മരപ്പണിക്കിടെ തൊഴിലാളിക്ക് സൂര്യാതപമേറ്റു

പറവൂർ: മരപ്പണി ചെയ്യുന്നതിനിടെ നന്ത്യാട്ടുകുന്നം വലിയമുറിക്കൽ വി.ജി. സുന്ദരന് (42) സൂര്യാതപമേറ്റു. കഴിഞ്ഞ ദിവസം ഉച്ചക്ക് ഒരു മണിയോടെ ചക്കുമരശ്ശേരിയിലാണ് സംഭവം. ഇരുകൈയിലുമാണ് സൂര്യാതപമേറ്റത്.ആദ്യം ചെറിയൊരു അസ്വസ്ഥത അനുഭവപ്പെട്ടു. കുറച്ചു കഴിഞ്ഞപ്പോൾ കൈകളിൽ അസഹ്യമായ പുകച്ചിലും വേദനയുമുണ്ടായി. ചില പച്ചമരുന്നുകൾ തേച്ച് തുണികൊണ്ട് കെട്ടിയെങ്കിലും കുറഞ്ഞില്ല. പിന്നീട് കൈയിൽ കുമിളപോലെ പൊങ്ങി. തുടർന്ന് ചികിത്സ തേടിയപ്പോഴാണ് സൂര്യാതപമേറ്റതാണെന്ന് വ്യക്തമായത്.