പറവൂർ നഗരസഭ കൗൺസിൽ യോഗത്തിൽ വാക്​പോരും കൈയാങ്കളിയും

പ​റ​വൂ​ർ: ന​ഗ​ര​സ​ഭ കൗ​ൺ​സി​ൽ യോ​ഗ​ത്തി​ൽ ഭ​ര​ണ -പ്ര​തി​പ​ക്ഷ വാ​ക്​​പോ​ര് കൈ​യാ​ങ്ക​ളി​യി​ൽ ക​ലാ​ശി​ച്ചു. വാ​ക്​​ത​ർ​ക്ക​ത്തി​ൽ എ​ൽ.​ഡി.​എ​ഫി​ലെ സീ​നി​യ​ർ കൗ​ൺ​സി​ല​ർ ഭ​ര​ണ​ക​ക്ഷി​യി​ലെ സ്ഥി​രം​സ​മി​തി അ​ധ്യ​ക്ഷ​ൻ സ​ജി ന​മ്പ്യ​ത്തി​നെ ത​ള്ളി താ​ഴെ​യി​ട്ട​ത് രം​ഗം പ്ര​ക്ഷു​ബ്​​ധ​മാ​ക്കി.

വെ​ള്ളി​യാ​ഴ്ച ന​ട​ന്ന കൗ​ൺ​സി​ൽ യോ​ഗ​മാ​ണ് വാ​ക്ക്പോ​രി​ലും കൈ​യാ​ങ്ക​ളി​യി​ലും അ​വ​സാ​നി​ച്ച​ത്. യോ​ഗം തു​ട​ങ്ങും മു​മ്പ് അ​ജ​ണ്ട വാ​യി​ച്ച് കൗ​ൺ​സി​ൽ യോ​ഗം തു​ട​ങ്ങി. ഇ​തി​നി​ട​യി​ൽ പ്ര​തി​പ​ക്ഷ​ത്തെ ചി​ല കൗ​ൺ​സി​ല​ർ​മാ​ർ അ​ജ​ണ്ട വീ​ണ്ടും ച​ർ​ച്ച ചെ​യ്യ​ണ​മെ​ന്ന് ആ​വ​ശ്യ​പ്പെ​ട്ട​താ​ണ് ബ​ഹ​ള​ത്തി​ലും കൈ​യേ​റ്റ​ത്തി​ലും ക​ലാ​ശി​ച്ച​ത്.

ആ​വ​ശ്യം ചെ​യ​ർ​പേ​ഴ്സ​ൻ ബീ​ന ശ​ശി​ധ​ര​ൻ നി​രാ​ക​രി​ച്ച​തോ​ടെ പ്ര​തി​പ​ക്ഷ കൗ​ൺ​സി​ല​ർ​മാ​രി​ൽ ചി​ല​ർ ചെ​യ​ർ​പേ​ഴ്സ​ന്‍റെ ഇ​രി​പ്പി​ട​ത്തി​ന് സ​മീ​പ​മെ​ത്തി വാ​യി​ച്ച വ​നി​ത ജീ​വ​ന​ക്കാ​രി​യി​ൽ​നി​ന്ന്​ അ​ജ​ണ്ട വാ​ങ്ങി കീ​റിക്കള​ഞ്ഞ​ശേ​ഷം മൈ​ക്ക് ത​ട്ടി​യെ​ടു​ത്ത് കേ​ബി​ളു​ക​ൾ താ​ഴേ​ക്ക് വ​ലി​ച്ചെ​റി​ഞ്ഞു.

തു​ട​ർ​ന്ന് ചെ​യ​ർ​പേ​ഴ്സ​ൻ മ​റ്റ് അ​ജ​ണ്ട​ക​ൾ വാ​യി​ച്ചു തു​ട​ങ്ങി​യ​പ്പോ​ൾ പ്ര​തി​പ​ക്ഷ​ത്തെ മു​തി​ർ​ന്ന അം​ഗം ചെ​യ​ർ​മാ​ന്റെ കൈ​യി​ലെ മൈ​ക്ക് ത​ട്ടി​യെ​ടു​ക്കു​ക​യും പേ​പ്പ​റു​ക​ൾ വ​ലി​ച്ചു കീ​റു​ക​യും ചെ​യ്തു. മൈ​ക്കി​ല്ലാ​തെ അ​ജ​ണ്ട​ക​ൾ വാ​യി​ച്ചു തീ​ർ​ത്ത​ഴേ തു​ട​ർ​ന്നും പ്ര​തി​പ​ക്ഷ​ത്തെ ചി​ല കൗ​ൺ​സി​ല​ർ​മാ​ർ ചെ​യ​ർ​പേ​ഴ്സ​ന്‍റെ ക​സേ​ര​ക്ക് മു​ന്നി​ൽ പ്ര​തി​ഷേ​ധ​വു​മാ​യെ​ത്തി. ഇ​ത് ഭ​ര​ണ​ക​ക്ഷി കൗ​ൺ​സി​ല​ർ​മാ​ർ ചോ​ദ്യം ചെ​യ്യു​ക​യും ചെ​യ​ർ​പേ​ഴ്സ​ന്​​പ്ര​തി​രോ​ധം തീ​ർ​ക്കു​ക​യും ചെ​യ്തു.

തു​ട​ർ​ന്ന് മ​റ്റ് കൗ​ൺ​സി​ല​ർ​മാ​രെ​ത്തി രം​ഗം ശാ​ന്ത​മാ​ക്കി. എ​ന്നാ​ൽ, കൗ​ൺ​സി​ൽ യോ​ഗം ബ​ഹ​ള​ത്തി​ൽ മു​ങ്ങി​യ​തോ​ടെ ഉ​ട​നെ ചെ​യ​ർ​പേ​ഴ്സ​ൻ ന​ട​പ​ടി​ക​ൾ അ​വ​സാ​നി​പ്പി​ച്ചു. ഇ​തി​ൽ പ്ര​തി​ഷേ​ധി​ച്ച് പ്ര​തി​പ​ക്ഷം കൗ​ൺ​സി​ൽ ഹാ​ൾ അ​ട​ച്ചു​പൂ​ട്ടി സ​മ​രം ന​ട​ത്തി. തു​ട​ർ​ന്ന് ഭ​ര​ണ​പ​ക്ഷ- പ്ര​തി​പ​ക്ഷ കൗ​ൺ​സി​ല​ർ​മാ​ർ പ​ര​സ്പ​രം മു​ദ്ര​വാ​ക്യം മു​ഴ​ക്കി പ്ര​തി​ഷേ​ധി​ച്ചു. ജീ​വ​ന​ക്കാ​രെ ഭീ​ഷ​ണി​പ്പെ​ടു​ത്തി​യ​തി​ലും വ​നി​ത ജീ​വ​ന​ക്കാ​രി​യോ​ട് അ​പ​മ​ര്യാ​ദ​യാ​യി പെ​രു​മാ​റി​യ​തി​ലും കൗ​ൺ​സി​ല​ർ​മാ​രെ മ​ർ​ദി​ച്ച​തി​ലും പ്ര​തി​ഷേ​ധി​ച്ച് ചെ​യ​ർ​പേ​ഴ്സ​ന്‍റെ നേ​തൃ​ത്വ​ത്തി​ൽ കൗ​ൺ​സി​ല​ർ​മാ​ർ ന​ഗ​ര​സ​ഭ കാ​വ​ട​ത്തി​ന് മു​ന്നി​ൽ മു​ദ്രാ​വാ​ക്യം വി​ളി​ച്ച്​ പ്ര​തി​ഷേ​ധി​ച്ചു.