പെ​ടു​ത്തി​യ​ത്. ഇ​തി​ന്‍റെ അ​ടി​സ്ഥാ​ന​ത്തി​ലാ​ണ് ര​ണ്ട് സി​ഗ്ന​ലു​ക​ളു​ടെ​യും പ്ര​വ​ർ​ത്ത​ന​ങ്ങ​ളി​ൽ ശ​നി​യാ​ഴ്ച രാ​ത്രി മു​ത​ൽ മാ​റ്റം വ​രു​ത്തി അ​പാ​ക​ത പ​രി​ഹ​രി​ച്ച​ത്.