ചാത്തന്നൂരിൽ വ്യാപക കവർച്ച

ചിത്രം- ചാത്തന്നൂർ: കഴിഞ്ഞ ദിവസം രാത്രിയിൽ ചാത്തന്നൂരിൽ വ്യാപകമായ കവർച്ച നടന്നു. ചാത്തന്നൂർ പോസ്​റ്റ്​ ഓഫിസ് ജങ്​ഷന്​ സമീപമുള്ള ബി.എസ്‌.എൻ.എൽ ഓഫിസ്, പോസ്​റ്റ്​ ഓഫിസ്, വർക്ക്‌ഷോപ്പ്, ജനസേവനകേന്ദ്രം എന്നിവിടങ്ങളിൽ മോഷണസംഘം കവർച്ച നടത്തി. വർക്ക് ഷോപ്പിൽനിന്ന്​ 25000 രൂപ മോഷ്​ടാക്കൾ അപഹരിച്ചു. കൃഷി ആവശ്യങ്ങൾക്ക് ഉപയോഗിക്കുന്ന കുന്താലിയും വെട്ടുകത്തിയുമായാണ്​ സംഘം മോഷണം നടത്തിയത്. പോസ്​റ്റ്​ ഓഫിസ് ജങ്​ഷന് സമീപമുള്ള വർക്ക്‌ഷോപ്പി​ൻെറ പൂട്ട് തകർത്ത് ഉള്ളിൽ കയറിയ സംഘം ഗ്ലാസ്‌ തകർത്താണ്​ 25600 രൂപയും സ്പാനർ ഉൾപ്പെടെയുള്ള ടൂൾസും അപഹരിച്ചത്​. തൊട്ടടുത്ത ജനസേവനകേന്ദ്രത്തി​ൻെറയും പൂട്ട് തകർത്തെങ്കിലും ഒന്നും നഷ്​ടപ്പെട്ടിട്ടില്ല. പോസ്​റ്റ്​ ഓഫിസി​ൻെറ ജനൽ കമ്പി വളച്ചൊടിച്ചാണ് ഉള്ളിൽ കയറിയത്. ഡ്രോയറുകളും മറ്റും തുറന്ന്​ സാധനങ്ങളെല്ലാം വലിച്ചുവാരിയിട്ട നിലയിലാണ്. തുടർന്ന് ലോക്കറി​ൻെറ പൂട്ട് തുറക്കാൻ ശ്രമം നടത്തിയെങ്കിലും വിജയിച്ചില്ല. തുടർന്ന് ചാത്തന്നൂർ ബി.എസ്‌.എൻ.എൽ കോമ്പൗണ്ടിൽ കയറി ഉപഭോക്തൃ സേവനകേന്ദ്രത്തോട്​ ചേർന്നുള്ള എസ്‌.ഡി.ഒ.ടി (പി) ഓഫിസി​ൻെറ കതകി​ൻെറ പൂട്ടുപൊളിച്ച്​ മോഷ്​ടാക്കൾ അകത്തു കടക്കുകയും അലമാര കുത്തിത്തുറക്കുകയും ചെയ്തു. ഉപകരണങ്ങളോ പണമോ നഷ്​ടപ്പെട്ടിട്ടി​െല്ലന്ന്​ ബി.എസ്.എൻ.എൽ അധികൃതർ പറഞ്ഞു. ബി.എസ്‌.എൻ.എൽ അധികൃതർ പൊലീസിൽ പരാതി നൽകി. ചാത്തന്നൂർ പൊലീസും കൊല്ലത്തുനിന്നുള്ള ഡോഗ് സ്ക്വാഡും സംഭവസ്ഥലത്തെത്തി. ചാത്തന്നൂർ പൊലീസ്​ മേൽനടപടികൾ സ്വീകരിച്ചു.