ചാരായം വാറ്റുന്നതിനിടെ ആർ.എസ്.എസ് നേതാവും സുഹൃത്തും പിടിയിൽ
text_fieldsപറവൂർ: ചാരായം വാറ്റുന്നതിനിടെ ആർ.എസ്.എസ് നേതാവും സുഹൃത്തും പൊലീസ് പിടിയിൽ. ചേന്ദമംഗലം പഞ്ചായത്തിലെ ആർ.എസ്.എസിെൻറ മുഖ്യ ചുമതലക്കാരനായ കിഴക്കുംപുറം ചേന്നോത്ത്പറമ്പിൽ രാജേഷ് (33), സുഹൃത്ത് വട്ടപ്പിള്ളിൽ സുജിത്ത് (40) എന്നിവരെയാണ് വടക്കേക്കര പൊലീസ് പിടികൂടിയത്.
കാറ്ററിങ് സർവിസ് നടത്തുന്ന രാജേഷിെൻറ വീടീന് സമീപത്തെ ഒഴിഞ്ഞ പറമ്പിൽ നടത്തുന്ന മത്സ്യവളർത്ത് കേന്ദ്രത്തിലാണ് വാറ്റിയിരുന്നത്. 50 ലിറ്റർ കോട, വാറ്റുപകരണങ്ങൾ, മുക്കാൽ ലിറ്റർ ചാരായം എന്നിവ ഇവരിൽനിന്ന് പിടിച്ചെടുത്തു.
രഹസ്യവിവരം ലഭിച്ചതിനെത്തുടർന്ന് ഇൻസ്പെക്ടർ എം.കെ. മുരളി, സബ് ഇൻസ്പെക്ടർ, അരുൺ ദേവ് എന്നിവരുടെ നേതൃത്വത്തിലാണ് റെയ്ഡ് നടത്തിയത്. ഇരുവെരയും റിമാൻഡ് ചെയ്തു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.