പ്രതിഷേധ പ്രകടനം

ശാസ്താംകോട്ട: മുഖ്യമന്ത്രി പിണറായി വിജയൻ രാജിവെക്കണമെന്നാവശ്യപ്പെട്ട്​ പോരുവഴി മണ്ഡലം കോൺഗ്രസ്‌, യൂത്ത് കോൺഗ്രസ്‌ കമ്മിറ്റികളുടെ നേതൃത്വത്തിൽ മയ്യത്തുങ്കരയിൽനിന്ന് ചക്കുവള്ളി ടൗണിലേക്ക് പ്രകടനം നടത്തി. മുഖ്യമന്ത്രിയുടെ കോലം കത്തിച്ചു. യോഗം കെ.പി.സി.സി അംഗം പി.കെ. രവി ഉദ്​ഘാടനം ചെയ്തു. കിണറുവിള നാസർ, സദാശിവൻപിള്ള, സുഹൈൽ അൻസാരി, ബിനു മംഗലത്ത്, അബ്ദുൽസമദ്, അർത്തിയിൽ അൻസാരി, ഷാഫി ചെമ്മാത്, ചക്കുവള്ളി നസീർ, അർത്തിയിൽ ഷഫീക്, ഷംനാദ് അയന്തിയിൽ, ബദർ ചിറയിൽ, നിതിൻ പ്രകാശ്, ബഷീർ വരിക്കോലി, ശിഹാബ് അയന്തിയിൽ, ജലീൽ പള്ളിയാടി, സലീം കല്ലുവെട്ടാൻകുഴി എന്നിവർ സംസാരിച്ചു. ​ പഠനോപകരണ വിതരണം ശാസ്താംകോട്ട: എം.ടി.എം.എം മിഷൻ ആശുപത്രിയുടെ നേതൃത്വത്തിൽ വിദ്യാർഥികൾക്കായുള്ള പഠനോപകരണങ്ങളുടെ വിതരണ ഉദ്ഘാടനം ചവറ കെ.എസ്. പിള്ള നിർവഹിച്ചു. ഡോ.സഞ്ജയ് രാജു, ഫാ.ജോസ് എം. ഡാനിയൽ, ഫാ. എബ്രഹാം വർഗീസ്, ഹെഡ്മിസ്ട്രസ് സരസ്വതി, ജോബിൻ കെ. തോമസ് എന്നിവർ പ​ങ്കെടുത്തു. മുതുപിലാക്കാടും പരിസര പ്രദേശങ്ങളിലുമുള്ള സർക്കാർ സ്കൂളുകളിലാണ് പഠനോപകരണങ്ങൾ വിതരണം ചെയ്തത്.