വിടവാങ്ങിയത്​ പ്രഗല്​ഭ ബാസ് ഗിത്താറിസ്റ്റ്, നാടറിയുന്ന ശ്വാന പരിശീലകൻ

വൈ​പ്പി​ൻ: ഉ​ട​മ​യു​ടെ മ​ന​സ്സ​റി​ഞ്ഞ്​ പെ​രു​മാ​റാ​ന്‍ നാ​യ്ക്ക​ളെ പ്രാ​പ്ത​രാ​ക്കു​ന്ന മി​ക​ച്ച ട്രെ​യി​ന​ര്‍. സി​നി​മ​യി​ലും ജീ​വി​ത​ത്തി​ലും ഒ​രു​പോ​ലെ പേ​രെ​ടു​ത്ത റി​ങ്​ മാ​സ്റ്റ​ർ. കേ​ര​ള​ത്തി​ലെ എ​ണ്ണം പ​റ​ഞ്ഞ ശ്വാ​ന പ​രി​ശീ​ല​ക​നും പേ​രെ​ടു​ത്ത ബാ​സ് ഗി​റ്റാ​റി​സ്റ്റു​മാ​യി​രു​ന്നു ക​ഴി​ഞ്ഞ ദി​വ​സം നി​ര്യാ​ത​നാ​യ എ​ട​വ​ന​ക്കാ​ട് സ്വ​ദേ​ശി ഷ​ബീ​ര്‍ പി. ​അ​ലി. മ​ല​യാ​ള​ത്തി​ല​ട​ക്കം നി​ര​വ​ധി സി​നി​മ​ക​ളി​ല്‍ നാ​യ്ക്ക​ള്‍ക്ക് ഇ​ദ്ദേ​ഹം പ​രി​ശീ​ല​നം ന​ല്‍കി​യി​ട്ടു​ണ്ട്. ഈ ​വ​ര്‍ഷം പു​റ​ത്തി​റ​ങ്ങി​യ ഖ​ല്‍ബ് ആ​യി​രു​ന്നു ഒ​ടു​വി​ല​ത്തേ​ത്. 2023ല്‍ ​പു​റ​ത്തി​റ​ങ്ങി​യ വാ​ലാ​ട്ടി സി​നി​മ​യി​ലും നാ​യ പ​രി​ശീ​ല​ക​നാ​യി​രു​ന്നു. കോ​വി​ഡ് കാ​ല​ത്ത് ചി​ത്രീ​ക​ര​ണം ആ​രം​ഭി​ച്ച ചി​ത്ര​ത്തി​ല്‍ മ​റ്റു ര​ണ്ടു പേ​ര്‍ക്കൊ​പ്പം മൂ​ന്ന്​ വ​ര്‍ഷ​ത്തോ​ള​മാ​ണ് നാ​യ്ക്ക​ളു​ടെ ട്രെ​യി​ന​റാ​യി പ്ര​വ​ര്‍ത്തി​ച്ച​ത്. ശ്വാ​ന പ​രി​ശീ​ല​ന​ത്തി​ല്‍ 25 വ​ര്‍ഷ​ത്തി​ല​ധി​കം പ്ര​വൃ​ത്തി​പ​രി​ച​യ​മു​ള്ള ഷ​ബീ​ര്‍ 2002ലാ​ണ് പൂ​ര്‍ണ​മാ​യും ഈ ​രം​ഗ​ത്തേ​ക്ക് തി​രി​ഞ്ഞ​ത്. ഉപയോഗം, ​​ട്രാക്കിങ്​ എന്നീ കോഴ്​സുകളിൽ മുംബൈ, ബംഗളൂരു എന്നിവിടങ്ങളിൽനിന്ന്​ പരിശീലനം നേടി. അ​തു​കൊ​ണ്ട്​ ത​ന്നെ നി​ര​വ​ധി​പേ​രാ​ണ് നാ​യ പ​രി​ശീ​ല​ന​ത്തി​നാ​യി സ​മീ​പി​ച്ചി​രു​ന്ന​ത്. കേ​ര​ള​ത്തി​ല്‍ മാ​ത്രം 1600 ഓ​ളം നാ​യ്ക്ക​ളെ പ​രി​ശീ​ലി​പ്പി​ച്ചി​ട്ടു​ണ്ട്.

നേ​ര​ത്തെ കൊ​ച്ചി ആ​സ്ഥാ​ന​മാ​യ കാ​വ് എ​ന്ന സം​ഗീ​ത ബാ​ന്റി​ലെ ബാ​സ് ഗി​റ്റാ​റി​സ്റ്റാ​യി​രു​ന്നു. 35 രാ​ജ്യ​ങ്ങ​ള്‍ പ​ങ്കെ​ടു​ത്ത മ്യൂ​സി​ക് അ​ലെ​യ്ന്‍സ് പ്രൊ​ജ​ക്ടി​ല്‍ ഇ​ന്ത്യ​യെ പ്ര​തി​നി​ധീ​ക​രി​ച്ച മ്യൂ​സി​ക് ബാ​ന്‍ഡാ​ണ് വൈ​പ്പി​ന്‍ക​ര​യി​ല്‍ രൂ​പം​കൊ​ണ്ട കാ​വ്. സു​ഹൃ​ത്താ​യ ശ്യം.​എ​ന്‍. പൈ​യു​മാ​യി ചേ​ര്‍ന്ന് ഷ​ബീ​ര്‍ അ​ലി​യാ​ണ് 2009 ല്‍ ​ബാ​ന്‍ഡി​നു രൂ​പം ന​ല്‍കി​യ​ത്. പ​ള്ളു​രു​ത്തി സ്വ​ദേ​ശി​യാ​യ അ​രു​ണ്‍.​എ​സ്.​കു​മാ​ര്‍ കൂ​ടി ഭാ​ഗ​മാ​യ​തോ​ടെ കാ​വ് എ​ന്ന ട്ര​യോ മ്യൂ​സി​ക് ബാ​ന്‍ഡ് സം​ഗീ​ത ലോ​ക​ത്ത് ചു​വ​ടു​റ​പ്പി​ച്ചു.

ഓ​ര്‍ക്ക​സ്ട്ര ഉ​പ​യോ​ഗി​ച്ചു മാ​ത്രം നാ​ദ​പ്ര​പ​ഞ്ചം തീ​ര്‍ക്കു​ന്ന കാ​വ് പെ​ട്ടെ​ന്നു ത​ന്നെ ത​ങ്ങ​ളു​ടേ​താ​യ ഈ​ണ​ങ്ങ​ള്‍ക്കൊ​ണ്ട് പ്ര​ശ​സ്തി നേ​ടി. ഗി​റ്റാ​ര്‍, ബാ​സ്, ഡ്രം​സ് തു​ട​ങ്ങി​യ മൂ​ന്നു വാ​ദ്യോ​പ​ക​ര​ണ​ങ്ങ​ളാ​ണ് പ്ര​ധാ​ന​മാ​യും കാ​വി​ലെ സം​ഗീ​ത​ത്തി​ന്​ ജീ​വ​നേ​കി​യ​ത്. പി​ൽ​ക്കാ​ല​ത്തു ബാ​ൻ​ഡി​ന്റെ പ്ര​ശ​സ്തി ന​ഷ്ട​പ്പെ​ട്ടെ​ങ്കി​ലും തി​രി​ച്ചു കൊ​ണ്ടു​വ​രാ​നു​ള്ള ശ്ര​മം ന​ട​ത്തി​യി​രു​ന്നു.