കുടിവെള്ളത്തിന്‍റെ മറവിൽ തൃക്കാക്കര നഗരസഭയിൽ വെട്ടിപ്പ്

കാ​ക്ക​നാ​ട്: തൃ​ക്കാ​ക്ക​ര ന​ഗ​ര​സ​ഭ​യു​ടെ വി​വി​ധ വാ​ർ​ഡു​ക​ളി​ൽ ടാ​ങ്ക​റു​ക​ളി​ൽ കു​ടി​വെ​ള്ളം വി​ത​ര​ണം ചെ​യ്ത​യി​ന​ത്തി​ൽ ഗു​രു​ത​ര സാ​മ്പ​ത്തി​ക ക്ര​മ​ക്കേ​ടു​ക​ളെ​ന്ന് ന​ഗ​ര​സ​ഭ ധ​ന​കാ​ര്യ ക​മ്മി​റ്റി​യു​ടെ ക​ണ്ടെ​ത്ത​ൽ. ഫ​യ​ലി​ൽ വെ​ട്ടി​ത്തി​രു​ത്ത​ൽ ന​ട​ത്തി കൂ​ടു​ത​ൽ തു​ക ത​ട്ടാ​ൻ ഉ​ദ്യോ​ഗ​സ്ഥ​ത​ല​ത്തി​ൽ ന​ട​ന്ന ഇ​ട​പെ​ട​ലു​ക​ൾ ധ​ന​കാ​ര്യ ക​മ്മി​റ്റി ക​ണ്ടെ​ത്തി ത​ട​യു​ക​യാ​യി​രു​ന്നു. 2023 മേ​യ് 25ന് ​ന​ൽ​കി​യ ബി​ല്ലു പ്ര​കാ​രം ജ​നു​വ​രി മു​ത​ൽ ഏ​പ്രി​ൽ വ​രെ 190 ലോ​ഡ് കു​ടി​വെ​ള്ളം വി​വി​ധ വാ​ർ​ഡു​ക​ളി​ൽ വി​ത​ര​ണം ചെ​യ്ത​താ​യാ​ണ് ക​ണ​ക്ക്.

ഇ​തേ ബി​ല്ലി​ൽ കൃ​ത്രി​മം കാ​ണി​ച്ച് ബി​ൽ തു​ക​യും കു​ടി​വെ​ള്ള വി​ത​ര​ണ ക്ക​ണ​ക്കും പെ​രു​പ്പി​ച്ചു​കാ​ട്ടി​യ​താ​യി ക​ണ്ടെ​ത്തു​ക​യാ​യി​രു​ന്നു. 190 ലോ​ഡ് കു​ടി​വെ​ള്ളം എ​ന്ന​ത് 299 ലോ​ഡ് ടാ​ങ്ക​ർ കു​ടി​വെ​ള്ള​മെ​ന്ന് തി​രു​ത്തി 2,39,000 രൂ​പ​യാ​യി ബി​ൽ തു​ക വ​ർ​ധി​പ്പി​ച്ചു. 2024 മേ​യ് 31 ന് ​ന​ൽ​കി​യ ബി​ൽ ന​ഗ​ര​സ​ഭ ധ​ന​കാ​ര്യ ക​മ്മി​റ്റി മു​മ്പാ​കെ പ​രി​ഗ​ണ​ന​ക്ക്​ വ​ന്ന​പ്പോ​ഴാ​ണ് ക്ര​മ​ക്കേ​ട്​ ക​ണ്ടെ​ത്തി​യ​ത്. ക​ഴി​ഞ്ഞ മാ​ർ​ച്ചി​ൽ ന​ഗ​ര​സ​ഭ​യു​ടെ മ​രാ​മ​ത്ത് ഫ​യ​ലു​ക​ളി​ൽ വ്യാ​പ​ക തി​രു​ത്ത​ലു​ക​ൾ ക​ണ്ടെ​ത്തി​യി​രു​ന്നു. അ​ത്താ​ണി ശ്മ​ശാ​നം റോ​ഡ്, പാ​ല​ച്ചു​വ​ട് മ​ണ്ണാ​ടി റോ​ഡ് എ​ന്നി​വ​യു​ടെ നി​ർ​മാ​ണ ചി​ല​വി​ലെ ബി​ല്ലി​ലാ​ണ് അ​ന്ന് തി​രു​ത്ത​ൽ ക​ണ്ടെ​ത്തി​യ​ത്.

ഒ​രു റോ​ഡി​ലെ നി​ർ​മാ​ണ​ചെ​ല​വ് ഏ​ഴു​ല​ക്ഷം എ​ന്ന​ത് ഏ​ഴു​കോ​ടി​യാ​ക്കി ആ​ദ്യം തി​രു​ത്തി. പി​ന്നീ​ട് ആ ​ഫ​യ​ൽ വീ​ണ്ടും വെ​ട്ടി​തി​രു​ത്തി 70 ല​ക്ഷ​മാ​ക്കി. മ​റ്റൊ​രു റോ​ഡ് നി​ർ​മാ​ണം 1.20 ല​ക്ഷ​മെ​ന്ന​ത്​ 12 ല​ക്ഷ​മാ​ക്കി തി​രു​ത്തി​യ നി​ല​യി​ലു​മാ​യി​രു​ന്നു.