സംസ്ഥാന സമ്മേളനം ഇന്നുമുതൽ

കൊല്ലം: ബി.എം.എസിന്‍റെ നേതൃത്വത്തിലുള്ള കേരള പ്രദേശ്​ ഹെഡ്​ലോഡ്​ ആൻഡ്​ ജനറൽ മസ്​ദൂർ ഫെഡറേഷന്‍റെ 12ാമത്​ സംസ്ഥാന സമ്മേളനത്തിന്​ ശനിയാഴ്ച തുടക്കമാകും. കൊല്ലം താമരക്കുളം റെഢ്യാർ ഹാളിൽ നടക്കുന്ന സമ്മേളനത്തിൽ എല്ലാ ജില്ലകളിൽനിന്നുമുള്ള പ്രതിനിധികൾ പ​ങ്കെടുക്കുമെന്ന്​ ബി.എം.എസ്​ ജില്ല പ്രസിഡന്‍റ്​ എസ്​. വാരിജാക്ഷൻ വാർത്തസമ്മേളനത്തിൽ അറിയിച്ചു. ബി.എം.എസ്​ ദക്ഷിണ ക്ഷേത്ര സഹ സംഘടന സെക്രട്ടറി എം.പി. രാജീവൻ ഉദ്​ഘാടനം ചെയ്യും. ഫെഡറേഷൻ സംസ്ഥാന അധ്യക്ഷൻ കെ. മനോഷ്​ കുമാർ അധ്യക്ഷതവഹിക്കും. ഞായറാഴ്ച സമാപിക്കുന്ന സമ്മേളനത്തിന്‍റെ ഭാഗമായി സെമിനാറുകൾ, ട്രേഡ്​ യൂനിയൻ സമ്മേളനങ്ങൾ, പ്രതിനിധി സമ്മേളനങ്ങൾ എന്നിവ നടക്കുമെന്ന്​ യൂനിയൻ ജനറൽ സെക്രട്ടറി പി. ജയപ്രകാശ്​ പറഞ്ഞു. യൂനിയൻ പ്രസിഡന്‍റ്​ എസ്​. സുന്ദരൻ, ബി.എം.എസ്​ ജില്ല ഉപാധ്യക്ഷൻ ബി. ശശിധരൻ എന്നിവരും വാർത്തസമ്മേളനത്തിൽ പ​ങ്കെടുത്തു.