വേലിയേറ്റ വെള്ളപ്പൊക്കത്തിൽ മുങ്ങി തീരപ്രദേശം

വൈ​പ്പി​ൻ: വേ​ലി​യേ​റ്റം ശ​ക്ത​മാ​യ​തോ​ടെ തീ​ര​പ്ര​ദേ​ശ​ത്തെ താ​ഴ്ന്ന പ്ര​ദേ​ശ​ങ്ങ​ളും റോ​ഡു​ക​ളും വെ​ള്ള​ക്കെ​ട്ടി​ൽ മു​ങ്ങി. വി​വി​ധ പ​ഞ്ചാ​യ​ത്തു​ക​ളി​ലെ നി​ര​വ​ധി വീ​ടു​ക​ളി​ൽ വെ​ള്ളം ക​യ​റി ജ​ന​ജീ​വി​തം ദു​സ്സ​ഹ​മാ​യി.

ആ​ളു​ക​ൾ ബ​ന്ധു​വീ​ടു​ക​ളി​ലും മ​റ്റും അ​ഭ​യം തേ​ടി. ഞാ​റ​ക്ക​ൽ, നാ​യ​ര​മ്പ​ലം, എ​ട​വ​ന​ക്കാ​ട്, കു​ഴു​പ്പി​ള്ളി പ​ഞ്ചാ​യ​ത്തു​ക​ളി​ലാ​ണ് സ്ഥി​തി രൂ​ക്ഷം. എ​ട​വ​ന​ക്കാ​ട് അ​ണി​യി​ൽ നെ​ടു​ങ്ങാ​ട് റോ​ഡ് ഒ​രാ​ഴ്ച​യാ​യി വെ​ള്ള​ക്കെ​ട്ടി​ലാ​ണ്.

കു​ഴു​പ്പി​ള്ളി പ​ള്ള​ത്താം​കു​ള​ങ്ങ​ര ബീ​ച്ച്‌​റോ​ഡ് പൂ​ർ​ണ​മാ​യും വേ​ലി​യേ​റ്റ വെ​ള്ള​ക്കെ​ട്ടി​ൽ മു​ങ്ങി. റോ​ഡി​ന്റെ ഉ​യ​ര​ക്കു​റ​വാ​ണ് ഇ​വി​ട​ത്തെ വെ​ള്ള​ക്കെ​ട്ടി​ന്റെ പ്ര​ധാ​ന കാ​ര​ണം. ഈ ​ഭാ​ഗ​ത്ത് റോ​ഡി​ൽ വെ​ള്ളം ക​യ​റി​ക്കി​ട​ന്ന സ​മ​യ​ത്ത് ബീ​ച്ചി​ൽ​നി​ന്ന് തി​രി​ച്ചു​വ​ന്ന കാ​ർ ദി​ശ​തെ​റ്റി ചെ​മ്മീ​ൻ​കെ​ട്ടി​ലേ​ക്ക് വീ​ണി​രു​ന്നു. ഈ ​ഭാ​ഗ​ത്ത് റോ​ഡി​ന്റെ​യും പാ​ർ​ശ്വ​ഭി​ത്തി​യു​ടെ​യും ഉ​യ​രം വ​ർ​ധി​പ്പി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. പ​ള്ള​ത്താം​കു​ള​ങ്ങ​ര ക​ട​പ്പു​റ​ത്തു​നി​ന്ന് സം​സ്ഥാ​ന​പാ​ത​യി​ൽ എ​ത്ത​ണ​മെ​ങ്കി​ൽ മു​ട്ടോ​ളം വെ​ള്ള​ത്തി​ൽ നീ​ന്ത​ണം. വി​ദ്യാ​ർ​ഥി​ക​ള​ട​ക്കം നി​ര​വ​ധി പേ​രാ​ണ് ഇ​തു​വ​ഴി സ​ഞ്ച​രി​ക്കു​ന്ന​ത്.

വെ​ള്ള​പ്പൊ​ക്കം ത​ട​യാ​ൻ തോ​ടു​ക​ളു​ടെ ഇ​രു​വ​ശ​ത്തും ക​രി​ങ്ക​ൽ ഭി​ത്തി​കെ​ട്ടി ത​ട​യി​ട​ണ​മെ​ന്നാ​വ​ശ്യ​പ്പെ​ട്ട്​ വ​ർ​ഷ​ങ്ങ​ളാ​യി ജ​ന​പ്ര​തി​നി​ധി​ക​ളെ​യും മ​റ്റും സ​മീ​പി​ച്ചെ​ങ്കി​ലും ന​ട​പ​ടി ഉ​ണ്ടാ​കു​ന്നി​ല്ലെ​ന്ന് നാ​ട്ടു​കാ​ർ പ​റ​യു​ന്നു.