പ്രയാറി‍െൻറ നിര്യാണത്തിൽ അനുശോചനപ്രവാഹം

പ്രയാറി‍ൻെറ നിര്യാണത്തിൽ അനുശോചനപ്രവാഹം കൊല്ലം: മുൻ എം.എൽ.എ, മിൽമ ചെയർമാൻ, തിരുവിതാംകൂർ ദേവസ്വം ബോർഡ്​ പ്രസിഡന്‍റ്​ എന്നിങ്ങനെ വിവിധ പദവികളിൽ തിളങ്ങിയ കോൺഗ്രസി‍ൻെറ മുതിർന്ന നേതാവ്​ പ്രയാർ ഗോപാലകൃഷ്ണ‍​ൻെറ നിര്യാണത്തിൽ വിവിധ മേഖലകളിൽ നിന്നും അനുശോചന പ്രവാഹം. അർപ്പണ മനോഭാവത്തോടെ പ്രവർത്തിച്ചിരുന്ന പ്രിയ സുഹൃത്തായിരുന്നു പ്രയാറെന്ന്​ ആർ.എസ്.പി സംസ്ഥാന സെക്രട്ടറി എ.എ. അസീസ് അനുശോചന സന്ദേശത്തിൽ പറഞ്ഞു. ക്ഷീരകർഷക കോൺഗ്രസ് അനുശോചന യോഗത്തിൽ സംസ്​ഥാന വർക്കിങ്​ പ്രസിഡന്‍റ്​ വടക്കേവിള ശശി അധ്യക്ഷത വഹിച്ചു. സംസ്​ഥാന ജനറൽ സെക്രട്ടറി തൊടിയൂർ വിജയൻ, ബി. ശങ്കരനാരായണപിള്ള, യശോദരൻപിള്ള, അജിത് ജി, എം.ആർ. മോഹനൻപിള്ള, പുന്തല മോഹൻ, ബിജു സി, നെല്ലിക്കാട് കമറുദ്ദീൻ എന്നിവർ സംസാരിച്ചു. പ്രയാറി‍ൻെറ നിര്യാണത്തിൽ ലീഡർ കെ. കരുണാകരൻ അനുസ്​മരണ സമിതി അനുശോചിച്ചു. ജില്ല ചെയർമാൻ ബി. ശങ്കരനാരായണപിള്ള അധ്യക്ഷത വഹിച്ചു. പ്രയാർ ഗോപാലകൃഷ്ണ‍​ൻെറ നിര്യാണത്തിൽ ഫോർവേഡ് ബ്ലോക്ക് ജില്ല സെക്രട്ടറി പ്രകാശ് മൈനാഗപ്പള്ളി അനുശോചിച്ചു. മഹാത്മാഗാന്ധി സാംസ്കാരിക സമിതിയുടെ ആഭിമുഖ്യത്തിൽ അനുശോചനയോഗം സംഘടിപ്പിച്ചു. സമിതി പ്രസിഡന്റ് സജീവ് പരിശവിള യോഗം ഉദ്ഘാടനം ചെയ്തു. പ്രമോദ് കണ്ണൻ അധ്യക്ഷത വഹിച്ചു.