വൈപ്പിനിൽനിന്ന് നഗരത്തിലേക്ക് ബസ് യാത്ര കരട് വിജ്ഞാപനം പ്രസിദ്ധീകരിച്ചു
text_fieldsതിരുവനന്തപുരം: വൈപ്പിനിൽനിന്ന് കൊച്ചി നഗരത്തിലേക്കുള്ള ബസ് യാത്രക്ക് സംസ്ഥാന ഗതാഗത വകുപ്പ് തയാറാക്കിയ പുതിയ സ്കീമിന്റെ കരട് വിജ്ഞാപനം പ്രസിദ്ധീകരിച്ചു. പുതിയ സ്കീം പ്രകാരം പറവൂർ കെ.എസ്.ആർ.ടി.സി സ്റ്റേഷനിൽനിന്ന് ചെറായി, ബോൾഗാട്ടി പാലസ് ജങ്ഷൻ, ഹൈകോർട്ട് ജങ്ഷൻ, ജെട്ടി ബസ് സ്റ്റാൻഡ്, കടവന്ത്ര വഴി വൈറ്റില ഹബ്ബിലേക്കും കൂനമ്മാവ്, ചേരാനല്ലൂർ ജങ്ഷൻ, കണ്ടെയ്നർ റോഡ്, ഹൈകോർട്ട് ജങ്ഷൻ, കലൂർ, പാലാരിവട്ടം വഴി കാക്കനാട്ടേക്കും കെ.എസ്.ആർ.ടി.സി സർവിസ് നടത്തും.
പറവൂർ - വൈറ്റില ഹബ് 36 കിലോമീറ്ററും പറവൂർ - കാക്കനാട് റൂട്ട് 34 കിലോമീറ്ററുമാണുള്ളത്. ചേരാനെല്ലൂർ സിഗ്നൽ ജങ്ഷൻ മുതൽ കണ്ടെയ്നർ റോഡ് വഴി ബോൾഗാട്ടി പാലസ് ജങ്ഷൻ വരെയുള്ള 11 കിലോമീറ്ററിലോ അതിന്റെ ഏതെങ്കിലും ഭാഗത്തോ നിലവിൽ സ്വകാര്യ ബസുകൾക്ക് നൽകിയിരിക്കുന്ന പെർമിറ്റ് കാലാവധി പൂർത്തിയാകുന്നതുവരെ തുടരാൻ അനുവദിക്കും. അതിനു ശേഷം ഈ റൂട്ടിൽ സ്ഥിരമോ താൽക്കാലികമോ ആയ പെർമിറ്റ് നൽകില്ല.
പുതിയ സ്കീം പ്രകാരം യാത്രക്കാരുടെ ആവശ്യത്തിനനുസരിച്ച് കെ.എസ്.ആർ.ടി.സി സർവിസ് നടത്തും. ടിക്കറ്റ് ചാർജ് നിലവിലെ നിരക്ക് പ്രകാരമായിരിക്കുമെന്നും വിജ്ഞാപനത്തിൽ പറയുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.