വീടുകളിലും കൃഷിയിടങ്ങളിലും വെള്ളം കയറി

ശാസ്താംകോട്ട: കഴിഞ്ഞദിവസങ്ങളിൽ ഉണ്ടായ ശക്തമായ മഴയിൽ . മൈനാഗപ്പള്ളി ആദിക്കാട്ട് ഏലാക്ക്​ സമീപം താമസിക്കുന്നവരുടെ വീടുകളിലും കൃഷിയിടങ്ങളിലുമാണ് വെള്ളം കയറിയത്. വീടുകൾക്ക് തകരാർ പറ്റുകയും കൃഷി നശിക്കുകയും ചെയ്തിട്ടുണ്ട്. വിള ഇൻഷുറൻസ് പദ്ധതി പ്രകാരമുള്ള നഷ്ടപരിഹാരത്തിന് അപേക്ഷിച്ചവരുടെ കാര്യത്തിൽ കൃഷിഭവനിൽ നിന്ന് അനുകൂലമായ നടപടികൾ ഉണ്ടായിട്ടി​െല്ലന്നും ആക്ഷേപം ഉണ്ട്. അനുസ്മരണം ശാസ്താംകോട്ട: ഐ.എൻ.ടി.യു.സി കുന്നത്തൂർ റീജനൽ കമ്മിറ്റിയുടെ നേതൃത്വത്തിൽ ജി. കൃഷ്ണൻകുട്ടി നായർ അനുസ്മരണ സമ്മേളനം നടത്തി. എം.വി. ശശികുമാരൻ നായർ ഉദ്ഘാടനം ചെയ്തു. പ്രസിഡന്‍റ്​ തടത്തിൽ സലിം അധ്യക്ഷത വഹിച്ചു. ഡി.സി.സി ജനറൽ സെക്രട്ടറിമാരായ വൈ. ഷാജഹാൻ, കാഞ്ഞിരംവിള അജയകുമാർ, കോൺഗ്രസ് ബ്ലോക്ക് പ്രസിഡന്‍റുമാരായ കെ. സുകുമാരൻ നായർ, തുണ്ടിൽ നൗഷാദ്, ജെ. സരോജാക്ഷൻ, ശാസ്താംകോട്ട റഷീദ് എന്നിവർ സംസാരിച്ചു.