അനാഥരുടെ അഭയകേന്ദ്രമായി വഴിയോര കച്ചവടക്കാരുടെ പുനരധിവാസ കേന്ദ്രം

പ​റ​വൂ​ർ: വ​ഴി​യോ​ര ക​ച്ച​വ​ട​ക്കാ​രു​ടെ പു​ന​ര​ധി​വാ​സ​ത്തി​നാ​യി സം​സ്ഥാ​ന​ത്ത് ആ​ദ്യ​മാ​യി പ​റ​വൂ​ർ ന​ഗ​ര​സ​ഭ ആ​രം​ഭി​ച്ച മു​സി​രി​സ് ബ​സാ​ർ ക​ച്ച​വ​ട​ക്കാ​രും ന​ഗ​ര​സ​ഭ​യും ഉ​പേ​ഷി​ച്ച​തോ​ടെ അ​നാ​ഥ​രാ​യ ഒ​രു കൂ​ട്ടം ആ​ളു​ക​ൾ ക​യ്യേ​റി താ​മ​സ​മു​റ​പ്പി​ച്ചു. സ്വ​കാ​ര്യ ബ​സ് സ്റ്റാ​ന്‍റി​ന് വ​ട​ക്കു​വ​ശ​മു​ള്ള മു​സി​രി​സ് ബ​സാ​ർ വ​ർ​ഷ​ങ്ങ​ളാ​യി പ്ര​വ​ർ​ത്തി​ക്കാ​തെ കി​ട​ക്കു​ക​യാ​ണ്. വീ​ടു​ക​ളി​ൽ നി​ന്നും പു​റം​ത​ള്ള​പ്പെ​ട്ട​വ​രും സ്വ​യം ഇ​റ​ങ്ങി​പ്പോ​ന്ന​വ​രു​മാ​യ ചി​ല​രാ​ണ് ഇ​വി​ടെ താ​മ​സ​മാ​ക്കി​യി​രി​ക്കു​ന്ന​ത്.

ദേ​ശീ​യ ന​ഗ​ര ഉ​പ​ജീ​വ​ന മി​ഷ​ന്‍റെ ധ​ന സ​ഹാ​യ​ത്തോ​ടെ​യാ​ണ് ന​ഗ​ര​സ​ഭ 32 ല​ക്ഷ​ത്തോ​ളം രൂ​പ ചെ​ല​വ​ഴി​ച്ച് മു​സി​രി​സ് ബ​സാ​ർ നി​ർ​മി​ച്ച​ത്. തെ​ര​ഞ്ഞെ​ടു​ക്ക​പ്പെ​ട്ട 24 വ​ഴി​യോ​ര ക​ച്ച​വ​ട​ക്കാ​ർ​ക്ക് ഇ​വി​ടെ ക​ച്ച​വ​ട​ത്തി​നു​ള്ള പ്ര​ത്യേ​ക സൗ​ക​ര്യ​ങ്ങ​ൾ ഒ​രു​ക്കി​യി​രു​ന്നു. 2019 ഫെ​ബ്രു​വ​രി ഒ​മ്പ​തി​ന് അ​ന്ന​ത്തെ ത​ദ്ദേ​ശ സ്വ​യം​ഭ​ര​ണ വ​കു​പ്പ് മ​ന്ത്രി എ.​സി. മൊ​യ്​​തീ​ൻ നി​ർ​മാ​ണോ​ദ്ഘാ​ട​നം നി​ർ​വ​ഹി​ച്ചു. 2020 ഫെ​ബ്രു​വ​രി 20ന് ​വി.​ഡി. സ​തീ​ശ​ൻ എം.​എ​ൽ.​എ മു​സി​രി​സ് ബ​സാ​ർ ഉ​ദ്ഘാ​ട​നം ചെ​യ്തു.

ആ​ദ്യ​ഘ​ട്ട​ത്തി​ൽ സ​ഹ​ക​രി​ച്ച ക​ച്ച​വ​ട​ക്കാ​ർ പി​ന്നീ​ട് പ​ല കാ​ര​ണ​ങ്ങ​ൾ പ​റ​ഞ്ഞ് മു​സി​രി​സ് ബ​സാ​ർ ഒ​ഴി​ഞ്ഞ് തെ​രു​വി​ലേ​ക്ക് വീ​ണ്ടും എ​ത്തി ക​ച്ച​വ​ടം പു​നഃ​സ്ഥാ​പി​ച്ചു. ഇ​ത് ത​ട​യു​ന്ന​തി​ലും ബ​ദ​ൽ സം​വി​ധാ​ന​ങ്ങ​ൾ ഏ​ർ​പ്പെ​ടു​ത്തു​ന്ന​തി​ലും ന​ഗ​ര​സ​ഭ പ​രാ​ജ​യ​പ്പെ​ട്ടു.

ബ​സാ​ർ പ​ഴ​യ സ്ഥി​തി​യി​ലേ​ക്ക് കൊ​ണ്ടു​വ​രാ​ൻ പി​ന്നീ​ട് വ​ന്ന ന​ഗ​ര​സ​ഭ ഭ​ര​ണാ​ധി​കാ​രി​ക​ൾ​ക്ക് ക​ഴി​ഞ്ഞി​ല്ല. അ​തോ​ടെ യാ​ച​ക​രു​ടെ​യും തെ​രു​വു​നാ​യ്ക്ക​ളു​ടെ​യും സാ​മൂ​ഹി​ക വി​രു​ദ്ധ​രു​ടെ​യും ഇ​ട​ത്താ​വ​ള​മാ​യി. സ്വ​കാ​ര്യ ബ​സ് സ്റ്റാ​ന്‍റ്​ കേ​ന്ദ്ര​മാ​ക്കി ഉ​പ​ജീ​വ​ന മാ​ർ​ഗം തേ​ടി ജീ​വി​ക്കു​ന്ന അ​നാ​ഥ​രാ​ണ് ഇ​പ്പോ​ൾ വീ​ടി​ന് സ​മാ​ന​മാ​യ സൗ​ക​ര്യ​ങ്ങ​ൾ ഒ​രു​ക്കി ഇ​വി​ടെ താ​മ​സി​ച്ചു പോ​രു​ന്ന​ത്. പ​ക്ഷെ, ന​ഗ​ര​സ​ഭ അ​ധി​കൃ​ത​ർ ഇ​തൊ​ന്നും അ​റി​യു​ന്ന​തേ​യി​ല്ല.