കാവൽ ബോട്ട് വിശ്രമത്തിലാണ്; 'പ്രത്യാശ'യറ്റ് കടലിന്‍റെ മക്കൾ

വൈ​പ്പി​ൻ: ക​ട​ലിെൻറ മ​ക്ക​ളു​ടെ കൈ​ക്ക​രു​ത്തി​ന് താ​ങ്ങാ​യും അ​വ​രു​ടെ ര​ക്ഷാ​ദൗ​ത്യ​ങ്ങ​ൾ​ക്ക് ക​രു​ത​ലാ​യും ഫി​ഷ​റീ​സ് വ​കു​പ്പ് നീ​റ്റി​ലി​റ​ക്കി​യ പ്ര​ത്യാ​ശ മ​റൈ​ൻ ആം​ബു​ല​ൻ​സ് 'അ​ല​ങ്കാ​ര വ​സ്തു​വാ​യി' നി​ല​നി​ൽ​ക്കു​ന്നു. അ​പ​ക​ട സ​മ​യ​ങ്ങ​ളി​ല്‍ മ​റ്റു മ​ത്സ്യ​ബ​ന്ധ​ന ബോ​ട്ടു​ക​ളാ​ണ് ഇ​ന്നും മ​ത്സ്യ​ത്തൊ​ഴി​ലാ​ളി​ക​ള്‍ക്ക് ആ​ശ്ര​യം. ആ​പ​ത്ഘ​ട്ട​ങ്ങ​ളി​ൽ സ​ർ​വ സ​ന്നാ​ഹ​ങ്ങ​ളോ​ടെ​യും ര​ക്ഷ​ക്കെ​ത്തു​മെ​ന്ന് ക​രു​തി​യ മ​റൈ​ൻ ആം​ബു​ല​ൻ​സ് ഇ​പ്പോ​ൾ മു​ന്‍കൂ​ട്ടി തീ​രു​മാ​നി​ക്കു​ന്ന പ​ട്രോ​ളി​ങ്ങി​നാ​യി മാ​ത്ര​മാ​ണ് സ​ര്‍വി​സ് ന​ട​ത്തു​ന്ന​ത്.

സൗ​ക​ര്യ​ങ്ങ​ൾ ഏ​റെ​യു​ണ്ട്; പ്ര​യോ​ജ​ന​മി​ല്ല

കൊ​ച്ചി ക​പ്പ​ല്‍ശാ​ല​യി​ല്‍ 6.08 കോ​ടി രൂ​പ ചെ​ല​വി​ല്‍ രാ​ജ​കീ​യ പ്രൗ​ഢി​യോ​ടെ നി​ര്‍മി​ച്ച മ​റൈ​ന്‍ ആം​ബു​ല​ന്‍സ് ഒ​രു വ​ര്‍ഷം മു​മ്പാ​ണ് ഫി​ഷ​റീ​സ് വ​കു​പ്പ് വൈ​പ്പി​നി​ലേ​ക്ക്‌ ന​ല്‍കി​യ​ത്. എ​ൻ​ജി​ൻ ഡ്രൈ​വ​ർ (മാ​സ്​​റ്റ​ർ) ബോ​ട്ട് എ​ൻ​ജി​നീ​യ​ർ, ലൈ​ഫ് ഗാ​ർ​ഡു​മാ​ർ, ര​ണ്ട് പാ​രാ​മെ​ഡി​ക്ക​ൽ സ്​​റ്റാ​ഫ് എ​ന്നി​ങ്ങ​നെ അ​ഞ്ച് സ്ഥി​രം ജീ​വ​ന​ക്കാ​ർ അ​ട​ക്കം ഒ​മ്പ​ത് പേ​രാ​ണ് ക​ട​ൽ ആം​ബു​ല​ൻ​സി​ലു​ള്ള​ത്. അ​പ​ക​ട​വേ​ള​ക​ളി​ൽ ഒ​രേ സ​മ​യം ആ​റ് പേ​രെ ര​ക്ഷി​ച്ച് ക​ര​യി​ൽ എ​ത്തി​ക്കാ​നാ​കു​ന്ന ബോ​ട്ടി​ൽ ഓ​ക്സി​ജ​ൻ സി​ലി​ണ്ട​റും മെ​ഡി​ക്ക​ൽ സൗ​ക​ര്യ​ങ്ങ​ളും ഒ​രു മോ​ർ​ച്ച​റി​യും സ​ജ്ജ​മാ​ണ്. 23 മീ​റ്റ​ർ നീ​ള​വും 5.6 മീ​റ്റ​ർ വീ​തി​യു​മു​ള്ള മ​റൈ​ൻ ആം​ബു​ല​ൻ​സ് 700 ഹോ​ഴ്സ്പ​വ​ർ ശ​ക്തി​യു​ള്ള ര​ണ്ട് എ​ൻ​ജി​െൻറ പി​ൻ​ബ​ല​ത്തി​ൽ മ​ണി​ക്കൂ​റി​ൽ പ​തി​നാ​ല് നോ​ട്ടി​ക്ക​ൽ മൈ​ൽ വേ​ഗ​ത്തി​ൽ സ​ഞ്ച​രി​ക്കും എ​ന്നാ​യി​രു​ന്നു വാ​ഗ്ദാ​നം.

