ഒറ്റപ്പടല കായയിൽ കൗതുക വാഴക്കുല

കാലടി: പൂർണ വളർച്ചയെത്തിയ ഏത്തവാഴക്കുലയിലുള്ളത്​ ഒറ്റപ്പടല കായ. പച്ചക്കറിക്കടക്ക്​ മുന്നിൽ തൂക്കിയിട്ടിരിക്കുന്ന കായക്കുലക്ക് ആളുകൾ വില പറഞ്ഞെങ്കിലും കടക്കാരൻ വിൽക്കാൻ തയാറായില്ല.

ഏഴ് നീളമുള്ള കായകളാണ്​. ഓരോ കായ്ക്കും ഒന്നരയടി നീളവും തൂക്കം ഒരു കിലോയ്ക്ക് അടുത്തും വരും. ഏഴ് ഏത്ത കായകളിൽ ഒന്നിന് പൊട്ട് വീണിട്ടുണ്ട്. മാണിക്കമംഗലത്തെ പ്രജീഷ് സഹോദരങ്ങളുടെ പച്ചക്കറിക്കടയിലാണുള്ളത്​. ജോസ് എന്ന കർഷക​െൻറ പുരയിടത്തിൽ നിന്നാണ് ഈ അപൂർവ കായക്കുല കടയിലെത്തിയത്.