തർക്കം കോടതി കയറി; പറവൂരിലെ കോടതി സമുച്ചയവും സബ്ട്രഷറിയും അനിശ്ചിതത്വത്തിൽ

പ​റ​വൂ​ർ: പ​റ​വൂ​രി​ൽ കോ​ട​തി സ​മു​ച്ച​യ​വും സ​ബ്ട്ര​ഷ​റി​യും നി​ർ​മി​ക്കാ​നു​ള്ള പ​ദ്ധ​തി​ക​ൾ വ​ർ​ഷ​ങ്ങ​ളാ​യി അ​നി​ശ്ചി​ത​ത്വ​ത്തി​ൽ തു​ട​രു​ന്നു. സ്ഥ​ല​വും പ​ണ​വു​മു​ണ്ടെ​ങ്കി​ലും ത​ർ​ക്കം ഉ​ട​ലെ​ടു​ത്ത​താ​ണ് നി​ർ​മാ​ണം മ​ര​വി​ക്കാ​ൻ ഇ​ട​യാ​യ​ത്. ത​ർ​ക്കം കോ​ട​തി ക​യ​റി​യ​തോ​ടെ എ​ല്ലാം കൈ​വി​ട്ടു. നി​ർ​മാ​ണം വൈ​കു​ന്ന​തി​ൽ അ​ഭി​ഭാ​ഷ​ക​രും പെ​ൻ​ഷ​ൻ​കാ​ർ അ​ട​ക്ക​മു​ള്ള​വ​രും അ​ക്ഷ​മ​രാ​ണ്. വി​ഷ​യ​ത്തി​ൽ സ​ർ​ക്കാ​റി​ന്‍റെ അ​ടി​യ​ന്ത​ര ഇ​ട​പെ​ട​ൽ പ്ര​തീ​ക്ഷി​ച്ചു​വെ​ങ്കി​ലും ഉ​ണ്ടാ​യി​ല്ല.

പ​റ​വൂ​രി​ന്‍റെ അ​ഭി​മാ​ന​മാ​യ പൈ​തൃ​ക കോ​ട​തി കെ​ട്ടി​ട​ത്തി​ന് ഒ​ന്ന​ര നൂ​റ്റാ​ണ്ടോ​ളം പ​ഴ​ക്ക​മു​ണ്ട്. ഇ​തി​നോ​ട​നു​ബ​ന്ധി​ച്ച് പു​തി​യ കെ​ട്ടി​ട സ​മു​ച്ച​യം പ​ണി​യ​ണ​മെ​ന്നാ​ണ് ന്യാ​യാ​ധി​പ​ന്മാ​രു​ടെ​യും അ​ഭി​ഭാ​ഷ​ക​രു​ടെ​യും ആ​വ​ശ്യം. 2012ൽ ​ഹൈ​കോ​ട​തി പു​തി​യ കെ​ട്ടി​ടം നി​ർ​മി​ക്ക​ണ​മെ​ന്ന് നി​ർ​ദേ​ശി​ച്ചി​രു​ന്നു. നി​ല​വി​ലെ മ​ജി​സ്ടേ​റ്റ് കോ​ട​തി കെ​ട്ടി​ടം അ​ട​ക്കം പൊ​ളി​ച്ചു​നീ​ക്കി ബ​ഹു​നി​ല കെ​ട്ടി​ട​വും ജു​ഡീ​ഷ്യ​ൽ ക്വാ​ർ​ട്ടേ​ഴ്സും നി​ർ​മി​ക്കാ​നാ​യി​രു​ന്നു നി​ർ​ദേ​ശം.

എ​ന്നാ​ൽ, കോ​ട​തി സ്ഥി​തി ചെ​യ്യു​ന്ന ആ​റ​ര ഏ​ക്ക​റോ​ളം വ​രു​ന്ന ക​ച്ചേ​രി മൈ​താ​നം റ​വ​ന്യൂ വ​കു​പ്പി​ന്‍റേ​താ​ണെ​ന്ന വാ​ദം ന​ട​പ​ടി​ക​ൾ​ക്ക് ത​ട​സ്സ​മാ​യി. 2017ൽ 50 ​സെൻറ് സ്ഥ​ലം കോ​ട​തി നി​ർ​മാ​ണ​ത്തി​നാ​യി റ​വ​ന്യൂ വ​കു​പ്പ് വി​ട്ടു​ന​ൽ​കി​യെ​ങ്കി​ലും ന​ട​പ​ടി​ക്ര​മ​ങ്ങ​ൾ വൈ​കി.

