ആനപ്പേടി; ജനം നാടുവിടുന്നു

പെ​രു​മ്പാ​വൂ​ര്‍: വേ​ങ്ങൂ​ര്‍ പ​ഞ്ചാ​യ​ത്ത് മൂ​ന്നാം വാ​ര്‍ഡി​ലെ പേ​ഴാ​ട്, തൊ​ടാ​ക്ക​യം നി​വാ​സി​ക​ള്‍ കാ​ട്ടാ​ന​യു​ടെ ആ​ക്ര​മ​ണം ഭ​യ​ന്ന് നാ​ടു​വി​ടു​ന്നു. ഈ ​ഭാ​ഗ​ങ്ങ​ളി​ല്‍ പ​ക​ല്‍പോ​ലും ആ​ന​ക​ള്‍ ഇ​റ​ങ്ങി കൃ​ഷി ന​ശി​പ്പി​ക്കാ​ന്‍ തു​ട​ങ്ങി​യ​തോ​ടെ​യാ​ണ്​ ജ​ന​ങ്ങ​ള്‍ വീ​ടൊ​ഴി​ഞ്ഞു​പോ​കു​ന്ന​ത്.

തെ​ങ്ങ്, റ​ബ​ര്‍, വാ​ഴ, പൈ​നാ​പ്പി​ള്‍ തു​ട​ങ്ങി​യ കൃ​ഷി​ക​ള്‍ ന​ട​ത്തി​യാ​ണ് നൂ​റി​ല​ധി​കം കു​ടും​ബ​ങ്ങ​ള്‍ ക​ഴി​ഞ്ഞി​രു​ന്ന​ത്. കൃ​ഷി ആ​ന ന​ശി​പ്പി​ക്കാ​ന്‍ തു​ട​ങ്ങി​യ​തോ​ടെ ഇ​വി​ടു​ത്തു​കാ​രു​ടെ ജീ​വി​തം ദു​സ്സ​ഹ​മാ​യി. കൃ​ഷി ന​ശി​പ്പി​ക്കു​ന്ന​ത് കൂ​ടാ​തെ വീ​ടും ആ​ക്ര​മി​ക്കാ​ന്‍ തു​ട​ങ്ങി​യ​തോ​ടെ​യാ​ണ്​ ആ​ളു​ക​ള്‍ മ​റ്റു ദി​ക്കു​ക​ളി​ലേ​ക്ക് പ​ലാ​യ​നം ചെ​യ്​​തു തു​ട​ങ്ങി​യ​ത്. യാ​ത്ര സൗ​ക​ര്യം തീ​രെ​യി​ല്ലാ​ത്ത ഈ ​മേ​ഖ​ല​യി​ല്‍ കാ​ല്‍ന​ട മാ​ത്ര​മേ സാ​ധി​ക്കൂ. റോ​ഡി​നി​രു​വ​ശ​വും കാ​ടാ​യ​തി​നാ​ല്‍ ഏ​തു​സ​മ​യ​വും കാ​ട്ടാ​ന​ക​ളു​ടെ ആ​ക്ര​മ​ണം നേ​രി​ടാ​വു​ന്ന സ്ഥി​തി​യാ​ണ്.

ഭൂ​ത​ത്താ​ന്‍കെ​ട്ടി​ല്‍നി​ന്ന് അ​ങ്ക​മാ​ലി ഭാ​ഗ​ത്തേ​ക്ക് വ​നാ​ര്‍ത്തി​യി​ലെ ക​നാ​ലി​നു കു​റു​കെ നി​ര്‍മി​ച്ചി​രി​ക്കു​ന്ന ആ​ന​പ്പാ​ല​ത്തി​ലൂ​ടെ​യാ​ണ് ആ​ന​ക​ള്‍ നാ​ട്ടി​ലേ​ക്ക് ഇ​റ​ങ്ങു​ന്ന​ത്. സ്രാ​മ്പി​ക്ക​ല്‍ പു​ത്ത​ന്‍പു​ര ബേ​സി​ലി​െൻറ മോ​ട്ടോ​ര്‍പു​ര​യും 400 റ​ബ​ര്‍ മ​ര​ങ്ങ​ളും തെ​ങ്ങ​യം ത​മ്പാ​െൻറ വീ​ടും ആ​ന​ക​ള്‍ ന​ശി​പ്പി​ച്ചു.

ഇ​വ​യു​ടെ ശ​ല്യം അ​വ​സാ​നി​പ്പി​ക്കാ​നും പ​ലാ​യ​നം ചെ​യ്ത​വ​രെ പു​ന​ര​ധി​വ​സി​പ്പി​ക്കാ​നും ന​ട​പ​ടി ഉ​ണ്ടാ​ക​ണ​മെ​ന്ന് വെ​ല്‍ഫെ​യ​ര്‍ പാ​ര്‍ട്ടി ജി​ല്ല ക​മ്മി​റ്റി അം​ഗം തോ​മ​സ് കെ. ​ജോ​ര്‍ജ് മു​ഖ്യ​മ​ന്ത്രി​ക്ക് ന​ൽ​കി​യ നി​വേ​ദ​ന​ത്തി​ൽ ആ​വ​ശ്യ​പ്പെ​ട്ടു.