രജിസ്ട്രേഷൻ ക്യാമ്പും കാർഡ് വിതരണവും

ചവറ: തേവലക്കര പടിഞ്ഞാറ്റക്കര വടക്ക് ഒന്നാം വാർഡിൽ തേവലക്കര സി.എസ്.സി.യുമായി ചേർന്ന് അസംഘടിത തൊഴിലാളികൾക്കായി ഇ-ശ്രം രജിസ്ട്രേഷനും ഏകീകൃത തിരിച്ചറിയൽ കാർഡ് വിതരണവും നടത്തി. ചവറ ബ്ലോക്ക് പഞ്ചായത്ത് പ്രസിഡൻറ് സന്തോഷ് തുപ്പാശ്ശേരി ഉദ്ഘാടനം ചെയ്തു. വാർഡ് മെംബർ അനസ് നാത്തയ്യത്ത് അധ്യക്ഷത വഹിച്ചു. ജില്ല പഞ്ചായത്തംഗം എസ്. സോമൻ കാർഡ് വിതരണം നടത്തി. പഞ്ചായത്ത് പ്രസിഡൻറ് എസ്. സിന്ധു, വൈസ് പ്രസിഡൻറ് ഷാനവാസ്, ബ്ലോക്ക് പഞ്ചായത്തംഗം സുമയ്യ അഷ്റഫ്, പഞ്ചായത്തംഗങ്ങളായ രാധാമണി, എം.എ. അൻവർ, എൻ.ആർ. ബിജു, സുരേന്ദ്രൻ, രാമചന്ദ്രൻ നായർ എന്നിവർ സംസാരിച്ചു. ധർണ (ചിത്രം) കൊല്ലം: ഇന്ധന വിലവർധനക്കെതിരെ ഓൾ ഇന്ത്യ ഫോർവേഡ് ബ്ലോക്ക് ചിന്നക്കട ഹെഡ് പോസ്​റ്റ്​ ഓഫിസിനു മുന്നിൽ സംഘടിപ്പിച്ച ധർണ ദേശീയ സെക്രട്ടറി ജി. ദേവരാജൻ ഉദ്ഘാടനം ചെയ്തു. ജില്ല സെക്രട്ടറി പ്രകാശ് മൈനാഗപ്പള്ളി അധ്യക്ഷത വഹിച്ചു. ബൈജു മേനാച്ചേരി, ആര്‍. സ്​റ്റാലിന്‍ പാരിപ്പള്ളി, എസ്.എസ്. നൗഫല്‍, അജിത്ത് കുരീപ്പുഴ, കിളികൊല്ലൂര്‍ രംഗനാഥ്, കുറ്റിയില്‍ ഷംസുദീന്‍, നളിനാക്ഷന്‍ ഉളിയനാട്, രാജുക്കുട്ടി, നസീം കോടംവിള തുടങ്ങിയവർ സംസാരിച്ചു.