നിക്ഷേപത്തട്ടിപ്പ്: ഒന്നാം പ്രതി പിടിയിൽ

നെടുമ്പാശ്ശേരി: ദേശം കുന്നുംപുറത്ത് ബെനഫിറ്റ് ഫണ്ട് നിധി ലിമിറ്റഡ് എന്ന സ്ഥാപനം നടത്തി ലക്ഷങ്ങൾ നിക്ഷേപമായി സ്വീകരിച്ച് തട്ടിപ്പ് നടത്തിയ കേസിൽ ഒന്നാം പ്രതി പിടിയിൽ. ആലുവ യു.സി കോളജ് ഡോക്ടേഴ്സ് ​െലയ്​നിൽ ചിറയത്ത് വീട്ടിൽ ബിജു റാഫലാണ്​ (48) നെടുമ്പാശ്ശേരി പൊലീസി​െൻറ പിടിയിലായത്.

നിക്ഷേപ കാലാവധി പൂർത്തിയായിട്ടും പണം തിരികെ നൽകാതെ തട്ടിപ്പുനടത്തുകയായിരുന്നു.15.50 ലക്ഷം രൂപ ലഭിക്കാനുള്ള ദേശം സ്വദേശി ജയശ്രീയുടെ പരാതിയിലാണ് അറസ്​റ്റ്​.

ഡിവൈ.എസ്.പി ജി. വേണു, നെടുമ്പാശ്ശേരി ഇൻസ്പെക്ടർ പി.എം. ബൈജു, സബ് ഇൻസ്പെക്ടർ വന്ദന കൃഷ്ണൻ, പി.പി സണ്ണി, സി.പി.ഒ കെ.ജി. ജോസഫ് എന്നിവരാണ് അന്വേഷണ സംഘത്തിലുള്ളത്.