പി​ന്നോ​ട്ട് ഉ​രു​ണ്ട ടി​പ്പ​ർ​ലോ​റി ഇ​ടി​ച്ചു​ക​യ​റി വീ​ട് ത​ക​ർ​ന്നു

കൂ​ത്താ​ട്ടു​കു​ളം: ഇ​ട​യാ​ർ കാ​ട്ടു​പ്പാ​ടം ചി​റ​യ്ക്ക് സ​മീ​പം (25-ാം ഡി​വി​ഷ​നി​ൽ) ഇ​റ​ക്ക​ത്തി​ൽ നി​ർ​ത്തി​യി​ട്ടി​രു​ന്ന ടി​പ്പ​ർ​ലോ​റി പി​ന്നോ​ട്ട് ഉ​രു​ണ്ട് സ​മീ​പ​ത്തെ വീ​ട്ടി​ലേ​ക്ക് ഇ​ടി​ച്ചു​ക​യ​റി വീ​ട് ത​ക​ർ​ന്നു. ഇ​ട​യാ​ർ വെ​സ്​​റ്റ്​ മ​രു​തു​മൂ​ട്ടി​ൽ സു​രേ​ഷ്, സി​ന്ധു ദ​മ്പ​തി​ക​ളു​ടെ വീ​ടാ​ണ് അ​പ​ക​ട​ത്തി​ൽ ത​ക​ർ​ന്ന​ത്. അ​പ​ക​ട​സ​മ​യം വീ​ട്ടി​ൽ ആ​രും ഇ​ല്ലാ​യി​രു​ന്ന​തി​നാ​ൽ ദു​ര​ന്തം ഒ​ഴി​വാ​യ​ത്. ബു​ധ​നാ​ഴ്ച​ 12 ഓ​ടെ​യാ​ണ് അ​പ​ക​ടം.

സ​മീ​പ​ത്തെ പു​ര​യി​ട​ത്തി​ൽ വീ​ട് നി​ർ​മി​ക്കു​ന്ന​തി​നാ​യി പു​ര​യി​ട​ത്തി​ലെ പാ​റ പൊ​ട്ടി​ച്ച്​ മാ​റ്റു​ന്ന ജോ​ലി​ക​ൾ ന​ട​ന്നു​വ​രി​ക​യാ​യി​രു​ന്നു. ഇ​വി​ടെ നി​ന്നും ക​രി​ങ്ക​ല്ലു​ക​ൾ കൊ​ണ്ടു​പോ​കാ​ൻ എ​ത്തി​യ​താ​യി​യി​രു​ന്നു ടി​പ്പ​ർ​ലോ​റി. ക​ല്ല് ക​യ​റ്റി​യ​ശേ​ഷം ലോ​റി​ക്ക് മു​ക​ളി​ൽ പ​ട​ുത​മൂ​ടു​വാ​ൻ നി​ർ​ത്തി​യി​ട്ടി​രി​ക്കു​ന്ന സ​മ​യ​ത്താ​ണ് പി​ന്നോ​ട്ട് ഉ​രു​ണ്ട​ത്. അ​പ​ക​ട​സ​മ​യ​ത്ത് ലോ​റി​യു​ടെ ക്യാ​ബി​നു​ള്ളി​ൽ ഡ്രൈ​വ​ർ ഉ​ണ്ടാ​യി​രു​ന്നി​ല്ല. ഇ​ടി​യു​ടെ ആ​ഘാ​ത​ത്തി​ൽ ഓ​ട് മേ​ഞ്ഞ വീ​ടി​െൻറ ഭി​ത്തി​ക​ൾ പൂ​ർ​ണ​മാ​യും ത​ക​ർ​ന്നു.

വാ​സ​യോ​ഗ്യ​മ​ല്ലാ​താ​യി തീ​ർ​ന്ന വീ​ട് പൂ​ർ​ണ​മാ​യും ലോ​റി​യു​ടെ ഉ​ട​മ പു​ന​ർ​നി​ർ​മി​ച്ച് ന​ൽ​കും. നി​ർ​മാ​ണം പൂ​ർ​ത്തി​യാ​കു​ന്ന​തു​വ​രെ കു​ടും​ബാം​ഗ​ങ്ങ​ളെ വാ​ട​ക​യ്ക്ക് മാ​റ്റി താ​മ​സി​പ്പി​ക്കാ​ൻ വാ​ർ​ഡ് കൗ​ൺ​സി​ല​ർ ടി.​എ​സ്. സാ​റാ, റോ​യി എ​ബ്രാ​ഹം എ​ന്നി​വ​രു​ടെ നേ​തൃ​ത്വ​ത്തി​ൽ നാ​ട്ടു​കാ​രും ന​ട​പ​ടി​ക​ൾ സ്വീ​ക​രി​ച്ചു.