കുളത്തൂപ്പുഴ-കൊല്ലം വേണാട് ഇന്നു മുതല്‍ പൂര്‍ണ തോതില്‍

കുളത്തൂപ്പുഴ: കുളത്തൂപ്പുഴ-കൊല്ലം വേണാട് ബസ് സര്‍വിസ് ചൊവ്വാഴ്ച മുതല്‍ പൂര്‍ണ തോതില്‍ ആരംഭിക്കുമെന്ന് അധികൃതര്‍ അറിയിച്ചു. പുലര്‍ച്ച 4.50 മുതല്‍ വൈകീട്ട് 7.40 വരെ 20 മിനിറ്റ്​ ഇടവേളകളിൽ സര്‍വിസ് നടത്തുമെന്ന് ഡിപ്പോ അധികൃതര്‍ അറിയിച്ചു. കിഴക്കന്‍ മേഖലയിലുള്ളവര്‍ക്ക് ജില്ല ആസ്ഥാനത്തേക്കെത്തുന്നതിനും ദീര്‍ഘദൂര യാത്രക്കാരും ആ​ശ്രയിക്കുന്ന സര്‍വിസ് ഏറെ ജനപ്രിയമായിരുന്നു. കോവിഡ്​ ലോക്​ഡൗണിനെ തുടർന്നാണ്​ സർവിസുകൾ വെട്ടിക്കുറച്ചത്​.