മന്ത്രിയുടെ ഫേസ്ബുക്ക് പോസ്റ്റിൽ കമന്റിട്ടു; വീഴാറായ ദിശബോർഡുകൾ ഉടൻ നീക്കി
text_fieldsപറവൂർ മുനിസിപ്പൽ കവലക്ക് സമീപം ടൂറിസം വകുപ്പ് സ്ഥാപിച്ച ദിശ ബോർഡുകൾ ഉദ്യോഗസ്ഥർ നീക്കിയപ്പോൾ
പറവൂർ: പൊതുമരാമത്ത്-ടൂറിസം മന്ത്രി മുഹമ്മദ് റിയാസിെൻറ ഫേസ്ബുക്ക് പോസ്റ്റിൽ യുവാവ് കമന്റ് ഇട്ടതിനെത്തുടർന്ന് ടൗണിൽ അപകടാവസ്ഥയിൽ നിന്നിരുന്ന ദിശ ബോർഡുകൾ നീക്കി. മുനിസിപ്പൽ കവലക്ക് സമീപം ടൂറിസം വകുപ്പ് സ്ഥാപിച്ച ദിശ ബോർഡുകൾ യാത്രക്കാരുടെ തലയിലേക്ക് വീഴാവുന്ന അവസ്ഥയിലാണെന്ന് ചൂണ്ടിക്കാട്ടി നന്ത്യാട്ടുകുന്നം സ്വദേശി കെ.എസ്. നിഖിലാണ് മന്ത്രിയുടെ ഫേസ്ബുക്ക് പേജിൽ ഞായറാഴ്ച കമന്റ് ചെയ്തത്.
രണ്ടുമാസം മുമ്പ് നിഖിൽ ടൂറിസം വകുപ്പിന് പരാതി നൽകിയിരുന്നെങ്കിലും വകുപ്പിെൻറ പ്ലാനിങ് വിഭാഗമാണ് ചെയ്യേണ്ടതെന്നായിരുന്നു മറുപടി. പ്ലാനിങ് വിഭാഗത്തിന് മെയിൽ അയച്ചിട്ടും ഫോൺ വിളിച്ചുപറഞ്ഞിട്ടും നടപടിയൊന്നുമുണ്ടായില്ലെന്ന് കമന്റിൽ പരാതി ഉന്നയിച്ചിരുന്നു. മന്ത്രിയുടെ നിർദേശം ലഭിച്ചതിനെത്തുടർന്ന് തിങ്കളാഴ്ച ഉദ്യോഗസ്ഥരെത്തി ബോർഡുകൾ നീക്കി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.