ഹരിതകർമസേനാംഗത്തെ ഇടിച്ചിട്ട ബസ്​ ഇനിയും കണ്ടെത്താനാവാത്തത് പൊ​ലീ​സ്​-കെ.​എ​സ്.​ആ​ർ.​ടി.​സി​ ഒ​ത്തു​ക​ളിയോ ?

പ​റ​വൂ​ർ: ന​ഗ​ര​സ​ഭ​യി​ലെ ഹ​രി​ത​ക​ർ​മ​സേ​ന അം​ഗം പെ​രു​മ്പ​ട​ന്ന മാ​ട്ടു​മ്മ​ൽ ഷീ​ബ​ക്ക് കെ.​എ​സ്.​ആ​ർ.​ടി.​സി ബ​സ് ഇ​ടി​ച്ച് പ​രി​ക്കേ​റ്റ സം​ഭ​വ​ത്തി​ൽ പൊ​ലീ​സി​ന്‍റെ അ​നാ​സ്ഥ​യി​ൽ പ്ര​തി​ഷേ​ധി​ച്ച് ഹ​രി​ത​ക​ർ​മ സേ​നാം​ഗ​ങ്ങ​ൾ പൊ​ലീ​സ് സ്റ്റേ​ഷ​ൻ മാ​ർ​ച്ചി​ന് ഒ​രു​ങ്ങു​ന്നു. അ​പ​ക​ട​ത്തി​ന് കാ​ര​ണ​മാ​യ ബ​സ് ക​ണ്ടെ​ത്താ​നോ ഡ്രൈ​വ​റെ അ​റ​സ്റ്റ് ചെ​യ്യാ​നോ പൊ​ലീ​സി​ന് ക​ഴി​ഞ്ഞി​ട്ടി​ല്ല. പൊ​ലീ​സും കെ.​എ​സ്.​ആ​ർ.​ടി.​സി​യും ത​മ്മി​ൽ ഒ​ത്തു​ക​ളി​ക്കു​ക​യാ​ണെ​ന്ന് ആ​രോ​പ​ണ​മു​യ​ർ​ന്നി​ട്ടു​ണ്ട്.

ക​ഴി​ഞ്ഞ 31ന് ​രാ​വി​ലെ 10.17ന് ​ന​ഗ​ര​മ​ധ്യ​ത്തി​ലെ പ്ര​ധാ​ന റോ​ഡി​ലെ ചേ​ന്ദ​മം​ഗ​ലം ക​വ​ല​യി​ൽ ഷീ​ബ ത​ള്ളി​ക്കൊ​ണ്ടു​പോ​കു​ക​യാ​യി​രു​ന്ന ഉ​ന്തു​വ​ണ്ടി​യി​ൽ കെ.​എ​സ്.​ആ​ർ.​ടി.​സി ബ​സ് ഇ​ടി​ക്കു​ക​യാ​യി​രു​ന്നു.

ഉ​ന്തു​വ​ണ്ടി മ​റി​യു​ക​യും ഷീ​ബ റോ​ഡി​ൽ തെ​റി​ച്ച് വീ​ഴു​ക​യും ചെ​യ്തു. ഷീ​ബ​യു​ടെ ഇ​ട​തു​കൈ​യി​ലെ എ​ല്ലി​നും തോ​ളി​നും പ​രി​ക്കേ​റ്റു. സം​ഭ​വ​ശേ​ഷം ബ​സ് നി​ർ​ത്താ​തെ പോ​യി. നാ​ട്ടു​കാ​രാ​ണ് ഷീ​ബ​യെ താ​ലൂ​ക്ക് ആ​ശു​പ​ത്രി​യി​ൽ എ​ത്തി​ച്ച​ത്.

ഹ​രി​ത​ക​ർ​മ​സേ​ന ക​ൺ​സോ​ർ​ട്യം സെ​ക്ര​ട്ട​റി നേ​രി​ട്ട് പ​റ​വൂ​ർ സ്റ്റേ​ഷ​നി​ൽ എ​ത്തി പ​രാ​തി ന​ൽ​കി. ഷീ​ബ​യു​ടെ മൊ​ഴി എ​ടു​ക്കാ​ൻ വി​ളി​പ്പി​ച്ച പൊ​ലീ​സ് ബ​സി​ന്‍റെ ന​മ്പ​ർ ക​ണ്ടു​പി​ടി​ച്ച്​ വ​രാ​ൻ ആ​വ​ശ്യ​പ്പെ​ട്ട​ത് വി​വാ​ദ​മാ​യി​രു​ന്നു. അ​പ​ക​ട​ദൃ​ശ്യ​ങ്ങ​ൾ സ​മീ​പ​ത്തെ സി.​സി ടി.​വി​യി​ൽ ഉ​ണ്ടെ​ങ്കി​ലും ബ​സി​ന്‍റെ ന​മ്പ​ർ വ്യ​ക്ത​മ​ല്ല.

കെ.​എ​സ്.​ആ​ർ.​ടി.​സി ബ​സ് ഡി​പ്പോ​യി​ൽ​നി​ന്ന്​ പു​റ​പ്പെ​ട്ട സ​മ​യം നോ​ക്കി ബ​സും ഡ്രൈ​വ​റെ​യും പൊ​ലീ​സി​ന് ക​ണ്ടു​പി​ടി​ക്കാ​ൻ ക​ഴി​യു​മെ​ങ്കി​ലും രാ​ഷ്ട്രീ​യ സ​മ്മ​ർ​ദ​ത്താ​ൽ പൊ​ലീ​സ് അ​തി​ന് തു​നി​യു​ന്നി​ല്ലെ​ന്നാ​ണ് ആ​ക്ഷേ​പം. ഈ ​സാ​ഹ​ച​ര്യ​ത്തി​ലാ​ണ്​ ഷീ​ബ​ക്ക് നീ​തി തേ​ടി സ​ഹ​പ്ര​വ​ർ​ത്ത​ക​രാ​യ 43 ഹ​രി​ത​ക​ർ​മ സേ​നാം​ഗ​ങ്ങ​ൾ പൊ​ലീ​സ് സ്റ്റേ​ഷ​ൻ മാ​ർ​ച്ചി​ന് ത​യാ​റെ​ടു​ക്കു​ന്ന​ത്. ചി​ല സം​ഘ​ട​ന​ക​ൾ മാ​ർ​ച്ചി​ന് പി​ന്തു​ണ​യും പ്ര​ഖ്യാ​പി​ച്ചി​ട്ടു​ണ്ട്.