യുവതി ആത്​മഹത്യ ചെയ്​ത സംഭവം: ഭർത്താവിനെതിരെ കേസെടുത്തു

കോലഞ്ചേരി: യുവതി ആത്മഹത്യ ചെയ്ത സംഭവത്തിൽ ഭർത്താവിനെതിരെ കുന്നത്തുനാട് പൊലീസ് കേസെടുത്തു. കിളികുളം ചേനക്കര മണിയുടെ മകൾ ശരണ്യയാണ്​ (25) സ്വന്തം വീട്ടിൽ തൂങ്ങി മരിച്ച നിലയിൽ കാണപ്പെട്ടത്​.

ഒരുവർഷം മുമ്പായിരുന്നു വിവാഹം. ഭർത്താവുമായുണ്ടായ തർക്കത്തെ തുടർന്ന് കുറച്ചുനാളായി സ്വന്തം വീട്ടിലായിരുന്നു താമസം. ശനിയാഴ്ച ഭർതൃവീട്ടിൽനിന്ന്​ ഫോൺ വന്നതിനു​ പിന്നാലെയാണ് മരണം. നേര​േത്ത ഭർതൃസഹോദരിയുമായുണ്ടായ തർക്കത്തിൽ കുന്നത്തുനാട് സ്​റ്റേഷനിൽ കേസുള്ളതാണ്. ഭർത്താവ് ഐരാപുരം പൊന്നിയറക്കുടി സുധിൻകുമാറിനെതിരെയാണ്​ (30) കേസ്. പെരുമ്പാവൂർ ഡിവൈ.എസ്.പി കെ. ബിജുമോനാണ് അന്വേഷണച്ചുമതല.