വാര്‍ഷികവും ആദരിക്കലും

പത്തനാപുരം: ജീവനം കാൻസർ സൊസൈറ്റിയുടെ ബ്ലഡ് ഡോണേഴ്സ് ഫോറത്തിന്‍റെ രണ്ടാം വാർഷിക ആഘോഷവും ആദരിക്കല്‍ ചടങ്ങും പിറവന്തൂർ ഗ്രാമപഞ്ചായത്ത് പ്രസിഡന്‍റ് ആർ. ജയൻ ഉദ്ഘാടനം ചെയ്തു. ജീവനം പ്രസിഡന്‍റ് പി.ജി. സന്തോഷ് കുമാര്‍ അധ്യക്ഷത വഹിച്ചു. കൂടുതൽ തവണ രക്തദാനം ചെയ്ത ഷാനവാസിനെ ആദരിച്ചു. ഭാരവാഹികളായ ബിജു തുണ്ടിൽ, ജോജി മാത്യു ജോർജ്, ആർ. ഗോപാലൻ, ബി. രാമചന്ദ്രൻ, ഷാനവാസ്, ആർ. സുഭാഷ്, ജഹാംഗീർ, അനിൽകുമാർ, വിൽസൺ എന്നിവർ സംസാരിച്ചു.