ക്രൂരമർദനത്തിനിരയായ മാനസികരോഗിയെ തിരിഞ്ഞുനോക്കാതെ നാട്ടുകാർ
text_fieldsപെരുമ്പാവൂര്: ഭക്ഷണംതേടി പണിതീരാത്ത വീട്ടില് കയറിയതിെൻറ പേരില് ക്രൂര മര്ദനത്തിനിരയായ മാനസികരോഗിയെ ആശുപത്രിയില് എത്തിച്ചത് പൊലീസ്. മോഷ്ടാവിനെ പിടികൂടിയെന്ന വിവരത്തെതുടര്ന്ന് സ്ഥലത്ത് ചെല്ലുമ്പോള് പൊലീസ് കണ്ടത് റോഡില്നിന്ന് 50 മീ. ദൂരത്തിലുള്ള പൈനാപ്പിള് തോട്ടത്തില് കാലൊടിഞ്ഞ് മുറിവുകളോടെ കിടക്കുന്ന യുവാവിനെയാണ്.
ഈ സമയം പ്രദേശവാസികള് അകന്നുമാറി റോഡിലായിരുന്നു. അവശനായിക്കിടന്ന ഇയാള്ക്ക് വെള്ളംപോലും കൊടുക്കാന് കൂടിനിന്നവര് തയാറായില്ലെന്ന് ഉദ്യോഗസ്ഥര് പറയുന്നു.
ബന്ധുക്കളില് ചിലരും പൊലീസും പഴയൊരു വാഹനത്തിെൻറ ഡോറില് കിടത്തി റോഡിലെത്തിച്ച് ആംബുലന്സില് ആശുപത്രിയിൽ പ്രവേശിപ്പിക്കുകയായിരുന്നു. സംഭവത്തില് ഏഴുപേര്ക്കെതിരെ കേസെടുത്തിട്ടുണ്ട്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.