വീടുകൾ കുത്തിത്തുറന്ന്​ മോഷണം

പറവൂർ: ആൾ താമസമില്ലാത്ത രണ്ട് വീട്​ കുത്തിത്തുറന്നു മോഷണം. വടക്കുംപുറം തോട്ടപ്പിള്ളി തമ്പിയുടെയും കോട്ടയിൽ കോവിലകത്ത് സുഭാഷ് എന്നയാളുടെയും വീടുകൾ കേന്ദ്രീകരിച്ചായിരുന്നു കഴിഞ്ഞദിവസം രാത്രി മോഷണം നടന്നത്.

രണ്ട്​ വീടി​െൻറയും വാതിൽ കുത്തിത്തുറന്നാണ് മോഷ്​ടാവ് അകത്തു കയറിയത്. തമ്പിയുടെ വീട്ടിലെ അലമാരയിൽ ഉണ്ടായിരുന്ന സ്വർണാഭരണങ്ങൾ പഴ്സ്, വാച്ച് ഉൾപ്പെടെ ഒന്നര ലക്ഷം രൂപയുടെ വസ്തുക്കൾ നഷ്​ടപ്പെട്ടു.

എന്നാൽ, സുഭാഷി​െൻറ വീട്ടിൽനിന്ന് ഒന്നും തന്നെ നഷ്​ടപ്പെട്ടിട്ടില്ല. പൊലീസ് കേസെടുത്ത് അന്വേഷണം ആരംഭിച്ചു.