കോവിഡ്​ വന്നുപോയത്​ അറിഞ്ഞില്ല; പനി ബാധിച്ച 11കാരൻ ചികിത്സ സഹായം തേടുന്നു

പറവൂർ: മാസങ്ങൾക്കുമുമ്പ് കോവിഡ് വന്നുപോയത് അറിയാതെ പനി ബാധിച്ച് 11കാരൻ ഗുരുതരാവസ്ഥയിൽ. തീവ്രപരിചരണ വിഭാഗത്തിൽ കഴിയുന്ന ഏക മക​െൻറ ചികിത്സക്ക്​ മാതാപിതാക്കൾ സഹായം തേടുന്നു. കെടാമംഗലം തോട്ടുങ്കൽപറമ്പ് ദിലീപ്​കുമാറി​െൻറയും അനിഷയുടെയും മകൻ ആദികാണ് അമൃത ആശുപത്രിയിൽ ചികിത്സയിൽ കഴിയുന്നത്.

നന്ത്യാട്ടുകുന്നം എസ്.എൻ.വി സംസ്കൃതം ഹയർ സെക്കൻഡറി സ്കൂളിലെ ആറാം ക്ലാസ് വിദ്യാർഥിയാണ്. മൾട്ടി സിസ്​റ്റം ഇൻഫ്ലമേറ്ററി സിൻഡ്രം (മിസ്ക്) എന്ന അസുഖമാണ് കുട്ടിക്ക്. ഈ മാസം ആറിന് പനിയുണ്ടായപ്പോൾ പറവൂരിലെ സ്വകാര്യ ആശുപത്രിയിൽ ചികിത്സതേടി. രണ്ടുദിവസം കഴിഞ്ഞിട്ടും പനി കുറഞ്ഞില്ല. കുട്ടിയുടെ കണ്ണുകൾ ചുവന്നു. ശരീരത്തിൽ ചുവപ്പുപാടുകൾ കാണപ്പെട്ടു.

മെഡിക്കൽ ട്രസ്​റ്റ്​ ആശുപത്രിയിലെത്തിച്ച്​ പരിശോധന നടത്തിയപ്പോഴാണ് കുട്ടിക്കു നേര​േത്ത കോവിഡ് വന്നിരുന്നെന്നും തുടർന്നാണ് ഹൃദയത്തെ ബാധിച്ചതെന്നും ഡോക്ടർമാർ അറിയിച്ചത്. എവിടെ നിന്നാണ് കോവിഡ് ബാധിച്ചതെന്ന് വ്യക്തമല്ല. വീട്ടിൽ മറ്റാർക്കും കോവിഡ് വന്നിട്ടില്ല.

പനിയെത്ത​ുടർന്ന് ആശുപത്രിയിൽ പ്രവേശിപ്പിച്ച പറവൂരിലും മെഡിക്കൽ ട്രസ്​റ്റിലുമായി രണ്ടു തവണ കോവിഡ് പരിശോധന നടത്തിയപ്പോഴും ഫലം നെഗറ്റിവ് ആയിരുന്നു. പിന്നീട് വിദഗ്ധ ചികിത്സക്ക്​ അമൃതയിലേക്ക് മാറ്റി. രണ്ട് ദിവസം മുമ്പുവരെ കുട്ടി വെൻറിലേറ്ററിലായിരുന്നു. ഇപ്പോൾ ഐ.സിയുവിലാണ്. വിലകൂടിയ മരുന്നുകളും ചികിത്സയുമാണ് നൽകുന്നത്.

ചികിത്സക്ക്​ 20 ലക്ഷത്തോളം ചെലവാകും. ഡ്രൈവറാണ് ദിലീപ്​കുമാർ. സ്വകാര്യ ധനകാര്യ സ്ഥാപനത്തിലെ കലക്​ഷൻ ഏജൻറാണ് അനിഷ. സുമനസ്സുകളുടെ സഹായത്തോടെയാണ് ചികിത്സ തുടരുന്നത്. ബാങ്ക് അക്കൗണ്ട്​ വിവരങ്ങൾ: ടി.എ. ദിലീപ്കുമാർ, അക്കൗണ്ട് നമ്പർ: 20113576523. ഐ.എഫ്.എസ്‌ കോഡ്: SBIN0010697, നോർത്ത് പറവൂർ ബ്രാഞ്ച്. ഫോൺ: 9995439111.