ഇ​തി​നി​ട​യി​ൽ 50 സെൻറി​ൽ സൗ​ക​ര്യ​മു​ള്ള കെ​ട്ടി​ടം നി​ർ​മി​ക്കാ​ൻ ക​ഴി​യി​ല്ലെ​ന്ന വാ​ദ​വു​മാ​യി അ​ഭി​ഭാ​ഷ​ക സം​ഘ​ട​ന രം​ഗ​ത്തു​വ​ന്നു. സ​ബ്ട്ര​ഷ​റി നി​ർ​മാ​ണ​ത്തി​ന് വി​ട്ടു​ന​ൽ​കി​യ സ്ഥ​ല​വും കോ​ട​തി സ​മു​ച്ച​യ നി​ർ​മാ​ണ​ത്തി​ന് ആ​വ​ശ്യ​മാ​ണെ​ന്ന് ചൂ​ണ്ടി​ക്കാ​ട്ടി ചി​ല അ​ഭി​ഭാ​ഷ​ക​ർ ഹൈ​കോ​ട​തി​യെ സ​മീ​പി​ച്ചു. ഇ​തോ​ടെ, നി​ർ​മാ​ണം തു​ട​ങ്ങി​യ സ​ബ് ട്ര​ഷ​റി​യു​ടെ കാ​ര്യ​വും അ​വ​താ​ള​ത്തി​ലാ​യി.

ട്ര​ഷ​റി നി​ർ​മാ​ണ​ത്തി​ന് ക​ച്ചേ​രി മൈ​താ​നി​യി​ൽ സ​ബ്ട്ര​ഷ​റി​ക്ക് സ​മീ​പം 15 സെൻറ് സ്ഥ​ല​വും ഫ​ണ്ടും 14 വ​ർ​ഷം മു​മ്പാ​ണ് സ​ർ​ക്കാ​ർ അ​നു​വ​ദി​ച്ച​ത്. നി​ർ​ദി​ഷ്ട സ്ഥ​ല​ത്തു​ത​ന്നെ സ​ബ്ട്ര​ഷ​റി നി​ർ​മി​ക്ക​ണ​മെ​ന്ന ആ​വ​ശ്യ​ത്തി​ൽ പെ​ൻ​ഷ​ൻ​കാ​രു​ടെ സം​ഘ​ട​ന​ക​ൾ ഉ​റ​ച്ചു​നി​ൽ​ക്കു​ക​യാ​ണ്. ട്ര​ഷ​റി നി​ർ​മാ​ണ​ത്തി​ന്‍റെ പ്രാ​ഥ​മി​ക പ​ണി​ക​ൾ ക​രാ​റു​കാ​ര​ൻ ആ​രം​ഭി​ച്ച​പ്പോ​ൾ ത​ന്നെ ത​ട​സ്സ​പ്പെ​ട്ടു. മൂ​ന്ന് വ​ർ​ഷ​മാ​യി ഒ​രു പ്ര​വ​ർ​ത്തി​യും ന​ട​ത്താ​നാ​യി​ട്ടി​ല്ല.

സ്ഥ​ല​പ​രി​മി​തി​യും അ​സൗ​ക​ര്യ​വും മൂ​ലം പു​തി​യ കോ​ട​തി​ക​ൾ പ​റ​വൂ​രി​ൽ അ​നു​വ​ദി​ക്കു​ന്ന​തി​ന് ത​ട​സ്സ​മാ​കു​മെ​ന്ന അ​ഭി​ഭാ​ഷ​ക​രു​ടെ വാ​ദം നി​ല​നി​ൽ​ക്കെ പോ​ക്സോ കോ​ട​തി​യും കു​ടും​ബ​കോ​ട​തി​യും പ​റ​വൂ​രി​ൽ അ​നു​വ​ദി​ക്ക​പ്പെ​ട്ടു. നി​ല​വി​ൽ സ​ബ്ട്ര​ഷ​റി ജീ​ർ​ണാ​വ​സ്ഥ​യി​ലാ​ണ്. ട്ര​ഷ​റി ചോ​ർ​ന്നൊ​ലി​ക്കു​ക​യാ​ണ്. പ്ലാ​സ്റ്റി​ക് ഷീ​റ്റു​കൊ​ണ്ടാ​ണ് മു​ക​ൾ​ഭാ​ഗം മ​റ​ച്ചി​രി​ക്കു​ന്ന​ത്. ജീ​വ​ന​ക്കാ​ർ ജീ​വ​ൻ പ​ണ​യം വെ​ച്ചാ​ണ് ജോ​ലി ചെ​യ്യു​ന്ന​ത്. സ​ർ​ക്കാ​ർ ക​ണ്ണ് തു​റ​ക്കു​ന്ന​മെ​ന്നാ​ണ് എ​ല്ലാ​വ​രു​ടെ​യും ആ​വ​ശ്യം.