എ​ന്നാ​ൽ നിനേ​ര​ത്തേ ഒ​രു​ക്ക​ങ്ങ​ൾ പൂ​ർ​ത്തി​യാ​ക്കി​യാ​ൽ മാ​ത്ര​മെ ആം​ബു​ല​ന്‍സ് സ്​​റ്റാ​ര്‍ട്ടാ​കൂ എ​ന്ന​തി​നാ​ൽ മ​ത്സ്യ​ത്തൊ​ഴി​ലാ​ളി​ക​ള്‍ ക​ട​ലി​ല്‍ അ​പ​ക​ട​ത്തി​ല്‍പ്പെ​ടു​മ്പോ​ള്‍ ആം​ബു​ല​ൻ​സി​ന്​ ഓ​ടി​യെ​ത്താ​ന്‍ സാ​ധി​ക്കു​ന്നി​ല്ല. സ​ർ​വ സ​ന്നാ​ഹ​ങ്ങ​ളോ​ടെ മ​റൈ​ൻ ആം​ബു​ല​ൻ​സ് ഉ​ണ്ടാ​യി​ട്ടും മ​റ്റു മ​ത്സ്യ​ബ​ന്ധ​ന ബോ​ട്ടു​ക​ളാ​ണ് അ​പ​ക​ട​സ​മ​യ​ത്ത് മ​ത്സ്യ​ത്തൊ​ഴി​ലാ​ളി​ക​ളു​ടെ ര​ക്ഷ​ക്കെ​ത്തു​ന്ന​ത്. ക​ട​ല്‍ക്ഷോ​ഭ സ​മ​യ​ത്ത് ഓ​ടി​ക്കാ​ന്‍ സാ​ധി​ക്കാ​ത്ത രീ​തി​യി​ലാ​ണ് ബോ​ട്ടിെൻറ ഡി​സൈ​ന്‍ എ​ന്ന് വി​മ​ര്‍ശ​നം ഉ​യ​രു​ന്നു​ണ്ട്.

ഒ​രു മ​ണി​ക്കൂ​ര്‍ ഓ​ടി​യാ​ല്‍ ഡീ​സ​ല്‍ 50 ലി​റ്റ​റി​ന് മു​ക​ളി​ല്‍ ആ​കു​മെ​ന്ന​തി​നാ​ല്‍ ചെ​ല​വും കൂ​ടു​ത​ലാ​ണ്. ബോ​ട്ടി​ന് ത​ക​രാ​ര്‍ സം​ഭ​വി​ച്ചാ​ലും സ്‌​പെ​യ​ര്‍ പാ​ര്‍ട്‌​സ് നാ​ട്ടി​ല്‍ കി​ട്ടാ​നി​ല്ലാ​ത്ത സ്ഥി​തി​യാ​ണ്.

മൂ​ന്നി​ട​ത്തും ഒ​രേ സ്ഥി​തി

മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ ഫ​ണ്ട്, ബി.​പി.​സി.​എ​ൽ, കൊ​ച്ചി​ൻ ഷി​പ് യാ​ർ​ഡിെൻറ സാ​മൂ​ഹി​ക പ്ര​തി​ബ​ദ്ധ​താ ഫ​ണ്ട് എ​ന്നി​വ​യ​ട​ക്കം 18.24 കോ​ടി രൂ​പ​യു​പ​യോ​ഗി​ച്ച് കൊ​ച്ചി​ൻ ഷി​പ്​​യാ​ർ​ഡാ​ണ് ഫി​ഷ​റീ​സ് വ​കു​പ്പി​ന് വേ​ണ്ടി മൂ​ന്ന് മ​റൈ​ൻ ആം​ബു​ല​ൻ​സു​ക​ൾ നി​ർ​മി​ച്ച​ത്. വി​ഴി​ഞ്ഞ​ത്തി​നു​ള്ള 'പ്ര​തീ​ക്ഷ' വൈ​പ്പി​ൻ തു​റ​മു​ഖ​ത്തി​നു​ള്ള 'പ്ര​ത്യാ​ശ' ബേ​പ്പൂ​രി​നു​ള്ള 'കാ​രു​ണ്യ' എ​ന്നീ മൂ​ന്ന് ആം​ബു​ല​ൻ​സു​ക​ളാ​ണ് ഒ​രു വ​ർ​ഷം മു​മ്പ്​ മു​ഖ്യ​മ​ന്ത്രി നീ​റ്റി​ലി​റ​ക്കി​യ​ത്. മ​റ്റു ര​ണ്ടി​ട​ത്തും അ​വ​സ്ഥ ഇ​തു​ത​ന്നെ​യാ​ണ്. ബോ​ട്ടു​ക​ളു​ടെ ന​ട​ത്തി​പ്പ് മൂ​ന്നി​ട​ത്തും ഒ​രു ഏ​ജ​ന്‍സി​യെ​യാ​ണ് ഏ​ല്‍പ്പി​ച്ചി​രി​ക്കു​ന്ന​ത്. മാ​സം തോ​റും വ​ലി​യ തു​ക ഈ ​ഇ​ന​ത്തി​ല്‍ ചെ​ല​വാ​കു​ന്നു​ണ്ട്.